. මහනුවර ක්‍රීඩකයෝ සිංගප්පූරුව පරදවති | කෙළිමඬල
2018 සැප්තැම්බර් මස 18 වැනි අගහරුවාදා
මහනුවර ක්‍රීඩකයෝ සිංගප්පූරුව පරදවති
2017-10-23 09:09:58 | ෂම්සීර් ජලීල්

අන්තර් සමාජ ලීග් සහ පිළිමලුන් පිටුදැකීමේ රග්බි තරගාවලි ද්විත්වයේම වත්මන් ශූරයන් වන මහනුවර ක්‍රීඩා සමාජය සිංගප්පූරු ජාතික රග්බි කණ්ඩායමට එරෙහිව ලකුණු 44 - 14 ක ජයක් වාර්තා කිරීමට නිත්තවෙල ක්‍රීඩාංගණයේදී සමත්විය. තරගයේ පළමු භාගය නිමාවෙද්දී සත්කාරකයෝ ලකුණු 22-7 කින් පෙරමුණ ගෙන සිටියහ. 

මහනුවර පිල ගෝල් 4 කින්, උත්සාහක දිනුම් 2 කින් සහ දඬුවම් පහර 2 කින් ලකුණු ලබාගත් අතර සිංගප්පූරු පිල ලබාගත්තේ ගෝල දිනුම් දෙකක් පමණි. 

සිංගප්පූරු රග්බි කණ්ඩායම සුහද සංචාරයක් සඳහා ශ්‍රී ලංකාවට පැමිණ සිටී. 

අවසන් මොහොතේදී මෙම කෙටි සංචාරයෙන් ඉවත්වීමට සිදුවූ සිංගප්පූරු පිලේ නායක ගැස්පර් ටැං සමග තවත්  ජ්‍යෙෂ්ඨ ක්‍රීඩකයන් කිහිප දෙනෙක් මේ තරගයට එක්නොවූහ. මහනුවර ක්‍රීඩා සමාජයේ ද නායක රොෂාන් විරරත්න සහ ඔහුගේ සොයුරු ගයාන් වීරරත්න මෙන්ම බුවනෙක උඩංගමුව මේ තරගයට එක් නොවූයේ පසුගිය දිනවල ආබාධයකට ලක්ව විවේක ගනිමින් සිටි බැවිනි. 

ජාතික කණ්ඩායමේ රාජකාරිය නිමාවී නැවත සිය ක්‍රීඩා සමාජයට එක්වූ ජේසන් දිසානායක, ධනුෂ්ක රන්ජන්, ශ්‍රීනාත් සූරියබණ්ඩාර, රිචඞ් ධර්මපාල සහ දනූෂ දයාන් යන සියලුදෙනාම ආක්‍රමණශීලී තරග රටාවේ මුදුනටම පැමිණ සිටියහ. ෆාසිල් මරිජාගේ ඉක්මන් ස්ථාන මාරුවීම් ද සිංගප්පූරු ආරක්ෂක වළල්ල වෙහෙසට පත් කරවූවකි. නයිජල් රත්වත්තගේ නිවැරැදි පහරවලින් අතිරේක ලකුණු ලැබෙද්දී ප්‍රතිවාදීන්ගේ පීඩනය තවත් වැඩි විය.

තරගයේ 12 වැනි මිනිත්තුවේදී ෆ්ලයි හාෆ් ක්‍රීඩක ෆාසිල් මරිජා සිංගප්පූරු ආරක්ෂක වළල්ල දෙකඩ කරමින් දිවගොස් උත්සාහක දිනුමක් තැබීමට සමත්විය. ෆුල් බෑක් ක්‍රීඩක නයිජල් රත්වත්ත එහි ප්‍රවර්ථනය සාර්ථක කරමින් අතිරේක ලකුණු දෙකකුත් එකතු කළේය.

අනතුරුව රිචඞ් ධර්මපාල පිටියේ මැද සිට ඉතා වේගයෙන් දිවගොස් උත්සාහක දිනුමක් තැබූ අතර නයිජල් එය ගෝලයක් බවට ප්‍රවර්ථනය කරමින් ලකුණු සංඛ්‍යාව ඉහළ දැමුවේය. 

මිනිත්තු තුනකට පසුව නයිජල් දඬුවම් පහරක් සාර්ථක කරගත්තේ සිංගප්පූරු ක්‍රීඩකයන් නීතිවිරෝධී පැත්තේ රැඳී සිටීම හේතුවෙනි. විඟර් ක්‍රීඩක අනුරුද්ධ විල්වර පළමු භාගය නිමාවීමට පෙර උත්සාහක දිනුමක් තැබුවේය.

සිංගප්පූරු ෆුල් බෑක් ක්‍රීඩක ජොනතන් බාබර් විසින් තබන ලද උත්සාහක දිනුමක් ගෝලයක් බවට ප්‍රවර්ථනය කිරීමෙන් පළමු භාගය නිමාවෙද්දී ලකුණු සංඛ්‍යෘව දිස්වූයේ 22-7 ලෙසින් මහනුවර පිල ඉදිරියේ තබමිනි.

එහෙත් විඟර් ක්‍රීඩක නස්රුල් හාඩි බින් හනෆි ශ්‍රී ලංකා පිලේ සීමා ඉරට මීටර් 5ක් මෑතින් පන්දුව බිම දැමීම හේතුවෙන් ඔවුන්ට තවත් උත්සාහක දිනුමක් තැබීමට තිබූ අවස්ථාව අහිමිවී ගියේය. එසේ නොවුවානම් තරගයේ වෙනස්වීමට පවා ඉඩ තිබිණි. 

ඉතා ශක්ති සම්පන්න ආරක්ෂක වළල්ලක් ගොඩ නගමින් සිංගප්පූරු කණ්ඩායම මහනුවර පිලට හොඳ සටනක් දීමට වරින් වර සමත්විය. එසේ වුවත් එවැනි අවස්ථාවන් ලකුණු බවට පත් කරගැනීමේ වාසියට හරවාගැනීමට ඔවුහු අසමත්වූහ. 

ඉන් කදිම ඵල නෙලාගත් මහනුවර ක්‍රීඩා සමාජයේ නයිජල් රත්වත්ත ඉලක්කයට දඬුවම්  පහරක් එල්ල කළ අතර ෆාසිල් මරිජා ඔහුගේ ‍දෙවැනි උත්සාහක දිනුම තැබුවේය.

විංග් ක්‍රීඩක ධනුෂ්ක රන්ජන් සිංගප්පූරු ක්‍රීඩකයන් කිහිපදෙනකු අබිබවා ගොස් සිය පළමු උත්සාහක දිනුම ලබාගත්තේය. තරගය පුරාම සිය පා පහර ඉතා හොඳින් ක්‍රියාත්මක කළ නයිජල් රත්වත්ත එය ගෝලයක් බවට ප්‍රවර්ථනය කර අතිරේක ලකුණු දෙකක් ලබා දුන්නේය. 

තරගය අත් නොහැර දිගටම ඇදගෙන ගිය සිංගප්පූරුව දෙපිලේම ක්‍රීඩකයන් ඉදිරියට තල්ලුවී ගිය මොහොතක ඔවුන්ගේ තරබාරු අංක 8 ක්‍රීඩක පීටර් විලියම් මැකාෆී තැබූ උත්සාහක දිනුමකින් ලකුණු ලබාගත්තේය. නැවත වරක් ෆුල් බෑක් ක්‍රීඩක ජොනතන්  බාබර් එය සාර්ථකව ප්‍රවර්ථනය කර අතිරේක ලකුණු දෙකක් ලබා දුන්නේය.

නමුත් මහනුවර ක්‍රීඩා සමාජයට තවත් උත්සාහක දිනුමක් ලබාදෙමින් නයිජල් රත්වත්ත ඔහුගේ නම ඉදිරියේ එය සටහන් කරගත්තේය. අර්ෂද් ජමාල්ඩීන් එය ප්‍රවර්ථනය කර අතිරේක ලකුණු දෙකක් එකතු කළේය.

තරගයේ විනිසුරු ලෙස ප්‍රියන්ත ගුණරත්න මහතා කටයුතු කළ අතර ඉෂාන්ත අබේකෝන් සහ සරත් මඩුගල්ල මහත්වරු පැති විනිසුරුවරුන් ලෙස වැඩ කළහ.

තුවාන් ඩූල් මහතා තරගයේ තීරකවරයා ලෙසින් කටයුතු කළේය. 

 

ඡායාරූප - කටුගස්තොට ධම්මික ගුණවර්ධන 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...
ආසියානු ශූරියෝ හෙට එති...
ජයවේවා... දැන් අපේ ක්‍රිකට් කණ්ඩායමටත් වෙන්නේ ඔබලාව ආදර්ශයට ගන්නයි. ඔබලා සියලු දෙනාට තවතවත් ධෛර්යය, ශක්තිය සහ ජයග්‍රහණ ලැබේවා......
මාව ගෙනාවට ට්‍රික්සි මිස්ට ප්‍රශ්න ඇති කළා ...
අවංකව ඉතා ආඞම්බර වෙම්. ඔබ සැම දෙනා දක්වු දස්කම් ඉතා ඉහලින්ම අගය කරමි. ඉදිරි අනාගතයේ ලෝක ශැරතාවය දිනා ඹබේ දස්කම් මුලුලොවටම පෙන්විමට හැකිවේවායි මුලු හද...