. කාන්තාවන්ගේ ‘අළු බඳුන’ පොරය අද ඇරඹෙයි | කෙළිමඬල
2018 සැප්තැම්බර් මස 26 වැනි බදාදා
කාන්තාවන්ගේ ‘අළු බඳුන’ පොරය අද ඇරඹෙයි
2017-10-22 16:13:01 | සැකසුම : මොහාන් ප්‍රනාන්දු

එංගලන්ත සහ ඕස්ට්‍රේලියානු ක්‍රීඩිකාවන්ගේ ද්වන්ධ සටන ලෙස සැළකෙන සුප්‍රකට අළුබඳුන (කාන්තා) ක්‍රිකට් තරගාවලිය අද (22) ඕස්ට්‍රේලියාවේ බ්‍රිස්බේන් නුවර ඇලන් බෝඩර් ක්‍රීඩාංගණයේදී ආරම්භ වෙයි.  එක්දින තරගාවලියකින් ආරම්භ කෙරෙන මේ තරගාවලියට ටෙස්ට් තරගයක් සහ විස්සයි20 තරගාවලියක් ද ඇතුළත් වේ. 

කාන්තා එක්දින ලෝක කුසලානය දිනාගැනීම සඳහා එංගලන්ත කණ්ඩායම මෙහෙයවූ හෙදර් නයිට්ගේ මීළඟ ඉලක්කය බවට පත්වී ඇති අළුබඳුන තරගාවලියේදී ඕස්ට්‍රේලියානු  පිල මෙහෙයවනු ලබන්නේ රෂේල් හේන්ස් විසිනි. ඇයට හදිසියේම නායකත්වයේ ඔටුන්න පැළඳීමට සිදුවූයේ ඕස්ට්‍රේලියානු පිලේ නිත්‍ය නායිකා මෙග් ලැනින් තුවාල ලබා කණ්ඩායමෙන් ඉවත්වීම හේතුවෙනි.

මෙග් ලැනින් අබාධයකට ලක්වීම ඕස්ටේ්‍රලියානු පිලේ දරුණු හිදැසක් ඇති කළ එකක්  බව බැලූ බැල්මටම පෙනේ. කෙසේ වෙතත් වුවත් අළුබඳුන නොමැතිව ආපසු හැරීමක් නොමැති බව කියන එංගලන්ත පිලේ නායිකා නයිට් ඕස්ට්‍රේලියානුවන් තවමත් ලොව හොඳම කණ්ඩායම බව පිළිගන්නීය. 

වසර 1993 ට පසුව ඕස්ට්‍රේලියානු පිල පරාජය කිරීමට එංගලන්තයට අවස්ථාව උදාවූයේ පසුගිය කාන්තා එක්දින ලෝක කුසලාන තරගාවලියේ මූලික වටයේ තරගයකදීය. එවර එංගලන්ත පිල ලකුණු 3 ක තියුණු ජයක් ලැබීය. 

අපිට අවසන් මහා තරගය දක්වා යන්නත්, අවසන් මහා තරගය ජයගන්නත් ඒක ලොකු උත්තේජනයක් වුණා.” හීදර් නයිට් දැන් කියන්නේ එලෙසය.
කාන්තා අළුබඳුන තරගාවලිය අවසන් වරට පැවැත්වූයේ 2015 දීය. එවර ඕස්ට්‍රේලියානුවන්  හමුවේ එංගලන්ත පිල යටත්වෙද්දී පරාජිතයන්ගේ උපනායිකාව වූයේ හෙදර්ය. දැන් ඇය කණ්ඩායම මෙහෙයවීමේ වගකීම කරපින්නා ගෙන පරාජයේ වාඩුව ගැනීමට මාන බලමින් සිටින්නීය. 

එංගලන්තය සහ ඕස්ට්‍රේලියාව අතර ‘අළුබඳුන’ ටෙස්ට් තරගාවලියට මාසයක කාලයක් ඉතිරිව තිබියදී ඇරැඹෙන කාන්තා තරගාවලියේ ශූරියන් තෝරන්නේ එක්දින, ටෙස්ට් හා විස්සයි20 තරගාවලියේ ජයග්‍රාහී ප්‍රසාද ලකුණු අනුවය. අද ඇරැඹෙන එක්දින තරගාවලියේදී ජයග්‍රහණයකක් වෙනුවෙන් ලකුණු 2 ක් හිමිවෙයි. දෙපිල අතර එකම ටෙස්ට් තරගයේ ජයග්‍රහණයට ලකුණු 4 ක් ලැබේ. 

සංචාරක කණ්ඩායමේ නායිකාවගේ අරමුණ එසේ වුවත් කාන්තා එක්දින ලෝක කුසලාන තරගාවලියේ අවසන් පූර්ව වටයේදී අනපේක්ෂිත ලෙස පරාජයට පත්ව ඉවතට විසිවූ ඕස්ට්‍රේලියානු පිල එහි වේදනාව මකා දැමීමට බලා සිටින්නේ ලෝක ශූර එංගලන්තය අළුබඳුනේදී පරාජයට පත්කිරීමෙනි. 

හෙට ඇරැඹෙන අළුබඳුන තරගාවලියේ වැඩිම අවධානය දිනා සිටින්නේ එක්දින ලෝක කුසලාන ශූරතාව එංගලන්තයට දිනාදෙමින් සුපිරි පන්දු යැවීමක නිරතවූ ආන්යා ශ්රබ්සෝල් කෙරෙහිය. ඇය ඉන්දියාව සමග පැවැති ලෝක කුසලාන අවසන් තරගයේදී ලකුණු 46 කට කඩුලු 6ක් දවාලීමට සමත්වූවාය. අත්දැකීම් බහුල කැතරින් බෘන්ට් මෙන්ම 18 හැවිරිදි දඟපන්දු යවන සොෆී එක්ලෙස්ටොන් කෙරෙහිද එංගලන්ත පිල අප්‍රමාණ බලාපොරොත්තු තබා සිටී.

නායිකා සුපිරි ක්‍රීඩිකා මෙග් ලැනින්ගේ දායකත්වය නොලැබීමෙන් තරමක් සසලවී සිටින ඕස්ට්‍රේලියානුවෝ එය අඩුපාඩුවක් නොකරගැනීමට වගබලා ගන්නා බව වැඩ බලන නායිකා රෂේල් කියන්නීය. තුන්ඉරියව් ක්‍රීඩිකා එලිස් පෙරී පන්දුවෙන් හා පිත්තෙන් අවශ්‍ය දායකත්වය ලබාදෙනු ඇතැයි ද ඇය බලාපොරොත්තු වන්නීය. ප්‍රතිවාදීන් බියගන්වන සුලු පිතිහරඹයක යෙදෙන මීගන් ෂූට් ද, වමත් දඟපන්දුවෙන් ප්‍රතිවාදීන් අන්දමන්ද කරවන 18 හැවිරිදි ලොරේන් චීට්ල් ද කණ්ඩායමට ශක්තියක් වනු ඇතැයි රෂෙල් හේන්ස්  පවසන්නීය. 

ඕස්ට්‍රේලියානු  කාන්තා කණ්ඩායම
රෂේල් හෙයින්ස් (නායිකා), ක්‍රිස්ටීන් බීම්ස්, ඇලෙක්ස් බ්ලැක්වෙල්, නිකෝල් බෝල්ටන්, ලොරේන් චීට්ල්, ඇෂ්ලයි ගාර්ඞ්නර්, ඇලිස් හීලි, ජෙස් ජොන්සෙන්, තාලියා මැග්‍රාත්, බෙත් මූනි, එලිස් පෙරී, මීගන් ෂූට්, එලිස් විලානි සහ අමන්දා වෙලිංටන්.

එංගලන්තය කාන්තා කණ්ඩායම 
හෙදර් නයිට් (නායිකා), ටැමී බියුමන්ට්, කැත්රින් බෘන්ට්, සොෆී එක්ලෙස්ටොන්, ජෝර්ජියා එල්විස්, ජෙනී ගන්, ඇලෙක්ස් හාර්ට්ලි, ඩැනියෙල් හේස්ල්, ලෝරා මාර්ෂ්, නතාලි ෂීවර්, ආන්යා ශ්රබ්සෝල්, සාරා ටේලර්, ෆ්‍රැන් විල්සන්, ලොරේන් වින්ෆීල්ඞ්, ඩැනියෙල් වේට්

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...