. මධ්‍යම කමිටුවේ ගාලගෝට්ටි | කෙළිමඬල
2018 ඔක්තෝබර් මස 16 වැනි අගහරුවාදා
මධ්‍යම කමිටුවේ ගාලගෝට්ටි
2017-10-22 21:10:43 | නාමල් පතිරගේ

හූ තැබීම්, බහින්බස්වීම්, වාග් ප්‍රහාර හමුවේ ශ්‍රී ලංකා පාපන්දු සම්මේලනයේ පෙරේදා (21) පැවැති මධ්‍යම කමිටු රැස්වීම ඝෝෂාකාරී තත්ත්වයක් ගත් බව වාර්තාවේ. ශ්‍රී ලංකා පාපන්දු සම්මේලනයේ හිටපු සභාපතිවරයකු වන මීගමුව පාපන්දු ලීගයේ සභාපති රංජිත් රුද්‍රිගු මහතා එහිදී අදහස් දැක්වීමට යාමේදී මෙම තත්ත්වය උද්ගතවී තිබේ.

මෙම මධ්‍යම කමිටුවේ රැස්වීම සඳහා පාපන්දු සම්මේලනයේ කමිටු ප්‍රධානීන් කැඳවීම පිළිබඳව විරෝධය පළ කරමින් අදහස් දක්වා තිබෙන රුද්‍රිගු මහතා මධ්‍යම කමිටු රැස්වීමකට සහභාගී විය හැක්කේ ලීග් නියෝජිතයන්ට හා නිලවරණයෙන් පත්වූ පාපන්දු සම්මේලනයේ නිලධාරී මණ්ඩලයේ නිලධාරීන් 11 දෙනාට පමණක් බැවින් එසේ පිටස්තරයන් ඊට කැඳවීම පාපන්දු සම්මේලනයේ ව්‍යවස්ථාවට පටහැනි යයි අදහස් දක්වා තිබේ.

කෙසේවුවත් ඔහු කතාකරන අවස්ථාවේදී මධ්‍යම කමිටුවේ නියෝජිතයන් පිරිසක් දිගින් දිගටම ඔහුට බාධා කරමින් හැසිරුණු බවත් අතැමුන් එම අවස්ථාවේදී හූ කියමින් ඝෝෂා කළ බවත් පාපන්දු සම්මේලන ආරංචි මාර්ග සඳහන් කරයි.

එම අවස්ථාවේදී මූලාසනයේ සිටි පාපන්දු සම්මේලනයේ සභාපති අනුර ද සිල්වා මහතා රංජිත් රුද්‍රිගු මහතාට පවසා ඇත්තේ මූලාසනයට අවනත වෙමින් සිය අදහස් දැක්වීම අවසන් කළ යුතු බවයි. එහිදී තත්ත්වය තවත් උණුසුම් අතට හැරී තිබෙන අතර අනුර ද සිල්වා මහතාට සහයෝගය පලකරමින් ලීග් නියෝජිතයන් කීපදෙනෙකුද එම අවස්ථාවේදී රුද්‍රිගු මහතා හා බහින්බස්වීම් ඇතිකර ගෙන තිබේ. කෙසේවුවත් එහිදී රුද්‍රිගු මහතාගේ සහයට පැමිණි ලීග් නියෝජිතයන් කීපදෙනෙකුද අදහස් දැක්වීමට යාමෙන් පළමුවතාවට පාපන්දු සම්මේලනයේ මධ්‍යම කමිටු රැස්වීම ගාලගෝට්ටියක ස්වරූපයකට හැරී තිබේ.

තමන්ට ඇඟිලි දිගුකරමින් රැස්වීමෙන් එළියට දමන බවට එම අවස්ථාවේදී මූලාසනයේ සිටි පාපන්දු සම්මේලනයේ ප්‍රධානියෙකු තර්ජනාත්මක ස්වරූපයෙන් කථා කළ බව කියන ප්‍රකාශයකට එහිදී රුද්‍රිගු මහතා දැඩිලෙස විරෝධය පළ කරමින් නොනවත්වාම සිය අදහස් දක්වා තිබෙන අතර ඒ මහතා මධ්‍යම කමිටු රැස්වීමට සහභාගීවී සිටින නියෝජිතයකුට එසේ තර්ජනය කිරීම සදාචාරාත්මක නොවන බවත් පවසා තිබේ.

පාපන්දු සම්මේලනයේ යොවුන් කමිටුවේ සභාපති වෛද්‍ය මහීල් ප්‍රනාන්දු, ෆුට්සාල් කමිටුවේ සභාපති එම්. රමිෂ්, ගම්පොළ පාපන්දු ලීගයේ ලේකම් සුනිල් සේනවිර, කොළඹ පාපන්දු ලීගයේ සභාපති හර්ලි සිල්වේරා, එහි ලේකම් එම්. සෆ්රාන්, කොළඹ සිටි පාපන්දු ලීගයේ සභාපති, අනුරාධපුර පාපන්දු ලීගයේ සභාපති සාගර පියතිලක, කොළඹ සිටි පාපන්දු ලීගයේ සභාපති ආර්. පුවන්දිරම්, එහි භාණ්ඩාගාරික එම්. ෆායිස් යන මහත්වරු පෙරේදා පැවැති මධ්‍යම කමිටු රැස්වීමේදී අදහස් දක්වා තිබේ.

වසර 2014 දී අන්තර්ජාතික පාපන්දු සම්මේලනයේ සභාපති ධූරය දැරූ ජෝෂප් බ්ලැටර් මහතාගේ ශ්‍රී ලංකා සංචාරය සඳහා රුපියල් මිලියන 15 කට ආසන්න මුදලක් වැයවීම සම්බන්ධයෙන් මධ්‍යම කමිටු නියෝජිතයන් කීපදෙනෙකු අදහස් දැක්වීමද පෙරේදා රැස්වීමේ උණුසුම් තත්ත්වය තවත් උත්සන්න කරතිබේ. එවකට පාපන්දු සම්මේලනයේ සභාපති ධුරය දැරූ රංජිත් රුද්‍රිගු මහතා ඊට පිළිතුරු දෙමින් පවසා ඇත්තේ, එම වියදම් බ්ලැටර්ගේ ශ්‍රී ලංකා සංචාරයේ ව්‍යාපෘති තුනක් සඳහා වැය කර තිබෙන බවයි.

ඒ ‘අරියාලේ’ ක්‍රීඩාංගනය ඔහුගේ ප්‍රධානත්වනේ විවෘත කිරීම, බ්ලැටර් මහතාගේ නිල පිළිගැනීම් උත්සවය හා සුහද සාදය වෙනුවෙන් කළ වැයකිරීම ඔහුගේ 2014 ශ්‍රී ලංකා සංචාරයේ මුළු වැය කිරීම්වලට ඇතුළත්වන බව එහිදී ඔහු වැඩිදුරටත් පෙන්වාදී තිබේ.

මේ අතර පාපන්දු සම්මේලනයේ රුපියල් මිලියන 28 කට ආසන්න මුදලක් අස්ථානගත වීම සම්මේලනයෙන් චෝදනා ලබා වැඩ තහනමට ලක්ව සිටින මූල්‍ය කළමනාකරු සම්බන්ධයෙන් මෙතෙක් ගෙන තිබෙන ක්‍රියාමාර්ග ගැනත් පෙරේදා පැවැති මධ්‍යම කමිටු රැස්වීමේදී කමිටු නියෝජිතයන් ප්‍රශ්නකර තිබේ. ඊට පිළිතුරු දී තිබෙන පාපන්දු සභාපතිවරයා ප්‍රකාශ කර ඇත්තේ එම සිද්ධියේ ඉදිරි විමර්ශන කටයුතු මේ වන විට රහස් පොලිසියට බාරදී තිබෙන බවයි.

එම පියවර හැරෙන්නට අදාළ සිදුවීම පාදක කර ගනිමින් ශ්‍රී ලංකා පාපන්දු සම්මේලනයේ වසර 2013 සිට ගිණුම් වාර්තා සම්බන්ධයෙන් ස්වාධීන විගණන විමර්ශනයක් කිරීම සඳහාත් මේ වනවිට අන්තර්ජාතික විගණන ආයතනයට බාරදී තිබෙන බව එහිදී සභාපතිවරයා වැඩිදුරටත් ප්‍රකාශ කර තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...