. චාතූර්ය - අංජලිකා ශූරතා දිනති | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
චාතූර්ය - අංජලිකා ශූරතා දිනති
2017-11-03 19:55:00 | ශානුක අරවින්ද


ශ්‍රී ලංකා ටෙනිස් සංගමය සංවිධානය කළ වයස 14 න් පහළ ආසියානු ටෙනිස් තරගාවලියේ පළමු අදියරේ බාලක සහ බාලිකා කේවල ශූරතා දිනාගැනීමට චාතූර්ය නිලවීර සහ අංජලිකා කුරේරා සමත් වූහ.

ටෙනිස් සංගම් මූලස්ථාන ක්‍රීඩාංගණයේදී අද (11 වැනිදා) පැවැති බාලක කේවල අවසන් මහ තරගයේදී තරග වට 2-0 ක් ලෙස නේලක දිසානායක පරාජය කරමින් චාතූර්ය නිලවීර එම ශූරතාවට හිමිකම් කීවේය. එම තරගයේ ලකුණු තත්ත්වය 6-1 ක් සහ 6-0 ක් ලෙස දැක්විණ.

අවසන් පූර්ව වටයේදී ඉන්දීය ක්‍රීඩක ක්‍රිෂැග් රඝුවන්ෂි පරාජය කරමින් චාතූර්ය නිලවීර බාලක අවසන් මහ තරගයට සුදුසුකම් ලබාගත් අතර නේලක දිසානායක අවසන් මහ තරගයට සුදුසුකම් ලබාගත්තේ අවසන් පූර්ව වටයේදී තෙහාන් විජේමාන්න පරාජය කරමිනි.

අංජලිකා කුරේරා තරගාවලියේ බාලිකා කේවල ශූරතාව දිනාගත්තේ අද පැවැති අවසන් මහ තරගයේදී තරග වට 2-0 ක් ලෙස ඔනෙලි පෙරේරා පරාජය කරමිනි. එම තරගයේ ලකුණු තත්ත්වය 6-0 ක් සහ 6-3 ක් ලෙස සටහන් විය.

අවසන් පූර්ව වටයේදී හේෂානි ඉමංගා පරාජය කරමින් අංජලිකා කුරේරා බාලක අවසන් මහ තරගයට සුදුසුකම් ලබාගත් අතර ඔනෙලි පෙරේරා අවසන් මහ තරගයට සුදුසුකම් ලබාගත්තේ අවසන් පූර්ව වටයේදී තරණි ඇලෙක්සැන්ඩර් පරාජය කරමිනි.

තරගාවලියේ බාලක යුගල ශූරතාව දිනාගැනීමට චාතූර්ය නිලවීර සහ තෙහාන් විජේමාන්න සමත් වූ අතර බාලිකා යුගළ ශූරතාව දිනාගැනීමට ඉන්දීය ක්‍රීඩිකාවන් වන ටානියා රාසික් සහ ශාරුති මාදවකන්නා සමත් වූහ.


බාලක කේවල අවසන් මහ තරගය

■    චාතූර්ය නිලවීර විසින් තරග වට 2-0 ක් ලෙස නේලක දිසානායක පරාජය කරන ලදි. (6/1, 6/0)
බාලිකා කේවල අවසන් මහ තරගය
■    අංජලිකා කුරේරා විසින් තරග වට 2-0 ක් ලෙස ඔනෙලි පෙරේරා පරාජය කරන ලදි. (6/0, 6/3)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...