. ඩිවිලියර්ස් එක්දින පිතිකරුවන් අතර පෙරමුණේ | කෙළිමඬල
2018 සැප්තැම්බර් මස 26 වැනි බදාදා
ඩිවිලියර්ස් එක්දින පිතිකරුවන් අතර පෙරමුණේ
2017-10-20 21:09:20 | .

අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව එක්දින පිතිකරුවන් අතර පෙරමුණට පැමිණීමට දකුණු අප්‍රිකානු කණ්ඩායමේ ඒ. බී. ඩිවිලියර්ස් සමත්ව සිටියි. බංග්ලාදේශයට එරෙහිව පැවැති දෙවැනි එක්දින ජාත්‍යන්තර ක්‍රිකට් තරගයේදී සිය එක්දින දිවියේ ඉහළම ලකුණු සංඛ්‍යාව (176) රැස්කිරීමට සමත් වීමත් සමග ඩිවිලියර්ස් ස්ථාන 2 ක් ඉහළට යමින් පිතිකරුවන් ශ්‍රේණිගත කිරීම් අතරේ පෙරමුණ හිමිකරගෙන තිබේ.

ඔහු එක්දින පිතිකරු ශ්‍රේණිගත කිරීම්හි පෙරමුණට පැමිණි 14 වැනි අවස්ථාව මෙයයි.

එම තරගයට පෙර තෙවැනි ස්ථානයේ රැදී සිටි ඩිවිලියර්ස්, තරගයෙන් අනතුරුව ස්ථාන 2 ක් ඉහළ යෑම නිසා එතෙක් පිතිකරු ශ්‍රේණිගත කිරීම් අනුව පළමු ස්ථානයේ සිටි ඉන්දීය කණ්ඩායමේ නායක විරාට් කෝලිට සහ දෙවැනි ස්ථානයේ පසු වූ ඕස්ට්‍රේලියානු ආරම්භක පිතිකරු ඩේවිඩ් වෝනර්ට දෙවැනි සහ තෙවැනි ස්ථාන දක්වා පසුබැසීමට සිදු විය.

කණ්ඩායම් ශ්‍රේණිගත කිරීම අතරේ මේ වන විට ඉන්දියාව සහ දකුණු අප්‍රිකාව 120 බැගින් සම ලකුණු ලබා සිටියද, ඉන්දියාවට වඩා ලකුණු දශම ස්ථාන කිහිපයක් ඉදිරියෙන් සිටීම නිසා දකුණු අප්‍රිකාවට එක්දින කණ්ඩායම් ශ්‍රේණිගත කිරීම් අතරේ පෙරමුණ හිමිව තිබේ. යම් හෙයකින් බංග්ලාදේශයට එරෙහිව පැවැත්වෙන තරගාවලිය 3-0 ක් ලෙස ජයගැනීමට දකුණු අප්‍රිකාව සමත් වුවහොත් ඔවුන්ට ලකුණු 121 ක් ලබාගනිමින් ඉන්දියාව පසුකර එක්දින කණ්ඩායම් ශ්‍රේණිගත කිරීම් පෙරමුණ තහවුරු කරගැනීමටද හැකිවනු ඇත.

ශ්‍රී ලංකාවට එරෙහිව පැවැති එක්දින තරගාවලියේ පළමු සහ දෙවැනි තරග දෙකේදී ශතක 2 ක් ලබාගත් පාකිස්තානු ක්‍රීඩක බාබර් අසාම් ශ්‍රේණිගත කිරීම් සිවුවැනි ස්ථානය දක්වා ඉහළට පැමිණ ඇති අතර බංග්ලාදේශයට එරෙහිව පැවැති පළමු තරගයේදී නොදැවී ලකුණු 168 ක් රැස්කළ දකුණු අප්‍රිකානු කණ්ඩායමේ ආරම්භක පිතිකරු ක්වින්ටින් ඩි’කොක් පස්වැනි ස්ථානය දක්වා ඉහළට පැමිණ තිබේ.

ශ්‍රී ලංකාවට එරෙහිව පැවැති තෙවැනි එක්දින තරගයේදී ලකුණු 34 කට දවාගත් කඩුලු 5 ත් සමගින් පළමු එක්දින තරග තුනේදී කඩුලු 9 ක් දවාගෙන සිටින පාකිස්තාන වේග පන්දු යවන ක්‍රීඩක හසන් අලී එක්දින පන්දු යවන්නන් ශ්‍රේණිගත කිරීමේ පෙරමුණට පැමිණ සිටියි.

මේ වන විට 23 වැනි වියේ පසුවන හසන් අලී එක්දින පන්දු යවන්නන් ශ්‍රේණිගත කිරීම්හි පෙරමුණට පැමිණි පළමු අවස්ථාන මෙය වන අතර ශ්‍රී ලංකා - පාකිස්තාන එක්දින තරගාවලිය ආරම්භ වීමට පෙර ඔහු 7 වැනි ස්ථානයේ පසුවිය.

ශ්‍රී ලංකාවට එරෙහිව පළමු එක්දින තරග තුනේදී පිත්තෙන් මෙන්ම පන්දුවෙන්ද එක ලෙස දස්කම් දැක්වීම හේතුවෙන් තුන් ඉරියව් ක්‍රීඩකයන් ශ්‍රේණිගත කිරීමේ පෙරමුණට පැමිණීමට පාකිස්තාන ක්‍රීඩක මොහොමඩ් හෆීස් සමත්ව සිටියි.


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...