. අවධානය තුරඟ තරග පිටියට | කෙළිමඬල
2018 ඔක්තෝබර් මස 15 වැනි සඳුදා
අවධානය තුරඟ තරග පිටියට
2017-11-09 21:10:00 | මොහාන් ප්‍රනාන්දු

අන්තර් සමාජ පළමුපෙළ ඩයලොග් ලීග් රග්බි තරගාවලියේ පළමු වටයේදී පෙරමුණ ගත් හැව්ලොක්ස් ක්‍රීඩා සමාජය හෙට (10) පස්වරු 6.20ට හැව්ලොක්ස් පිටියේ විදුලි ආලෝකධාර මැද ශ්‍රී ලංකා ගුවන් හමුදා ක්‍රීඩා සමාජය සමග තරග බිමට පිවිසෙයි. සිය පළමු තරගයේදී පොලිස් ක්‍රීඩා සමාජයට එරෙහිව ලකුණු 36-0 ක ජයක් අත්කර ගනිමින් මෙවර තරගාවලිය ජයග්‍රාහීව ආරම්භ කළ හැව්ලොක්ස් පිල එම තරගයේදී උත්සාහක දිනුම් 5ක්ම තැබීමට සමත්වීම නිසා අතිරේක ප්‍රසාද ලකුණක් ද සහිතව ලකුණු සටහනේ පෙරමුණේ පසුවන්නේ ලකුණු 6 ක් අත්කර ගනිමිනි.


ප්‍රබල ක්‍රීඩකයන් රැසකගෙන් සැදුම්ලත් හැව්ලොක්ස් පිල හමුවේ හෙට තරග වදින ගුවන් හමුදා කණ්ඩායම සිය පළමු තරගයෙන් සී.ආර්. ඇන්ඩ් එෆ්.සී. ක්‍රීඩා සමාජය ඉදිරියේ ලකුණු 21-9 කින් පරාජයට පත්වූයේ තරගයේ දෙවැනි භාගයේදී දුර්වල ක්‍රීඩා විලාශයක නිරතවීම නිසාය. එම තරගයේ පළමුභාගය නිමාවනවිට ලකුණු 6-3 කින් පෙරමුණ ගත් ගුවන් හමුදා පිලේ ක්‍රීඩකයන් දෙවැනි භාගයේදී අනවශ්‍ය කලබලකාරි ස්වරූපයකින් ක්‍රීඩා කරමින් නීතිවිරෝධී ක්‍රීඩා රටාවක නිරතවීම සී.ආර්.පිලේ වාසියට හේතුවිය. එබැවින් හෙට තරගයේදී සියලු දුර්වලතා මකා දමමින් හැව්ලොක්ස් පිලට අභියෝගයක් එල්ල කිරීම ගුවන් හමුදා පිලේ ක්‍රීඩකයන්ගේ අරමුණ වී තිබේ.


දෙවැනි සති අන්තයේ තරගවලදී කාගෙත් අවධානය දිනාගනු ඇත්තේ හෙට පස්වරු 3.50ට කොළඹ තුරඟ තරග පිටියේ පැවැත්වෙන ශ්‍රී ලංකා යුද හමුදා ක්‍රීඩා සමාජය සහ සී.එච්.ඇන්ඩ් එෆ්.සී.ක්‍රීඩා සමාජය අතර තරගය කෙරෙහිය.


පසුගිය සතියේ දී ශ්‍රී ලංකා නාවික හමුදා පිල හමුවේ ලකුණු 20-14 ක පරාජයක් අත්විඳි යුද හමුදා පිල හෙට තරගයේදී මෙවර තරගාවලියේ සිය පළමු ජයග්‍රහණය වාර්තා කිරිමේ අභිලාෂයෙන් පසුවෙයි. එසේ වුවත් ජයග්‍රහණ පිපාසයෙන් පෙළෙන සී.එච්. කණ්ඩායම පසුගිය සති අන්තයේදී ලීග් රග්බි කිරුලේ වත්මන් ශූර මහනුවර ක්‍රීඩා සමාජය හමුවේ දැක්වූ විශිෂ්ට ක්‍රීඩා රටාව හෙට තරගයේදී යුද හමුදා පිලට දැඩි හිසරදයක් ගෙන දෙනු නිසැකය.


ජාතික කණ්ඩායම නියෝජනය කරන ප්‍රබල ක්‍රීඩකයන් රැසකගෙන් සමන්විත මහනුවර පිල එම තරගය ලකුණු 23-6 කින් ජයගැනීමට දැඩි ආයසයෙන් යුතුව ක්‍රීඩා කිරීමට සිදුවී තිබුණේ මෙවර සී.එච්.පිල පසුගිය වසරේ නැවියන්ගේ කණ්ඩායම ශක්තිමත් කළ ක්‍රීඩකයන් රැසක්ම අත්පත් කරගෙන සිටින බැවිනි.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...