. ක්‍රිෂ්මි අර්ධ අවසන් පූර්ව වටයට එයි | කෙළිමඬල
2018 සැප්තැම්බර් මස 18 වැනි අගහරුවාදා
ක්‍රිෂ්මි අර්ධ අවසන් පූර්ව වටයට එයි
2017-11-03 18:13:15 | ශානුක අරවින්ද

වියට්නාමයේ හෝ චි මින් නගරයේදී පැවැත්වෙන ආසියානු කාන්තා බොක්සිං තරගාවලියේ කිලෝ ග්‍රෑම් 60 බර පංතියේ අර්ධ අවසන් පූර්ව වටයට සුදුසුකම් ලබාගැනීමට ශ්‍රී ලංකාවේ ක්‍රිෂ්මි ධර්මතිලක ඊයේ (2 වැනිදා) සමත් වූවාය. ඊයේ පැවැති මූලික වටයේ තරගයකදී නේපාල ක්‍රීඩිකාවක් පරාජය කරමින් ඇය තරගාවලියේ අර්ධ අවසන් පූර්ව වටයට සුදුසුකම් ලබාගත්තාය.

හෙට (4 වැනිදා) පැවැත්වෙන අර්ධ අවසන් පූර්ව වටයේ තරගයකදී ක්‍රිෂ්මි ධර්මතිලක ඉන්දීය ක්‍රීඩිකාවකට එරෙහිව තරග වැදීමට නියමිතය. ක්‍රිෂ්මිගේ තරගයට අමතරව හෙට දිනයේදී ශ්‍රී ලංකා ක්‍රීඩිකාවන් සහභාගි වන තවත් අර්ධ අවසන් පූර්ව තරග 2 ක් පැවැත්වීමට නියමිතය.

කිලෝ ග්‍රෑම් 48 බර පංතිය යටතේ ආසියානු තරගාවලියට සහභාගි වී සිටින කෝසලා නිල්මිණි එම බර පංතිය යටතේ අද පැවැත්වෙන පිලිපීන - ජපන් මූලික වටයේ තරගයෙන් ජයගන්නා ක්‍රීඩිකාවට එරෙහිව තරග වදී. කිලෝ ග්‍රෑම් 75 බර පංතිය යටතේ තරගාවලියට සහභාගි වී සිටින ශිරෝමාලා වීරරත්න උතුරු කොරියානු ක්‍රීඩිකාවකට එරෙහිව තරග වදින්නීය.

අද පැවැත්වීමට නියමිත කිලෝ ග්‍රෑම් 51 බර පංතියේ මූලික වටයේදී ශ්‍රී ලංකාවේ අනුරාධා ජයසිංහ පිලිපීන ක්‍රීඩිකාවකට එරෙහිව තරග වැදිමට සූදානමින් සිටින්නීය. අනුරාධා අවසන් වරට නෙදර්ලන්තයේදී පැවැති එන්ඩිඕවන් කුසලාන බොක්සිං තරගාවලියේදී ලෝකඩ පදක්කමක් දිනාගැනීමට සමත් වූ අතර ඇයට එරෙහිව තරග වදින පිලිපීන ක්‍රීඩිකාව 2015 වසරේ චීන තායිපේහිදි පැවැති තායිපේ සිටි කුසලාන තරගාවලියේදී ලෝකඩ පදක්කමක් දිනා සිටින්නීය.

ශ්‍රී ලංකාවද ඇතුළුව මෙම තරගාවලියට රටවල් 8 ක් නියෝජනය කරමින් ක්‍රීඩිකාවෝ 118 දෙනෙක් සහභාගි වෙති. කසකස්තානය, උස්බෙකිස්තානය, චීනය, උතුරු කොරියාව සහ ඉන්දියාව යන ප්‍රබල රටවල ක්‍රීඩිකාවෝද ඊට ඇතුළත්ව සිටිති.  

ලබන වසරේ (2018) ඕස්ට්‍රේලියාවේ ගෝල්ඞ් කෝස්ට්හිදී පැවැත්වෙන පොදු රාජ්‍ය මණ්ඩලයීය ක්‍රීඩා උළෙලට සහභාගි වන්නේද මෙම ආසියානු ශූරතාවලියට සහභාගි වන ක්‍රීඩිකාවන් ඇතුළු කණ්ඩායමක් බව ශ්‍රී ලංකා බොක්සිං සංගමය පවසයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...
ආසියානු ශූරියෝ හෙට එති...
ජයවේවා... දැන් අපේ ක්‍රිකට් කණ්ඩායමටත් වෙන්නේ ඔබලාව ආදර්ශයට ගන්නයි. ඔබලා සියලු දෙනාට තවතවත් ධෛර්යය, ශක්තිය සහ ජයග්‍රහණ ලැබේවා......
මාව ගෙනාවට ට්‍රික්සි මිස්ට ප්‍රශ්න ඇති කළා ...
අවංකව ඉතා ආඞම්බර වෙම්. ඔබ සැම දෙනා දක්වු දස්කම් ඉතා ඉහලින්ම අගය කරමි. ඉදිරි අනාගතයේ ලෝක ශැරතාවය දිනා ඹබේ දස්කම් මුලුලොවටම පෙන්විමට හැකිවේවායි මුලු හද...