. තරංග - ෆ්ලෙචර් ෂිලාත් පිල දිනවති | කෙළිමඬල
2018 අපේ‍්‍රල් මස 25 වැනි බදාදා
තරංග - ෆ්ලෙචර් ෂිලාත් පිල දිනවති
2017-11-04 18:00:40 | .

බංග්ලාදේශයේ පැවැත්වෙන බී.පී.එල්. විස්සයි-20 ලීග් තරගාවලිය ආරම්භ කරමින් අද (4 වැනිදා) ෂිලාත්හිදී පැවැති තරගයේදී උපුල් තරංග සහ ඇන්ඩ්‍රි ෆ්ලෙචර් දැක්වූ දස්කම් හේතුවෙන් ෂිලාත් සික්සර්ස් කණ්ඩායම විසින් ඩකා ඩයිනමයිට්ස් කණ්ඩායම කඩුලු 9 කින් පරාජය කරන ලදී.

ලකුණු 137 ක පහසු ඉලක්කයක් හඹා ගිය ෂිලාත් සික්සර්ස් පිල වෙනුවෙන් විශිෂ්ට ආරම්භයක් ලබාගත් උපුල් තරංග සහ ඇන්ඩි්‍ර ෆ්ලෙචර් දෙදෙනා පන්දු 93 කදී ලකුණු 125 ක් එකතු කරමින් ෂිලාත් කණ්ඩායම ජයග්‍රහණය පෙනෙන මානයටම කැඳවාගෙන ගියහ. පන්දු 51 කට මුහුණ දෙමින් හතරේ පහර 5 ක් සහ හයේ පහර 3 ක් සමගින් ලකුණු 63 ක් ලබාගත් ෆ්ලෙචර් දැවී ගිය නමුත් තරංග සිය කාර්යය අවසන් වන තුරුත් පිටියේ රැඳී සිටියේය.

පන්දු 48 කට මුහුණ දෙමින් උපුල් තරංග නොදැවී ලබාගත් ලකුණු 69 හතරේ පහර 5 කින් සහ හයේ පහර දෙකකින් අලංකාරවත් වී තිබිණ.

ශ්‍රී ලංකා ටෙස්ට් පිලේ හිටපු නායක කුමාර් සංගක්කාර ක්‍රීඩා කරන ඩකා ඩයිනමයිට්ස් කණ්ඩායම පළමුවෙන් පන්දුවට පහර දුන් නමුත් ඔවුන්ට ලබාගත හැකිවූයේ ලකුණු 136 ක් පමණි.

ඩයිනමයිට්ස් පිලේ පළමු කඩුල්ල පළමු ඕවරයේදීම දැවී යාම හේතුවෙන් පිටියට පිවිසි අංක 3 පිතිකරු සංගක්කාර, කොදෙව් පිතිකරු එවින් ලුවිස් සමගින් එක්ව දෙවැනි කඩුල්ල වෙනුවෙන් ලකුණු 54 ක සම්බන්ධතාවක් ගොඩනැංවීය. එහෙත් ලකුණු 66 දී  සංගක්කාර දැවීයාමෙන් පසුව ඩයිනමයිට්ස් පිලට ලබාගත හැකිවූයේ ලකුණු 70 ක් පමණි.

ඩයිනමයිට්ස් පිල වෙනුවෙන් වැඩිම ලකුණු ලාභියා වූ සංගක්කාර පන්දු 28 කින් 4 ක් හතරේ සීමාව පසුකර යැවූ අතර ඉන් එකක් ඊට ඉහළින් යැවීය.


ඩකා ඩයිනමයිට්ස් - ඕවර 20 කදී කඩුලු 7 ට 136
(එවින් ලුවිස් 26, කුමාර් සංගක්කාර 32, සකිබ් අල් හසන් 23, කරන් පොලාර්ඞ් 11, කැමරන් ඩෙල්පෝට් 20, නසීර් හොසේන් 40/2, අබ්දුල් හසන් 24/2, ලයාම් ප්ලන්කට් 20/2)

ෂිලාත් සික්සර්ස්  - ඕවර 16.5 කදී කඩුල්ලක් දැවී 137
(උපුල් තරංග නොදැවී 69, ඇන්ඩ්‍රි ෆ්ලෙචර් 63)

 

ඔබේ ප්‍රතිචාර
rama2017-11-05 10:26:34
ඒවට නම් ගහන්න පුළුවන්... ලංකාවට තමයි ගහන්න බැරි

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...