. තේරීම ගැන විමර්ශනයක් ඉල්ලයි | කෙළිමඬල
2018 ජූනි මස 22 වැනි සිකුරාදා
තේරීම ගැන විමර්ශනයක් ඉල්ලයි
2017-11-09 21:37:52 | නාමල් පතිරගේ

ජාතික දැල්පන්දු පුහුණුකරු ධුරයට සුදුස්සෙකු තෝරාගැනීම සඳහා පැවැති සම්මුඛ පරීක්ෂණයේ විනිවිදභාවය පිළිබඳව විමර්ශනයක් කරන ලෙස ඉල්ලා ඊට අයැදුම් කළ හිටපු ජාතික දැල්පන්දු පුහුණු කාරිනියක් වන හයිසින්ත් විජේසිංහ මහත්මිය ක්‍රීඩා ඇමැති දයාසිරි ජයසේකර මහතා වෙත අභියාචනයක් භාරදී තිබේ.


ඒ සඳහා කැඳවූ අවසන් සම්මුඛ පරීක්ෂණය පසුගිය අඟහරුවාදා (7 වැනිදා) පැවැත්වීමට ශ්‍රී ලංකා දැල්පන් සම්මේලනය කටයුතු කළේය. ඒ සඳහා හයිසින්ත් විජේසිංහ මහත්මිය හැරෙන්නට බෲනාහි රාජ්‍යයේ ජාතික දැල්පන්දු පුහුණුකාරිණිය ලෙස කටයුතු කළ තිලකා ජිනදාස මෙනවිය හා හිටපු ජාතික දැල්පන්දු නායිකාවක් වන සොමිතා කුමාරි අල්විස් යන මහත්මියද පෙනී සිටියහ.


අවසන් සම්මුඛ පරීක්ෂණයයේදී වැඩිම ලකුණු ලබා ගත් බව කියන තිලකා ජිනදාස මෙනවිය නව ජාතික දැල්පන්දු පුහුණුකාරිනි ලෙස නිර්දේශ කිරීමට දැල්පන්දු සම්මේලනය තීරණය කර ඇතැයිද වාර්තාවේ. ඒ සඳහා ක්‍රීඩා ඇමැතිවරයාගේ අනුමැතිය ලැබීමෙන් පසුව අදාළ පත්වීම බලාත්මක වේ. හයිසින්ත් විජේසිංහ මහත්මිය සිය විරෝධතාව මගින් කියා ඇත්තේ අවසන් සම්මුඛ පරීක්ෂණය පැවැත්වීමේ විිනිවිද භාවය පිළිබඳව තමන්ට සෑහීමකට පත්විය නොහැකි බවය.


එහිදී ඇය සිය අභියාචනාවන් අවධාරණය කර ඇත්තේ ජාතික පුහුණුකාරිනිය නිර්දේශ කර ගැනීමේ ක්‍රමවේදය පිළිබඳව දැල්පන්දු සම්මේලනය අයදුම්කාරියන් දැනුම්වත් කර නොතිබූ බවත් ඔවුන්ගේ අතීතයට බලපාන සුසුකම් ගැනිය යුත්තේ වසර පහක පමණක් වන කාලයකට වුවත් දැල්පන්දු සම්මේලනය එය වසර 10 ක් දක්වා වන පරිදි සඳහා බැලීමට තීරණය කිරීමෙන් ඇතැම් අයැදුම්කාරියන්ට වාසිදායක තත්ත්වයක් නිර්මාණය වීමට එය හේතුවක් වූ බවත්ය.


ඒ අතර දැල්පන්දු සම්මේලනයේ සභාපතිනිය අවසන් සම්මුඛ පරීක්ෂණය මෙහෙයවීමට ඍජුවම සම්බන්ධවූ බවත් එහිදී ඇය චෝදනා කර තිබේ. ලබන වසරේ සැප්තැම්බර් මාසයේදී පැවැත්වෙන ආසියානු දැල්පන්දු ශූරතාවලියට සහභාගි කරන ශ්‍රී ලංකා කණ්ඩායම සූදානම් කිරිම නව පුහුණුකාරිනියට පැවරෙන මූලික වගකීමයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...