. ජාතික පුහුණුකරු වසරක් නිකම් | කෙළිමඬල
2018 ඔක්තෝබර් මස 15 වැනි සඳුදා
ජාතික පුහුණුකරු වසරක් නිකම්
2017-10-31 21:59:59 | නාමල් පතිරගේ

ජාතික පාපන්දු පුහුණුකරු ධුරය දැරූ ඩඞ්ලි ස්ටේන්වෝල් මහතාගේ සේවය පසුගිය ඔක්තෝබර් 25 වැනිදා  සිට අවසන් කිරීමට ශ්‍රී ලංකා පාපන්දු සම්මේලනය තීරණය කර තිබේ.  ස්ටෙන්වෝල් මහතා එම ධුරයේ වැඩ බාර ගත්තේ වසර 2016 මැයි 25 වැනිදා සිටය.  එහෙත් පසුගිය (2016) නොවැම්බර් 10 වැනිදායින් පසුව සිය ධුරයේ කිසිම රාජකාරි කටයුත්තක් කිරීමට ඔහුට අවස්ථාව හිමි නොවූ බව පාපන්දු සම්මේලන ආරංචි මාර්ග සඳහන් කරයි.

ජාතික පාපන්දු පුහුණුකරුට මෙසේ වසරකට ආසන්න කාලයක් නිකරුණේ සිටිමින්ම සේවය අවසන් කිරීමට සිදුවී ඇත්තේ 2016 න් පසුව ජාතික පාපන්දු සංචිතය ක්‍රියාත්මක නොවීමත් ශ්‍රී ලංකාව එකී කාලය තුළදී එකම ජාත්‍යන්තර තරගයකට හෝ සහභාගි වීමට අපොහොසත් වීමත්  යන කාරණා හේතුවෙනි.

සිය නිල කාලය තුළදී ජාත්‍යන්තර තරග හතරකදී පමණක් ශ්‍රී ලංකා පාපන්දු කණ්ඩායම මෙහෙයවීමේ අවස්ථාව ස්ටෙන්වෝල් මහතාට හිමිවිය. මලයාසියාවේ පැවැති  ආසියානු සමුළු සහයෝගිතා තරගාවලිය ඔහු යටතේ ශ්‍රී ලංකාව සහභාගි වූ එකම  ජාත්‍යන්තර පාපන්දු තරගාවලිය විය.

එහිදී මොංගෝලියාවට එරෙහිව  ගෝල 2-0 කින්ද, ලාඕසයට එරෙහිව ගෝල 2-1 කින්ද  පරාජය වූ ශ්‍රී ලංකාව මැකාවෝ රාජ්‍ය සමග පැවැති තරගය  ජය පරාජයෙන් තොරව (1-1) අවසන් කළේය.

එම තරගාවලියේදී ජයග්‍රාහී නේපාලයට එරෙහිව අනෙක් පසින් අවසන් මහ තරගයට සුදුසුකම් ලබා ගත්තේද  මැකාවෝ  රාජ්‍යයි. මේ අතර පැවැති සුහද ජාත්‍යන්තර තරගයකදී ශ්‍රී ලංකාව කාම්බෝජයට පරාජය වූයේ  ගෝල 4-0 කටය.  2016 නොවැම්බර් 9 වැනිදා මලයාසියාවේ පැවැති සහයෝගිතා තරගාවලියේදී මැකාවෝ රාජ්‍යයට එරෙහිව සහභාගි වූ තරගය ඩඞ්ලි ස්ටෙන්වෝල් මහතා ශ්‍රී ලංකා ජාතික පාපන්දු කණ්ඩායම මෙහෙයවූ අවසන් තරගයද වේ.

පාපන්දු සම්මේලනයේ වත්මන් සභාපති අනුර ද සිල්වා මහතා සිය ධුරයේ දෙවැනි නිල කාලය ඇරඹුවේ පසුගිය ජූලි 1 වැනිදා සිටය. ස්වෙන්වොල් මහතා නොවැම්බර් 10 වැනිදා දක්වා සිය ධුර කාලය ක්‍රියාත්මක විය යුතු වුවත්  ඔහු තවදුරටත් පාපන්දු සම්මේලනයේ තාක්ෂණික කමිටුවේ අධ්‍යක්වරයා ලෙස කටයුතු  කරනු ඇතැයිද වාර්තාවේ.

ලෝක පාපන්දු ශ්‍රේණිගත කිරීම් අනුව ශ්‍රී  ලංකාව මේ වනවිට රටවල්  211 කින්  198 වැනි ස්ථානය දක්වා පහළට වැටී තිබේ. ආසියානු සමුළු  ශ්‍රේණිගත කිරීම් අනුව ශ්‍රී ලංකාව කලාපයේ රටවල් 43 ක් අතරින් 42 වැනි ස්ථානයේ පසුවෙයි.

වසර 1993 සිට මේ දක්වා ශ්‍රී ලංකාව  අන්තර් ජාතික පාපන්දු තරග 75 කට සහභාගි වී තිබේ. ඉන් ශ්‍රී ලංකාව ජයගෙන  ඇත්තේ තරග 20 ක් පමණි. තරග 12 ක් ජය පරාජයෙන් තොරව අවසන්වී තිබෙන අතර සෙසු තරග 43 ක්ම ශ්‍රී ලංකාව පරාජයට පත්ව තිබේ. ශ්‍රී ලංකාව එදා මෙදා තුර ලබාගත් ඉහළම අන්තර් ජාතික පාපන්දු තරගාවලි ජයග්‍රහණය වන්නේ  වසර 1995 කොළඹදී පැවැති, එවකට සාක් රන් කුසලාන ලෙස හැඳින්වු (දැන් සාෆ්)  තරගාවලිය  ජය ගැනීමයි.

මේ අතර ස්ටෙන්වෝල් මහතාගේ ඉවත්ව යාමෙන් හිස්වන ජාතික පාපන්දු පුහුණුකරු ධුරයට මේ දක්වා ජාතික කනිෂ්ඨ පුහුණුකරු ලෙස කටයුතු කළ  ජපන් ජාතික සුසුකි චිකාෂි මහතා ඉදිරියෙන් සිටින බව වාර්තාවේ. දැනට ජාපනය බලා ගොස් සිටින ඔහුට එම ධුරය ලබාදීමේදී ඔහුගේ සහයට තවත් ජපන් ජාතික පාපන්දු උපදේශකවරුන් කීප දෙනකුගේ සේවය ලබා ගැනීමට දැනට  සැලසුම් කර තිබේ. ඔවුන් සියලු දෙනාගේ සේවය නොමිලේ ලබාගැනීම කෙරෙහිද එහිදී පාපන්දු සම්මේලනයේ  අවධානය යොමුව ඇතැයි වාර්තාවේ.

ශ්‍රී ලකාවේ ඉලක්කය වන්නේ ලබන වසරේ සැප්තැම්බර් මාසයේදී පැවැත්වෙන සාෆ් පාපන්දු තරගාවලියට ශ්‍රී ලංකා කණ්ඩායම සූදානම් කිරීමයි. ඒ සඳහා ජාතික  පාපන්දු සංචිතය  සුදානම් කිරීමේදී වයස 19 න් පහළ හා 21 පහළ යොවුන් ක්‍රීඩකයන්ට  වැඩි අවස්ථාව ලබාදීමට පාපන්දු සම්මේලනය සූදානම් වන බවද වැඩිදුරටත් දැන ගන්නට ඇත.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...