. ෂිලාත් සික්සර්ස් පෙරමුණට | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
ෂිලාත් සික්සර්ස් පෙරමුණට
2017-11-09 20:43:52 | .

තරග 42 කින් සමන්විත බංග්ලාදේශ ප්‍රිමියර් ලීග් තරගාවලියේ මුලික වටයේ තරග 8 ක් අවසන් වන විට ප්‍රසාද ලකුණු සටහනේ පෙරමුණ ගැනීමට ෂිලාත් සික්සර්ස් කණ්ඩායම සමත්ව තිබේ. මේ වන විට තරග 4 කට සහභාගි වී ඇති ෂිලාත් සික්සර්ස් කණ්ඩායම ඉන් තරග 3 ක් ජයගෙන තරගයක් පරාජය වී හිමි කරගෙන ඇති ප්‍රසාද ලකුණු සංඛ්‍යාව 6 කි.

නසිර් හුසේන්ගේ නායකත්වයෙන් යුත් ෂිලාත් සික්සර්ස් කණ්ඩායමට ශ්‍රී ලංකා ක්‍රීඩකයෝ වන උපුල් තරංග, ධනුෂ්ක ගුණතිලක, දසුන් ශානක, වනිඳු හසරංග සහ චතුරංග ද සිල්වා ක්‍රීඩා කරති.

ඩකා ඩයිනමයිට්ස්, කොමිලා වික්ටෝරියන්ස් සහ රාංග්පූර් රයිඩර්ස් යන කණඩායම් 3 ම එක් තරගය බැගින් ජයගෙන ප්‍රසාද ලකුණු 2 බැගින් ලබා සිටින අතර දල ලකුණු වේගය අනුව එම කණ්ඩායම් 3 පිළිවෙලින් ප්‍රසාද ලකුණු සටහනේ දෙවැනි, තෙවැනි සහ සිවුවැනි ස්ථාන වල රැදී සිටියි.

එහිදී කුමාර් සංගක්කාර ඩකා ඩයිනමයිට්ස් කණ්ඩායමට ක්‍රීඩා කරන අතර තිසර පෙරේරා, කුසල් පෙරේරා, නුවන් කුලසේකර සහ ලසිත් මාලිංග රාංග්පූර් රයිඩර්ස් කණ්ඩායමට ක්‍රීඩා කරති.

පිට පිටම ලබාගත් අර්ධ ශතක 3 ක් සමගින් තරග 4 කදී ලකුණු 196 ක් ලබා සිටින ෂිලාත් සික්සර්ස් කණ්ඩායමේ උපුල් තරංග මෙතෙක් පැවැති තරග වලදී වැඩිම ලකුණු ලාභින් අතර පෙරමුණේ පසුවෙයි. ඩකා ඩයිනමයිට්ස් කණ්ඩායමට එරෙහිව ලබාගත් ලකුනු 69 තරංග මෙම තරගාවලියේදී මෙතෙක් වාර්තා කළ ඉහළම ලකුණු සංඛ්‍යාව ලෙස සටහන් වේ.

ෂිලාත් සික්සර්ස් කණ්ඩායමේ ලයාම් ප්ලන්කට් මෙතෙක් තරග වලදී වැඩිම කඩුලු ලාභීන් අතර පෙරමුණේ පසුවන අතර තරග 3 කදී ඔහු දවාගෙන ඇති කඩුලු සංඛ්‍යාව 6 කි. මෙතෙක් ඔහුගේ හොඳම පන්දුයැවීම ලෙස සටහන් වන්නේ රාජෂාහි කිංග්ස් කණ්ඩායමට එරෙහිව ලකුණු 29 කට කඩුලු 3 ක් දවාගැනීමයි.

ඩකා ඩයිනමය්ට්ස් කණ්ඩායමේ කඩුලු රකින ක්‍රීඩක කුමාර් සංගක්කාර, උඩපන්දු 3 ක් රැකගනිමින් වැඩිම දවාගැනීම් සංඛ්‍යාවකට දායක වූ ක්‍රීඩකයා ලෙස මේ වන විට ඉදිරියෙන් සිටියි.  

 

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...