. වෛද්‍යා තාක්‍ෂණික නිලධාරී තනතුරෙන් සමුගනී | කෙළිමඬල
2019 මාර්තු මස 20 වැනි බදාදා
වෛද්‍යා තාක්‍ෂණික නිලධාරී තනතුරෙන් සමුගනී
2017-10-20 18:23:18 | සුසිල් ප්‍රේමලාල්

ජාත්‍යන්තර මලල ක්‍රීඩා සම්මේලනයේ ජ්‍යෙෂ්ඨ තාක්ෂණික නිළධාරියෙකු වන පී.එච්.ඩී. වෛද්‍යතිලක මහතා ලබන 2018 වසරේ සිට එම තනතුරින් ඉවත්වීමට තීරණය කර ඇත.

ජාත්‍යන්තර මලල ක්‍රීඩා තාක්ෂණික නිලධාරීන් සඳහා වසර 4 කට වරක් විශේෂ පරීක්ෂණයක් ජාත්‍යන්තර මලල ක්‍රීඩා සම්මේලනය විසින් පවත්වනු ලැබේ. ඒ අනුව ඉදිරි සිව් වසර සඳහා මෙම 21 සහ 22 යන දිනවල එංගලන්තයේ ලන්ඩන් නුවර පැවැත්වෙන එම විශේෂ පරීක්ෂණයට තමා සහභාගී නොවන බව වෛ්‍යතිලක මහතා පවසයි. පෞද්ගලික හේතු මත වෛද්‍යතිලක මහතා මෙම තීරණය ගෙන ඇත.

පී.එච්.ඩී. වෛද්‍යතිලක මහතා 1989 වසරේ සිට ශ්‍රී ලංකාවේ මලල ක්‍රීඩා තාක්ෂණික නිලධාරියෙකු ලෙස කටයුතු කරන අතර 2001 වසරේ සිට ජාත්‍යන්තර මලල ක්‍රීඩා සංගමයේ ජ්‍යෙෂ්ඨ තාක්ෂණික නිලධාරියෙකු ලෙස මේ දක්වා සේවය කර ඇත.

ජාත්‍යන්තර මට්ටමේ ක්‍රීඩා උළෙල සහ මලල ක්‍රීඩා තරගාවලි රැසක තාක්ෂණික නිලධාරියෙකු ලෙස කටයුතු කර ඇති වෛද්‍යතිලක මහතා ඔලිම්පික් ක්‍රීඩා උළෙල, යොවුන් ඔලිම්පික් ක්‍රීඩා උළෙල, පැරා ඔපිම්පික් ක්‍රීඩා උළෙල, ලෝක ශූරතා මලල ක්‍රීඩා තරගාවලිය, ලෝක කුසලතා මලල ක්‍රීඩා තරගාවලිය, ලෝක විශ්ව විද්‍යාල ක්‍රීඩා උළෙල, පොදු රාජ්‍ය මණ්ඩලීය ක්‍රීඩා උළෙල, ආසියානු ක්‍රීඩා උළෙල සහ දකුණු ආසියානු ක්‍රීඩා උළෙල යන ක්‍රීඩා තරගවල මලල ක්‍රීඩා තාක්ෂණික නිළධාරියෙකු ලෙස දීර්ඝ කාලයක් කටයුතු කර තිබේ.

ජාත්‍යන්තර මලල ක්‍රීඩා සම්මේලනයේ තාක්ෂණික නිළධාරි පාඨමාලාවේ කථිකාචාර්ය වරයෙකුද වන ඔහු ඉදිරියටත් අදාළ පාඨමාලා මෙහෙයවීම් කටයුතු වල නියැලෙන බව පවසයි.

වෛද්‍යතිලක මහතා ගාල්ල රිච්මන්ඞ් විදුහලේ ආදී සිසුවෙකු වන අතර පාසල් සහ ක්‍රීඩා සමාජ මට්ටමින් මීටර් 110 කඩුලු පැන දිවීම ඉසව්ට තරග කළ ක්‍රීඩකයෙකු ද වෙයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...
හතුරුසිංහ ආපසු කැඳවයි...
2019-03-14 16:31:50
දකුණු අප්‍රිකාවේදී දැන් පැවැත්වෙන තරග සංචාරයේ විස්සයි20 ක්‍රිකට් තරගාවලිය ආරම්භ වීමට පෙර ශ්‍රී ලංකා ක්‍රිකට් පිලේ ප්‍ර...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...