. රාජෂායි කිංග්ස් පිලට කඩුලු 8 ක ජයක් | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
රාජෂායි කිංග්ස් පිලට කඩුලු 8 ක ජයක්
2017-11-11 21:09:45 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ රාංපූර් රයිඩර්ස් කණ්ඩායම සහ රාජෂායි කිංග්ස් කණ්ඩායම අතර ෂිලාත්හිදී අද (11 වැනිදා) පැවැති තරගයෙන් කඩුලු 8 ක පහසු ජයක් අත්කර ගැනීමට රාජෂායි කිංග්ස් කණ්ඩායම සමත් විය. ජයග්‍රහණය සඳහා ලකුණු 135 ක ඉලක්කයක් හඹා ගිය රාජෂායි කිංග්ස් කණ්ඩායම පන්දු 20 ක් ඉතිරිව තිබියදී කඩුලු 2 ක් පමණක් දැවී එම ඉලක්කය පසුකර ගියේය.

එහිදී පළමු කඩුල්ල වෙනුවෙන් පන්දු 92 කදී ලකුණු 122 ක සම්බන්ධතාවක් ගොඩනැගූ ලෙන්ඞ්ල් සිමන්ස් (53) සහ මොමිනුල් හක් (නොදැවී 63) රාජෂායි කණ්ඩායමේ ජයග්‍රහණය ඉක්මන් කළහ. පන්දු 50 කදී වාර්තා වූ සිමන්ස්ගේ අර්ධ ශතකයට හයේ පහරක් සහ හතරේ පහර 4 ක් ඇතුළත් වූ අතර පන්දු 44 කදී වාර්තා වූ මොමිනුල්ගේ ඉනිමට හයේ පහර 3 ක් සහ හතරේ පහර 4 ක් ඇතුළත් විය.

සිමන්ස් දුවද්දි දවාගැනීමකට හසුකරගැනීමට තිසර පෙරේරා සමත් වීමත් සමග එම සම්බන්ධතාව නිමාවට පත් විය. ඕවර 2 ක් යැවූ තිසර පෙරේරා ලකුණු 12 කට කඩුල්ලක් දවාගත් අතර ඕවර 3 ක් යැවූ ලසිත් මාලිංගට ලකුණු 30 ක් ලබාදුන්නද කඩුල්ලක් දවාගැනීමට නොහැකි විය.

පළමුවෙන් පන්දුවට පහරදුන් රාංපූර් රයිඩර්ස් වැඩිම ලකුණු ලාභියා බවට පත් වූ රවී බොපාරා පන්දු 51 කදී නොදැවී ලකුණු 54 ක් රැස්කළේ හයේ පහර 2 ක් සහ හතරේ පහර 3 ක් සමගිනි. රාංපූර් ඉනිම ගොඩනැගීම සඳහා ඔහුට අනගි සහායක් දුන් ශරියර් නෆීස් හතරේ පහර 2 ක් සමගින් ලකුණු 23 ක්ද, මොහොමඞ් මිතුන් හයේ පහරක් සහ හතරේ 2 ක් සමගින් ලකුණු 18 ක්ද රැස්කළහ.

රාංපූර් රයිඩර්ස් පිල - ඕවර 20 කදී කඩුලු 5 කට 134
(මොහොමඞ් මිතුන් 18, රවී බොපාරා නොදැවී 54, ශරියර් නෆීස් 23, ෆරහද් රාසා 28/2)

රාජෂායි කිංග්ස් පිල - ඕවර 16.4 කදී කඩුලු 2 කට 138
(ලෙන්ඞ්ල් සිමන්ස් 53, මොමිනුල් හක් නොදැවී 63)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...