. පාසල් කණ්ඩායම් 700 ක් තරග බිමේ | කෙළිමඬල
2018 ඔක්තෝබර් මස 15 වැනි සඳුදා
පාසල් කණ්ඩායම් 700 ක් තරග බිමේ
2017-10-26 20:05:46 | නාමල් පතිරගේ

බාලක කණ්ඩායම් 534 ක් හා බාලිකා කණ්ඩායම් 167 ක් සහභාගි වන ‘සමපෝෂ’ කුසලාන අන්තර් පාසල් වයස 14න් පහළ පාපන්දු තරග මාලාව දිවයිනේ මධ්‍යස්ථාන 32 කදී ආරම්භ කර තිබේ. එහි කලාප අටක තරග පසුගිය ඉරිදා (22) සිට ආරම්භ විය. මූලික වටයේ තරග එම මධ්‍යස්ථානවලදී ලබන නොවැම්බර් 16 වැනිදා දක්වා පැවැත්වේ.

මෙම තරග වටයෙන් පසුව තරග මාලාවේ මූලික වටය ආරම්භ කෙරේ. ඒ සඳහා මූලික වටයේ කාණ්ඩ අටකින් කණ්ඩාම් හතරක් බැගින් මුළු කණ්ඩායම් 32 ක් තෝරා ගැනේ. බාලිකා තරගාවලියට එවැනිම කාණ්ඩ අටකින් කණ්ඩායම් 24 ක් තෝරා ගැනේ. ඒ අනුව බාලක තරග 64 ක් හා බාලිකා තරග 40 ක් තරග මාලාවට අන්තර්ගත වේ.

පිළිමළුන් පිටුදැකීමේ ක්‍රමය අනුව දෙවැනි වටය පැවැත්වෙන අතර ඒ සඳහා කණ්ඩායම් 16 ක් බැගින් තෝරා ගැනීමට නියමිතය. දෙවැනි වටයේදී විනාඩි 30 බැගින් වන අර්ධ දෙකකින් සමන්විත විනාඩි 60ක කාලයක් දක්වා එක් තරගයක් පැවැත්වේ.

කොළඹ කලාපයෙන් මෙවර මූලික වටයට වැඩිම කණ්ඩායම් ගණනක් (68) ක් සහභාගි වන අතර බාලිකා කණ්ඩායම් වැඩිම ගණනක් (15 ක්) මෙවර ඉදිරිපත්ව සිටින්නේ කුරුණෑගල දිස්ත්‍රික්කයෙනි. වවුනියාව, මුලතිව්, ත්‍රිකුණාමලය හා අම්බලන්ගොඩ කලාපවලින් බාලිකා කණ්ඩායම් තරගාවලියට ඉදිරිපත් වී නොමැත.

ශ්‍රී ලංකා පාපන්දු සම්මේලනයේ සහයෝගයෙන් ශ්‍රී ලංකා පාසල් පාපන්දු සංගමය ප්ලෙන්ටි ෆුඞ්ස් (පෞද්ගලික) සමාගමේ අනුග්‍රහයෙන් මෙවරත් තරග මාලාව සංවිධානය කරයි.


මූලික වටයේ (කලාප) ඉදිරි තරග වට පැවැත්වෙන ආකාරය.

(ඔක්තෝබර් 27)
● පුත්තලම - පුත්තලම නාගරික පිටියේදී
● හලාවත - හලාවත නාගරික පිටියේදී

(ඔක්තෝබර් 29)
● වවුනියාව - වවුනියාව නාගරික පිටියේදී
● මාතලේ - මාතලේ නාගරික පිටියේදී
● නුවරඑළිය, හැටන් - නුවරඑළිය මහජන පිටියේදී

(ඔක්තෝබර් 31)
● මහනුවර - මහනුවර නාගරික පිටියේදී

(නොවැම්බර් 1-2)
● මඩකලපුව, අම්පාර, කල්මුණේ - එම නාගරික පිටිවලදී

(නොවැම්බර් 2-3)
● මොනරාගල, බිබිල - මොනරාගල නාගරික පිටියේදී

(නොවැම්බර් 4-5)
● මීගමුව - මීගමුව නාගරික පිටියේදී
● කෑගල්ල, මාවනැල්ල - කෑගල්ල නාගරික පිටියේදී
● යාපනය - යාපනය නාගරික පිටියේදී

(නොවැම්බර් 4-5-6)
● ගම්පහ - ගම්පහ නාගරික පිටියේදී

(නොවැම්බර් 6-7)
● කෝට්ටේ, පිළියන්දල - කෝට්ටේ හා පිළියන්දලදී

(නොවැම්බර් 6-7-8-9)
● කොළඹ - කොළඹදී

(නොවැම්බර් 9-10)
● කැලණිය, වත්තල - කැලණිය පාපන්දු පිටියේදී
● කළුතර, බේරුවල - කළුතර වර්ණන් ප්‍රනාන්දු පිටියේදී

(නොවැම්බර් 11-12)
● අම්බලන්ගොඩ - අම්බලන්ගොඩ නාගරික පිටියේදී

(නොවැම්බර් 12-13)
● ගාල්ල - ගාල්ල නාගරික පිටියේදී

(නොවැම්බර් 13-14)
● රත්නපුරය, බලන්ගොඩ - රත්නපුරය සීවලි පිටියේදී

(නොවැම්බර් 14-15)
● මාතර - මාතර පාපන්දු සංවර්ධන මධ්‍යස්ථාන පිටියේදී

(නොවැම්බර් 15-16)
● හම්බන්තොට - හම්බන්තොට නාගරික පිටියේදී
(මන්නාරම, ත්‍රිකුණාමය, අනුරාධපුරය, පොලොන්නරුව, ගම්පොල - නාවලපිටිය යන කලාප තරග ඊයේ (26) වනවිට පවත්වා අවසන් කිරීමට නියමිතව තිබුණි.)

 

සමපෝෂ කනිෂ්ඨ පාසල් පාපන්දු තරග මාලාවට අනුග්‍රහය දක්වන ප්ලෙන්ටි ෆුඞ්ස් සමාගම වෙනුවෙන් එහි අධ්‍යක්‍ෂ හා ප්‍රධාන විධායක ෂම්මි කරුණාරත්න මහතා නිල අනුග්‍රහය ශ්‍රී ලංකා පාපන්දු සම්මේලනයේ සභාපති අනුර ද සිල්වා මහතාට නිල වශයෙන් ප්‍රදානය කළ අයුරු. එම සමාගමේ ප්‍රධාන මෙහෙයුම් නිලධාරිනී තේජා පීරිස්, අධ්‍යාපන අමාත්‍යංශයේ අධ්‍යක්‍ෂ (ශාරීරික අධ්‍යාපන හා බාහිර ක්‍රියාකාරකම්) කර්නල් මංජුල කාරියවසම්, පාසල් පාපන්දු සංගමයේ ලේකම් එන්.එස්.වී. දිසානායක, පාපන්දු සම්මේලනයේ ලේකම් උමාර් ජස්වර් යන මහත්ම මහත්මීහුද ඡායාරූපයේ වෙති.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...