. ජෝන් ටාබට් කණිෂ්ඨ තරගාවලිය 8 දා සිට | කෙළිමඬල
2019 මාර්තු මස 20 වැනි බදාදා
ජෝන් ටාබට් කණිෂ්ඨ තරගාවලිය 8 දා සිට
2017-10-28 14:23:05 | සුසිල් ප්‍රේමලාල්

ශ්‍රීමත් ජෝන් ටාබට් කණිෂ්ඨ මලල ක්‍රීඩා තරගාවලිය 47 වැනි වරටත් නොවැම්බර් 8, 9 සහ 10 යන දිනවල දියගම මහින්ද රාජපක්ෂ ක්‍රීඩාංගනයේ දී පැවැත්වීමට ශ්‍රී ලංකා පාසල් මලල සංගමය තීරණය කර ඇත.

තරගාවලිය නාවලපිටිය ජයතිලක ක්‍රීඩාංගනයේ දී පැවැත්වීමට මීට පෙර විධි විධාන යොදා තිබූ නමුදු පැවැති වැසි සහිත කාලගුණික තත්ත්වය හේතුවෙන් තරගාවලිය පැවැත්වෙන් ස්ථාන සංශෝධනය කිරීමට පියවර ගත් බව ශ්‍රී ලංකා පාසල් මලල ක්‍රීඩා සංගමයේ උප සභාපතිවරයෙකු වන නෙවිල් රොඩ්රිගෝ මහතා පැවසීය.

වයස අවු 12න් පහළ, 13න් පහළ, 14න් පහළ සහ 15න් පහළ ලෙස වයස සීමා හතරක් යටතේ මෙම තරගාවලිය පැවැත්වේ. තරගාවලිය සඳහා ක්‍රීඩක ක්‍රීඩිකාවන් 3500 කට ආසන්න පිරිසක් මූලික තේරීම් තරගවලදී සුදුසුකම් ලබා සිටිති.

වෙනත් වසර වල මෙම තරගය ඍජුවම මෙහෙයවූ නමුදු සෑම තරග ඉසව්වකටම වැඩි පිරිසක් සහභාගී වන බැවින් මෙම වසරේ සිට පළාත් මට්ටමින් සුදුසුකම් ලැබූ ක්‍රිඩක ක්‍රීඩිකාවන්ට පමණක් මේ සඳහා සහභාගීවීමේ අවස්ථාව ලබාදී ඇත.

මේ අනුව උතුර, නැගෙනහිර, උතුරුමැද සහ වයඹ යන පළාත් සඳහා හංවැල්ලේදී ද මධ්‍යම, ඌව සහ සබරගමුව පළාත් සඳහා නාවලපිටියේදීද පළාත් මට්ටමින් මූලික තරග පවත්වා එහි ජයග්‍රාහකයින් පමණක් ජාතික මට්ටමේ තරගාවලියට තෝරාගෙන ඇත.

ශ්‍රීමත් ජෝන් ටාබට් කණිෂ්ඨ මලල ක්‍රීඩා තරගාවලිය 2017 වසරේ ක්‍රියාත්මක අවසන් පාසල් මට්ටමේ තරගාවලිය වෙයි.   

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...
හතුරුසිංහ ආපසු කැඳවයි...
2019-03-14 16:31:50
දකුණු අප්‍රිකාවේදී දැන් පැවැත්වෙන තරග සංචාරයේ විස්සයි20 ක්‍රිකට් තරගාවලිය ආරම්භ වීමට පෙර ශ්‍රී ලංකා ක්‍රිකට් පිලේ ප්‍ර...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...