. ඔලිම්පික් කමිටු රැස්වීමෙි අළු යට ගිනි පුපුරු | කෙළිමඬල
2018 සැප්තැම්බර් මස 26 වැනි බදාදා
ඔලිම්පික් කමිටු රැස්වීමෙි අළු යට ගිනි පුපුරු
2017-11-08 20:44:12 | නාමල් පතිරගේ

වසර 2004න් පසුව සිය ව්‍යවස්ථාව වෙනස් කිරීම සඳහා හෙට (9 වැනිදා) පස්වරු 6ට කැඳවා තිබෙන ජාතික ඔලිම්පික් කමිටුවේ මහ සභා රැස්වීම ඉතා උණුසුම්කාරී මුහුණුවරක් ගනු ඇතැයි අපේක්ෂා කෙරේ. වසර 2009 ජුලි මාසයේ පැවැති ජාතික ඔලිම්පික් කමිටුවේ අවසන් නිලවරණයෙන් පසුව එහි මහ සභා රැස්වීමක් පැවැත්වෙන පළමු අවස්ථාව මෙය වේ.

මේ වනවිට ජාතික ඔලිම්පික් කමිටුවේ සාමාජික ජාතික ක්‍රීඩා සංගම් පමණක් නොව එහි වත්මන් නිලධාරී මණ්ලයේ නිලධාරීන් අතර ද බෙදීමක් ඇති වී තිබෙන බව වාර්තා වෙයි. ඒ හේතුවෙන් ව්‍යවස්ථාව සංශෝධනය කිරීම සඳහා අද කැඳවා තිබෙන මහ සභා රැස්වීම උණුසුම් මුහුණුවරක් ගනු ඇතැයි අපේක්ෂා කෙරේ.

කෙසේ වුවත් අද පැවැත්වීමට නියමිත මහ සභා රැස්වීම පිළිබඳ සුභවාදී ආකල්පයක් දරණ ජාතික ඔලිම්පික් කමිටුවේ මහලේකම් මැක්ස්වල් ද සිල්වා මහතා, වත්මන් සභාපති හේමසිරි ප්‍රනාන්දු මහතා හා තමා උත්සාහ කරන්නේ එය වඩාත් සාමකාමීව අවසන් කිරීමට බව පැවැසීය.

“සියලු දෙනාගේම අදහස්වලට අපි එතනදී අවස්ථාව දෙනවා. හොඳ දේ අරන් මේ ව්‍යවස්ථාව සංශෝධනය කරන්න. ඒ සෑම ජාතික ක්‍රීඩා සංගමයක්ම අපට සහයෝගය දක්වන බව විශ්වාසයි” යයි ද ඔහු එහිදී පැවැසීය.
ශ්‍රී ලංකා බැට්මින්ටන් සම්මේලනය අන්තර් ජාතික තහනමකට ලක්ව තිබෙන බැවින් ඔවුන් හැර කමිටුවේ සාමාජිකත්වය දරණ සෙසු සියලුම ජාතික ක්‍රීඩා සංගම්හි නියෝජිතයන් දෙදෙනකුට බැගින් අද මහ සභා රැස්වීමට ආරාධනා කර තිබේ.

නූතන පංච ප්‍රයාම, තුන් ප්‍රයාම, රග්බි, රෝද සපත්තු, කරාටේ දෝ, බේස් බෝල්, කඩු හරඹ යන ක්‍රීඩා ඉසව්හි පරිපාලනය මෙහෙයවන ජාතික ක්‍රීඩා සංගම් හතකට ඔලිම්පික් කමිටුවේ නව සාමාජිකත්වය ප්‍රදානය කිරීමේ යෝජනව ද අද එහි මහ සභා රැස්වීමට ඉදිරිපත් කෙරේ.

ජාතික ඔලිම්පික් කමිටුවේ ලේකම්වරයා ව්‍යවස්ථාව සඳහා ගෙන එන නව වගන්ති හා සංශෝධන ජාතික ක්‍රීඩා සංගම් වෙත යොමු කරමින් කියා සිටියේ ඒ හැරෙන්නට ව්‍යවස්ථාව වෙනස් කිරීම සඳහා වූ ඔවුන්ගේ යෝජනා හා අදහස් තිබේ නම් ඒවා ද ලිඛිතව ඉදිරිපත් කරන ලෙසත්ය. එහෙත් ලේකම්වරයා යොමු කළ නව සංශෝධන යෝජනාවලියේ ප්‍රධාන වගන්ති කීපයකටම ජාතික ක්‍රීඩා සංගම් 12ක් සිය විරෝධතා පළ කර සිටි බව වාර්තා විය.

ශ්‍රී ලංකා පැසිපන්දු සම්මේලනය, ශ්‍රී ලංකා ජිම්නාස්ටික් සංගමය, ශ්‍රී ලංකා වොලිබෝල් සම්මේලනය, ශ්‍රී ලංකා ටයිකොන්ඩෝ සම්මේලනය, ශ්‍රී ලංකා තුරඟ තරග සංගමය, ශ්‍රී ලංකා ආධුනික බොක්සිං සංගමය, ශ්‍රී ලංකා ආධුනික ඔරු පැදීමේ සංගමය, ශ්‍රී ලංකා මලල ක්‍රීඩා සංගමය, ශ්‍රී ලංකා දුන්නෙන් විදීමේ සංගමය, ශ්‍රී ලංකා පාපන්දු සම්මේලනය, ශ්‍රී ලංකා ගොල්ෆ් සංගමය හා ශ්‍රී ලංකා ඉලක්කයට වෙඩි තැබීමේ සංගමය යන ජාතික ක්‍රීඩා සංගම් නව සංශෝධන යෝජනාවලිය අනුව තවදුරටත් වෙනස් නොවී පැවැතිය යුතු වගන්ති පහක් ගැන අවධාරණය කර තිබේ.

ජාතික ඔලිම්පික් කමිටුවේ වත්මන් නාමය වෙනස් නොකිරීම, එය අර්ධ සමාගමක් නොකිරීම, කමිටුවේ වත්මන් උපසභාපති ධුර සංයුතිය වෙනස් නොකිරීම, කමිටුවේ තනතුරු සඳහා පත්වීමේදී වයස් සීමාවක් නොතිබීම හා ඔලිම්පික් ක්‍රීඩා ඉසව්වලට අයත් නොවන ජාතික ක්‍රීඩා සංගම් සඳහා කමිටුවේ නිලවරණයේදී ඡන්ද බලය ප්‍රදානය නොකිරීම යන කාරණා තවදුරටත් එලෙසින්ම ක්‍රියාත්මක විය යුතු බව එම ජාතික ක්‍රීඩා සංගම් අවධාරණය කර ඇතැයි ද වාර්තා වේ.

ඔලිම්පික් කමිටුවේ නව ව්‍යවස්ථා සංශෝධන යෝජනාවලියට අනුව ජාතික ඔලිම්පික් කමිටුව, ශ්‍රී ලංකා ඔලිම්පික් කමිටුව යන නව නිල නාමයෙන් හැඳින්වීම, එය අර්ධ සමාගමක් බවට පත්කිරීම, උපසභාපති ධුර හතරකට සීමා කිරීම, තනතුරු දැරීමේදී වයස 75 නොඉක්මවීම හා මේ වනවිට කමිටුවේ සාමාජිකත්වයේ නොමැති ජාතික ක්‍රීඩා සංගම් එහි රැස්වීම්වලට කැඳවීම යන නව යෝජනා කීපයක් ද ඉදිරිපත්ව තිබේ.

කෙසේ වුවත් ශ්‍රී ලංකා ටෙනිස් සංගමය හා ශ්‍රී ලංකා මල්ලවපොර සම්මේලනය ඔලිම්පික් කමිටුවේ ලේකම්වරයා ඉදිරිපත් කළ ව්‍යවස්ථා සංශෝධන යෝජනාවලියට සහයෝගය පළ කර ඇතැයි ද වාර්තා වේ.
ඒ අතර ඉතිරි ජාතික සංගම් ගණනාවක් ව්‍යවස්ථා සංශෝධන නව යෝජනාවලිය සම්බන්ධයෙන් මතයක් ප්‍රකාශ කර නොමැති බව ද වැඩිදුරටත් දැනගන්නට ඇත.

කෙසේ වුවත් මේ වනවිට පරිපාලන ආරවුල් හේතුවෙන් ක්‍රියාකරීත්වය අත්හිටුවා තිබෙන ශ්‍රී ලංකා අත්පන්දු (හෑන්ඞ් බෝල්) සම්මේලනය, ශ්‍රී ලංකා හොකී සම්මේලනය, ශ්‍රී ලංකා ජූඩෝ සංගමයට ද අද මහ සභා රැස්වීමට ආරාධනා කර තිබේ.

එම සංගම්හි ක්‍රියාකාරීත්වය අත්හිටුවනවිට කටයුතු කරමින් සිටි ප්‍රධානීන්ට ඒ සඳහා ආරාධනා ලැබී තිබේ. ජාතික ඔලිම්පික් කමිටුවේ දීර්ඝ කාලයක් කයටුතු කළ එහි හිටපු ලේකම්වරු දෙදෙනෙක් වන ශ්‍රී ලංකා මලල ක්‍රීඩා සංගමයේ වත්මන් ලේකම් ප්‍රේමා පින්නවල හා ශ්‍රී ලංකා දුන්නෙන් විදීමේ සංගමයේ ලේකම් කොමදෝරු එච්.යූ. සිල්වා යන මහත්වරුගේ සහයෝගය නව ව්‍යවස්ථා විරෝධී ජාතික ක්‍රීඩා සංගම් පාර්ශ්වයට ලැබී තිබෙන බව ද ඔලිම්පික් කමිටු ආරංචි මාර්ග සඳහන් කරයි. මේ අතර අද පැවැත්වෙන කමිටුවේ මහ සභා රැස්වීම පිළිබඳ දැනුවත් කරමින් එහි නිලධාරීන්ට එවා තිබෙන ආරාධනාව සම්බන්ධයෙන් ඔවුන් දැඩි අවධානය යොමු කර ඇතැයි ද වාර්තා වේ.

ඒ සඳහා ‘නිරීක්ෂකයන්’ ලෙස සහභාගී වන ලෙස කර ඇතැයි කියන දැනුම් දීම ඊට හේතු වී ඇතැයි ද වාර්තා වේ.
අවසන් වරට ජාතික ඔලිම්පික් කමිටුවේ ව්‍යවස්ථාව වසර 2004 දී සංශෝධනය කිරීමේ උත්සවයක් ගෙන ඇතත් ඒ සඳහා ක්‍රීඩා අමාත්‍යාංශයේ නිර්දේශය ලැබුණත් අන්තර් ජාතික ඔලිම්පික් කමිටුවෙන් ඒ සඳහා අනුමැතිය ලැබුණු බවට නිල වශයෙන් සඳහනක් නැතැයි ජාතික ඔලිම්පික් කමිටුවේ වත්මන් ලේකම් මැක්ස්වල් ද සිල්වා මහතා පවසයි.

එවකට ඔලිම්පික් කමිටුවේ ලේකම් ධුරය දරා ඇත්තේ කොමදෝරු එච්.යූ. සිල්වා මහතාය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...