. ආසියානු ශූරතාවලියට දෙදෙනෙක් යති | කෙළිමඬල
2018 ජූනි මස 22 වැනි සිකුරාදා
ආසියානු ශූරතාවලියට දෙදෙනෙක් යති
2017-11-09 18:28:02 | සුසිල් ප්‍රේමලාල්

මේ මස 26 වැනිදා චීනයේ ඩොන් ගුවාන් නගරයේ පැවැත්වීමට නියමිත 14 වැනි ආසියානු ශූරතා මැරතන් තරගයට ශ්‍රී ලංකාවෙන් ක්‍රීඩක ක්‍රීඩිකාවන් දෙදෙනකු සහභාගී කරවීමට ශ්‍රී ලංකා මලල ක්‍රීඩා සංගමය තීරණය කර ඇත. 2016 රියෝ ඔලිම්පික් ක්‍රීඩා උළෙලේදී ශ්‍රී ලංකාව නියෝජනය කළ ගීතානී රාජසේකර සහ 2017 වර්ෂයේදී 43 වැනි ජාතික ක්‍රීඩා උළෙලේ මැරතන් ශූර ප්‍රදීප් අනුරසිංහ ආසියානු මැරතන් ශූරතාවලියට සහභාගී වෙති.


මෙම වසරේ ඇම්ස්ට්‍රඩෑම් නුවරදී පැවති ජාත්‍යන්තර මැරතන් තරගයේ දී ගීතානී රාජසේකර විසින් දක්වන ලද දක්ෂතාව (පැය 2.47.27) සහ 43 වැනි ජාතික ක්‍රීඩා උළෙලේ මැරතන් තරගය පැය 2.25.13 කින් නිම කරමින් අනුරසිංහ විසින් දක්වන ලද දක්ෂතාවය පදනම් කරගෙන එම ක්‍රීඩකයා සහ ක්‍රීඩිකාව ආසියානු ශූරතා මැරතන් තරගයට සහභාගී වීමට අවස්ථාව හිමි වූ බව ශ්‍රී ලංකා මලල ක්‍රීඩා සංගමයේ තේරුම් කමිටුව පවසයි.


1988 වසරේ සිට පැවැත්වෙන ආසියානු ශූරතා මැරතන් තරගයෙන් ශ්‍රී ලංකාව වසර 2000 දී පමණක් පිරිමි අංශයෙන් රිදී පදක්කමක් දිනා ඇත. පැය 2.28.25 කින් තරගය නිම කරමින් සරත් ප්‍රසන්න ගමගේ එම පදක්කම දිනා ගැනීමට සමත් විය.


ආසියානු ශූරතාව නියෝජනය කරන මෙම ක්‍රීඩකයා සහ ක්‍රීඩිකාව ලබන 24 දා චීනය බලා පිටත්ව යන අතර පුහුණුකරු සහ කළමණාකරු ලෙස බර්නාඞ් පෙරේරා මහතා සහභාගීවීමට නියමිතය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...