. චිතගොංග් වයිකින්ස් පිලට ලකුණු 11 ක ජයක් | කෙළිමඬල
2018 සැප්තැම්බර් මස 26 වැනි බදාදා
චිතගොංග් වයිකින්ස් පිලට ලකුණු 11 ක ජයක්
2017-11-08 21:41:24 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ චිතගොංග් වයිකින්ස් කණ්ඩායම සහ රාංපූර් රයිඩර්ස් කණ්ඩායම අතර ෂිලාත්හිදී අද (8 වැනිදා) පැවැති තරගයෙන් ලකුණු 11 ක ජයක් අත්කර ගැනීමට චිතගොංග් වයිකින්ස් කණ්ඩායම සමත් විය.

ජයග්‍රහණය සඳහා ලකුණු 167 ක ඉලක්කයක් හඹා ගිය රාංපූර් රයිඩර්ස් පිතිකරුවන්ට ටස්කින් අහමඞ් ප්‍රමුඛ චිතගොංග් පන්දු යවන්නන් හමුවේ ඕවර 20 අවසානයේ කඩුලු 8 ක් දැවී රැස්කරගත හැකි වූයේ ලකුණු 155 ක් පමණි.

දක්ෂ පන්දුයැවීමක නිතර වූ ටස්කින් අහමඞ් ලකුණු 31 කට කඩුලු 3 ක් දවාගැනීමට සමත් වූ අතර රාංපූර් රයිඩර්ස් කණ්ඩායමේ ජයග්‍රහණයේ මාවත අවහිර කිරීම සඳහා ඔහුට අනගි සහායක් දුන් ලුයිස් රීස් ලකුණු 26 කට කඩුලු 2 ක් දවාගත්තේය.

රාංපූර් රයිඩර්ස් ඉනිමේ වැඩිම වැඩිම ලකුණු ලාභියා බවට පත් වූ රවී බොපාරා පන්දු 32 කදී හයේ පහරක් සහ හතරේ පහර 3 ක් සමගින් ලකුණු 38 ක් රැස්කළ අතර තිසර පෙරේරා හයේ පහරක් සහ හතරේ පහරක් සමගින් ලකුණු 11 ක්ද, ලසිත් මාලිංග හයේ පහරක් සහ හතරේ පහරක් සමගින් නොදැවී ලකුණු 14 ක්ද රැස්කළහ.

පළමුවෙන් පන්දුවට පහරදුන් චිතගොංග් වයිකින්ස් කණ්ඩායම වෙනුවෙන් වේගවත් පිතිහරඹයක නිතර වූ ලුක් රොන්කි පන්දු 35 කදී ලකුණු 78 ක් රැස්කළේ හයේ පහර 7 ක් සහ හතරේ පහර 7 ක් සමගිනි.

වයිකින්ස් ඉනිම ගොඩනැගීම සඳහා රොන්කිට අනගි සහායක් දුන් ඩිල්ෂාන් මුණවීර හයේ පහරක් සහ හතරේ පහරක් සමගින් ලකුණු 20 ක්ද, මිස්බා උල් හක් හතරේ පහරක් සමගින් නොදැවී ලකුණු 31 ක්ද රැස්කළහ.
ලකුණු 14 කට කඩුලු 2 ක් දවාගත් රවී බොපාරා එහිදී පන්දුවෙන් දස්කම් දැක්වූ අතර තිසර පෙරේරා ලකුණු 16 කට කඩුල්ලක් දවාගත්තේය.


චිතගොංග් වයිකින්ස් පිල - ඕවර 20 කදී කඩුලු 4 කට 166
(ලුක් රොන්කි 78, ඩිල්ෂාන් මුණවීර 20, මිස්බා උල් හක් නොදැවී 31, රවී බොපාරා 14/2)

රාංපූර් රයිඩර්ස් පිල - ඕවර 20 කදී කඩුලු 8 කට 155
මොහොමඞ් මිතුන් 23, රවී බොපාරා 38, ශරියර් නෆීස් 26, ලසිත් මාලිංග නොදැවී 14, ටස්කින් අහමඞ් 31/3, ලුයිස් රීස් 26/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...