. මැතිව්ස් - කුසල් ජනිත් ඉන්දියානු තරගාවලියට | කෙළිමඬල
2018 සැප්තැම්බර් මස 18 වැනි අගහරුවාදා
මැතිව්ස් - කුසල් ජනිත් ඉන්දියානු තරගාවලියට
2017-10-29 22:30:20 | ශානුක අරවින්ද

ඉන්දීයාවට එරෙහිව නොවැම්බර් මාසයේදී ආරම්භ වීමට නියමිත තරග 9 කින් සමන්විත ක්‍රිකට් තරගාවලියේදී ශ්‍රී ලංකා පිලේ ප්‍රබලතම ක්‍රීඩකයන් දෙදෙනෙකු වන ඇන්ජලෝ මැතිව්ස් සහ කුසල් ජනිත් පෙරේරා නැවතත් කණ්ඩායමට කැඳවීමට තේරීම් කමිටුව සූදානමින් සිටින බව වාර්තා වේ.

ඉන්දීය පිලට එරෙහිව ශ්‍රී ලංකාවේදී පැවැති තරගාවලිය අතරතුර ආබාධයකට ලක්වීම හේතුවෙන් ඇන්ජලෝ මැතිව්ස්ට පාකිස්තානු තරගාවලිය අහිමි විය. ශූරයන්ගේ කුසලාන තරගාවලිය අතරතුර ආබාධයකට ලක්වීම හේතුවෙන් කුසල් ජනිත් පෙරේරාට සිම්බාබ්වේ, ඉන්දීය සහ පාකිස්තාන තරගාවලි තුනම අහිමි විය.

මේ වන විට ඔවුන් දෙදෙනාම සිය ආබාධවලින් සුවය ලබා සිටින නමුත් වැඩිදුරටත් එය සනාථ කරගැනීම සඳහා ක්‍රීඩකයන් දෙදෙනාම ශාරීරික යෝග්‍යතා පරීක්ෂණයකට යොමු කිරීමට නියමිත බව තේරීම් කමිටු නිලධාරීයෙක් ‘ලංකාදීප’ යට පැවසීය.

ජූලි සහ අගෝස්තු මාසවලදී ශ්‍රී ලංකාවේදී පැවැති ඉන්දීය තරගාවලියේ ටෙස්ට් තරග 3 ටත්, එක්දින 5 ටත්, එක් විස්සයි20 තරගයකටත් ක්‍රීඩා කළ ඇන්ජලෝ මැතිව්ස් සිය බත්කෙණ්ඬේ හටගත් ආබාධයක් හේතුවෙන් එම තරගාවලියේ දෙවැනි සහ තෙවැනි විස්සයි20 තරගවලින්ද, එක්සත් ආරාබි එමීර් රාජ්‍යයේ පැවැති පාකිස්තාන තරගාවලියෙන්ද ඉවත් විය. ඉන්දියාට එරෙහිව පැවැති ටෙස්ට් තරග තුනේදී අර්ධ ශතකයක් සමගින් ලකුණු 184 ක් රැස්කළ මැතිව්ස් එක්දින තරග පහේදී අර්ධ ශතක 2 ක් සමගින් ලකුණු 192 ක් ලබාගත්තේය. ආබාධයට ලක්වීමට පෙර සහභාගි වූ අවසන් එක්දින තරග දෙකේදී ඉන්දියාවට එරෙහිව පිට පිටම අර්ධ ශතක 2 ක් ලබාගැනීමට මැතිව්ස් සමත් විය.

පාකිස්ථාන තරගාවලියට ක්‍රීඩා කිරීම සඳහා මැතිව්ස් සුදානමින් සිටියද, පසුගිය කාලයේදී වරින් වර ආබාධයන්ට ගොදුරුවීම හේතුවෙන් පුර්ණ වශයෙන් සුවය ලබාගන්නා තෙක් ඔහු විවේක ගැන්වීමට තේරීම් කමිටුව පියවර ගෙන තිබිණ.

ශූරයන්ගේ කුසලාන තරගාවලියේ ඉන්දියාවට එරෙහිව පැවැති තරගය අතරතුරදී පිට කොන්දේ ආබාධයකට ලක්වූ කුසල් ජනිත් පෙරේරා සහභාගි වූ අවසන් තරග දෙකේදී දකුණු අප්‍රිකාවට එරෙහිව නොදැවී ලකුණු 44 ක්ද, ඉන්දියාවට එරෙහිව නොදැවී ලකුණු 47 ක්ද ලබා ගත්තේය.

තුන් ඉරියව් ක්‍රීඩක අසේල ගුණරත්නගේ වම් අතේ මහපටැඟිල්ලේ අස්ථි පිපිරුම තවමත් සුවවී නැති හෙයින් ඔහුට ඉන්දීය තරගාවලියද අහිමි වනු ඇතැයි වාර්තා වේ. ආබාධයට ලක්වීමට පෙර අවසන් වරට සහභාගි වූ ටෙස්ට් තරගයේදී සිම්බාබ්වේ කණ්ඩායමට එරෙහිව අර්ධ ශතකයක් සමගින් ලකුණු 125 ක් රැස්කිරීමටත්, ලකුණු 28 කට කඩුලු 2 ක් දවාගැනීමටත් ගුණරත්න සමත් විය.

ශ්‍රී ලංකාව සහ ඉන්දියාව අතර පැවැත්වෙන තරගාවලිය ටෙස්ට් තරග 3 කින්ද, එක්දින තරග 3 කින්ද, විස්සයි20 තරග 3 කින්ද සමන්විත වන අතර නොවැම්බර් මස 16 වැනිදා කොල්කටාහිදී ආරම්භ වන පළමු ටෙස්ට් තරගයෙන් තරගාවලිය ආරම්භ වනු ඇත.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...
ආසියානු ශූරියෝ හෙට එති...
ජයවේවා... දැන් අපේ ක්‍රිකට් කණ්ඩායමටත් වෙන්නේ ඔබලාව ආදර්ශයට ගන්නයි. ඔබලා සියලු දෙනාට තවතවත් ධෛර්යය, ශක්තිය සහ ජයග්‍රහණ ලැබේවා......
මාව ගෙනාවට ට්‍රික්සි මිස්ට ප්‍රශ්න ඇති කළා ...
අවංකව ඉතා ආඞම්බර වෙම්. ඔබ සැම දෙනා දක්වු දස්කම් ඉතා ඉහලින්ම අගය කරමි. ඉදිරි අනාගතයේ ලෝක ශැරතාවය දිනා ඹබේ දස්කම් මුලුලොවටම පෙන්විමට හැකිවේවායි මුලු හද...