. ෂෙහාන්ට සති 4 ක තරග තහනමක් | කෙළිමඬල
2017 නොවැම්බර් මස 20 වැනි සඳුදා
ෂෙහාන්ට සති 4 ක තරග තහනමක්
2017-11-11 13:51:45 | .

පසුගිය සති අන්තයේ ආරම්භ වූ අන්තර් සමාජ පළමුපෙළ ඩයලොග් ලීග් රග්බි තරගාවලියේ සී.එච්. ඇන්ඞ් එෆ්.සි.ක්‍රීඩා සමාජය සමග කොළඹ තුරඟ තරග පිටියේ පැවැති තරගය අතරතුර ප්‍රතිවාදී පිලේ අංක අට ක්‍රීඩක චතුර ඩිල්ෂාන්ට රෝහල්ගතවීමට හේතුවූ පා පහර එල්ල කළ මහනුවර ක්‍රීඩා සමාජයේ තුන්වැනි පෙළ ක්‍රීඩක ශෙහාන් පතිරණට සති හතරක තරග තහනමක් පැනවීමට ශ්‍රී ලංකා රග්බි ආයතනය තීරණය කළේය. 

 
එම තරගයේ 10 වැනි මිනිත්තුවේදී පන්දුව හඹා යද්දී ශෙහාන් පතිරණ පන්දුවට එල්ල කළ වේගවත් පහරක් චතුර ඩිල්ෂාන්ගේ මුහුණේ වැදීමෙන් ඔහු රෝහල්ගත කිරීමට සිදුවී තිබිණි. ඩිල්ෂාන්ගේ මුවට දැඩි තුවාල සිදුවී ඇති අතර මැහුම් 32ක් දැමිමට සිදුවී තිබීණි. මේ හේතුවෙන් ඔහුට ලීග් තරගාවලියේ පළමු වටයේ කිසිදු තරගයකට ක්‍රීඩා කිරීමේ අවස්ථාව ලැබෙන්නේ නැත. 
 
ශෙහාන් පතිරණට අමතරව එම තරගයේදීම නීති විරෝධී⁣ ලෙිසන් ක්‍රීඩාවේ නිරතවූ සී.එච්. පිලේ ෆ්ලැන්කර් ක්‍රීඩක කාංචන ලක්ෂිත ප්‍රතිවාදී ක්‍රීඩකයකු තල්ලු කිරීමේ වරද හේතුවෙන් සති දෙකක තරග තහනමක් පැනැවීමට ද රග්බි ආයතනය පියවර ගත්තේය.
 
මීට අමතරව සී.ආර් ඇන්ඞ් එෆ්.සී. ක්‍රීඩා සමාජයේ නායක කවිඳු පෙරේරාට සති 3ක තරග තහනමක් පනවා තිබේ. ඔහුට මේ තහනමට මුහුණපෑමට සිදුවූයේ ගුවන් හමුදා පිල සමග පසුගිය සතියේ රත්මලානේ පැවැති තරගය අතරතුර ගුවන් හමුදා පිලේ වින්ග් ක්‍රීඩක අමිල බණ්ඩාරට නීතිවිරෝධී හා දරුණු ටැක්ල් කිරීමක් සිදු කළ නිසාය. 
 
ඒ අනුව ලීග් තරගාවලියේදී ශෙහාන් පතිරණට තරග 4ක් ද, කවිඳු පෙරේරාට තරග 3ක් ද, කාංචන ලක්ෂිතට තරග 2ක් ද අහිමිවනු ඇත
 
තම තරග තහනමට එරෙහිව අභියාචනා ඉදිරිපත් කිරීමට ඉහත කී ක්‍රීඩකයන්ට අවස්ථාව ලැබී තිබේ. 

රග්බි ආයතනයේ තරග නිලධාරී අරුණ ජයසේකර මහතා මේ තරගාවලියේ පශ්චාත් තරග විශ්ලේෂක ලෙස කටයුතු කරමින් මේ තීරණ ගෙන තිබේ.

- 077


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අසේල ඉදිරියේ තවත් කඩුල්ලක්...
2017-11-13 21:06:52
ශ්‍රී ලංකා මැද පෙළ පිතිකරු මෙන්ම තුන් ඉරියව් ක්‍රීඩක අසේල ගුණරත්න මේ වන විට සුවය ලබා ඇතත් ඔහු ශ්‍රී ලංකා කණ්ඩායමට එක්වීමට පෙර ...
ලක්මාල් ඉන්දියාව අමාරුවේ දමයි...
2017-11-16 12:42:20
සුරංග ලක්මාල්ගේ අති විශිෂ්ට පන්දු යැවීම හේතුවෙන් කොල්කටාහි ඊඞ්න් ගාර්ඞ්න් ක්‍රීඩාංගණයේදී අද (16 වැනිදා) ආරම්භ වූ පළමු ටෙස්ට් තරගයේදී ඉ...
ලෝක කුසලාන තරගාවලියෙන් ඉතාලිය ඉවතට...
2017-11-14 20:22:48
වසර 60 කට පසුව පාපන්දු ලෝක කුසලාන තරගාවලියෙන් ඉතාලිය ඉවතට විසිවී තිබේ. ස්වීඩන් පිලට එරෙහිව ඉතාලියේ මිලාන් නුවරදී පැවැති ලෝක කුසලාන සුදුසුක...
දෙවැනි දිනයටත් වැස්සෙන් බාධා...
2017-11-17 17:00:09
ශ්‍රී ලංකාව සහ ඉන්දියාව අතර කොල්කටා ඊඞ්න් ගාර්ඞ්න් ක්‍රීඩාංගණයේදී පැවැත්වෙන පළමු ටෙස්ට් තරගයේ දෙවැනි දිනය වූ අද (17 වැනිදා) වර...