. ආසියානු කාන්තා බොක්සිං තරග හෙට සිට | කෙළිමඬල
2018 ජූනි මස 22 වැනි සිකුරාදා
ආසියානු කාන්තා බොක්සිං තරග හෙට සිට
2017-11-01 20:18:33 | ශානුක අරවින්ද

වියට්නාමයේ හෝ චි මින් නගරයේදී හෙට (2 වැනිදා) ආරම්භ වන ආසියානු කාන්තා බොක්සිං තරගාවලියට ශ්‍රී ලංකාව නියෝජනය කරමින් ක්‍රීඩිකාවන් හය දෙනෙකුගෙන් සමන්විත කන්ඩායමක් සහභාගි වීමට නියමිතය. මෙම තරගාවලිය මේ මස 9 වැනිදා දක්වා පැවැත්වේ.

ශ්‍රී ලංකාවද ඇතුළුව මෙම තරගාවලියට රටවල් 8 ක් නියොජ්නය කරමින් ක්‍රීඩිකාවෝ 118 දෙනෙක් සහභාගි වෙති. කසකස්තානය, උස්බැකිස්තානය, චීනය, උතුරු කොරියාව සහ ඉන්දියාව යන ප්‍රබල රටවල ක්‍රීඩිකාවන්ද ඊට ඇතුළත්ව සිටිති.  

ලබන වසරේ (2018) ඕස්ට්‍රේලියාවේ ගෝල්ඞ් කෝස්ට්හිදී පැවැත්වෙන පොදු රාජ්‍ය මණ්ඩලයීය ක්‍රීඩා උළෙලට පුහුණුවීමේ පෙරහුරු තරගාවලියක් ලෙස ශ්‍රී ලංකා කණ්ඩායම මෙම තරගාවලියට සහභාගි වෙයි.

යුනිචෙලා බොක්සිං සමාජය නියෝජනය කරන ක්‍රීඩිකාවන් සිවුදෙනෙක්ද, හෙළ බොක්සිං සමාජය සහ ශ්‍රී ලංකා පොලිසිය නියෝජනය කරන එක් ක්‍රීඩිකාවක් බැගින්ද ශ්‍රී ලංකා කණ්ඩායමට ඇතුළත්ව සිටිති.

කෝසලා නිල්මිණි (කිලෝ ග්‍රෑම් 48 බර පංතිය), අනුරාධා ජයසිංහ (කිලෝ ග්‍රෑම් 51 බර පංතිය), කේෂානි හංසිකා (කිලෝ ග්‍රෑම් 57 බර පංතිය) සහ ක්‍රිෂ්මි ධර්මතිලක (කිලෝ ග්‍රෑම් 60 බර පංතිය) මෙම තරගාවලියට සහභාගි වන යුනිචෙලා බොක්සිං සමාජයේ ක්‍රීඩිකාවෝ වෙති.

හෙළ බොක්සිං සමාජයේ තනූජා ධර්මසේන කිලෝ ග්‍රෑම් 69 බර පංතිය යටතේද, ශ්‍රී ලංකා පොලිසියේ ශිරෝමාලා වීරරත්න කිලෝ ග්‍රෑම් 75 බර පංතිය යටතේද තරගාවලියට සහභාගි වී සිටිති.

ඔවුන් අතරින් යුනිචෙලා ක්‍රීඩා සමාජයේ කෝසලා නිල්මිණි සහ කේෂානි හංසිකාද, ශ්‍රී ලංකා පොලිසියේ ශිරෝමාලා වීරරත්නද ඉකුත් මස නෙදර්ලන්තයේදී පැවැති ඉන්දෝවන් ජාත්‍යන්තර බොක්සිං තරගාවලියේදී රිදී පදක්කම් දිනූ ක්‍රීඩිකාවෝ වෙති.

ශ්‍රී ලංකා ක්‍රීඩිකාවන්ගේ තරග කාලසටහන

■    කෝසලා නිල්මිණි (කි.ග්‍රෑ. 48) - නොවැම්බර් 4 වැනිදා පිලිපීන - ජපන් තරගයේ ජයග්‍රාහිකාවට එරෛහිව අවසන් පූර්ව වටයේදී
■    අනුරාධා ජයසිංහ (කි.ග්‍රෑ. 51) - නොවැම්බර් 3 වැනිදා පිලිපීන ක්‍රීඩිකාවට එරෙහිව මූලික වටයේදී
■    කේෂානි හංසිකා (කි.ග්‍රෑ. 57) - නොවැම්බර් 5 වැනිදා චීන තායිපේ - ජපන් තරගයේ ජයග්‍රාහිකාවට එරෛහිව අවසන් පූර්ව වටයේදී
■    ක්‍රිෂ්මි ධර්මතිලක (කි.ග්‍රෑ. 60) - නොවැම්බර් 2 වැනිදා නේපාල ක්‍රීඩිකාවට එරෙහිව මූලික වටයේදී
■    තනූජා ධර්මසේන (කි.ග්‍රෑ. 69) - නොවැම්බර් 5 වැනිදා චීන - චීන තායිපේ තරගයේ ජයග්‍රාහිකාවට එරෙහිව අවසන් පූර්ව වටයේදී
■    ශිරෝමාලා වීරරත්න (කි.ග්‍රෑ. 75) - නොවැම්බර් 4 වැනිදා උතුරු කොරියානු ක්‍රීඩිකාවට එරෙහිව අවසන් පූර්ව වටයේදී

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...