. මහනුවර ක්‍රීඩකයෝ පොලිසියට තලති | කෙළිමඬල
2018 සැප්තැම්බර් මස 18 වැනි අගහරුවාදා
මහනුවර ක්‍රීඩකයෝ පොලිසියට තලති
2017-11-12 11:14:22 | .

තිළිණ විජේසිංහගේ උත්සාහක දිනුම් ත්‍රිත්වයත්, ගෝල ප්‍රවර්ථන හතරත් නිසා පොලිස් ක්‍රීඩා සමාජය එහෙම පිටින්ම බිමට සමතලා කළ මහනුවර ක්‍රීඩා සමාජය අන්තර් සමාජ පළමුපෙළ ඩයලොග් ලීග් රග්බි තරගාවලියේ සිය දෙවැනි තරගයෙන් ලකුණු 43-11ක ජයක් වාර්තා කිරීමට සමත්විය.

පොලිස් පිටියේ පැවැති මේ තරගයේ ආරම්භයේ සිටම පෙරළිකාර ක්‍රීඩා විලාශයක නිරතවූ මහනුවර පිලේ ෆුල්බෑක් ක්‍රීඩක තිළිණ විජේසිංහ සිය කණ්ඩායමේ පළමු උත්සාහක  දිනුම් තුනම තැබීමට සමත්වූයේය. තරගය පුරා කන්ද උඩරට කණ්ඩායම තැබූ උත්සාහක දිනුම් 7 න් හතරක්ම ගෝල බවට ප්‍රවර්ථනය කරමින් මෙවර තරගාවලියේ වැඩිම ලකුණු රැස් කළ ක්‍රීඩකයා බවට පත්වූ විජේසිංහ සිය පෞද්ගලික ලකුණු සංඛ්‍යාව 36 දක්වා ඉහළ දමාගත්තේය. 

පළමු භාගය නිමාවෙද්දී ලකුණු 31-6 කින් පෙරමුණ ගත් මහනුවර ක්‍රීඩකයෝ ජයග්‍රහණයෙන් තරගය නිමාකරගනිද්දී ගෝල් 4 කට සහ උත්සාහක දිනුම් 3කට හිමිකම් කී අතර පොලිස් ක්‍රීඩා සමාජයට රැස් කිරීමට හැකිවූයේ උත්සාහක දිනුමක්, ඩ්‍රොප් ගෝලයක් සහ දඬුවම් පහරක් පමණි.

තරගයේ තුන්වැනි මිනිත්තුවේදී තිළිණ විජෙසිංහ තැබූ උත්සාහක දිනුම ඔහු විසින්ම ගෝලයක් බවට පත් කිරීමට දැරූ උත්සාහය ව්‍යවර්ථ වූවත් ලකුණු 5-0 කින් පෙරමුණ ගැනීමට මහනුවර පිල සමත්විය. අනතුරුව 17 වැනි මිනිත්තුවේදී ඔහු සිය දෙවැනි උත්සාහයක දිනුම තැබීමට සමත්වූ අතර එය ගෝලයක් බවට ප්‍රවර්ථනය කරමින් සිය කණ්ඩායම ලකුණු 12-0 කින් ඉදිරියට ගෙන ගියේය. 

ඊට මිනිත්තු පහකට පසුව සංදේශ් ජයවික්‍රම දඬුවම් පහරක් සාර්ථක කරමින් පොලිස් ක්‍රීඩා සමාජයට ලකුණු 3ක් ලබා දීමට සමත්වූ අතර 26 වැනි මිනිත්තුවේදී උත්පල එදිරිසිංහ විශිෂ්ට අයුරින් එල්ල කළ ඩ්‍රොප් ගෝලයත් සමග පොලිස් පිලේ ලකුණු සංඛ්‍යාව 6 දක්වා ඉහළ ගියේය. එම ඩ්‍රොප් ගෝලය මෙවර තරගාවලියේ වාර්තා වූ පළමු වැන්න විය.

මහනුවර පිලේ උත්සාහක දිනුම් වර්ෂාවට ප්‍රබල සාධකය  බවට පත්වූ ඉතා නිවැරැදි අයුරින් සාමුහික පන්දු පිරිනැමීම අද තරගයේදී ඉහළින්ම කැපී පෙනුණු අතර 27 වැනි මිනිත්තුවේදී තිළිණ සිය තුන්වැනි  උත්සාහක දිනුමක් තැබූවේ එවැනිම තරග රටාවකිනි. එය සාර්ථකව ගෝලයක් බවට ප්‍රවර්ථනය කළ ඔහු මහනුවර පිල ලකුණු 19-6කින් ඉදිරියට ගෙන ගියේය. 

අනතුරුව 32 වැනි මිනිත්තුවේදී රිචඞ් ධර්මපාල පහසු උත්සාහක දිනුමක් තැබීමට සමත්වූයේ සිය කණ්ඩායම ලකුණු 24කින් ඉහළට ඔසවා තබමිනි. එවර එය ගෝලයක් බවට ප්‍රවර්ථනය කිරීමේ අවස්ථාව තිළිණ වෙතින් ගිලිහී ගියේය. එහෙත් ඊට මිනිත්තු 3කට පසුව ජේසන් දිසානායක තැබූ උත්සාහක දිනුමක් ගෝලයක් බවට ප්‍රවර්ථනය කිරීමට තිළිණ සමත්වීමෙන් පසුව පළමු භාගය නිමාවට පත්වූයේ ලකුණු 31-6කින් මහනුවර පිල ඉදිරියට තබමිනි. 

දෙවැනි භාගයේ 57 වැනි මිනිත්තුවේදී ධනුෂ්ක රන්ජන් අනගි උත්සාහක දිනුමක් තැබූ අතර එය ගෝලයක් බවට ප්‍රවර්ථනය කළ තිළිණ ලකුණු 38-6කින් මහනුවර පිල ඉහළට ඔසවා තැබුවේය. මහනුවර පිලේ 7 වැනි උත්සාහක දිනුම වාර්තා වූයේ 64 වැනි මිනිත්තුවේදීය. ලවංග පෙරේරා තැබූ එම උත්සාහක දිනුම එවර ගෝලයක් බවට ප්‍රවර්ථනය කිරීමට අර්ෂද් ජමාල්ඩීන් සමත්වූයේ නැත. 

තරගයේ 70 වැනි මිනිත්තුවේදී පොලිස් පිලේ ලකූණු අහේනිය නිමා කරමින් හෂාන් ප්‍රනාන්දු උත්සාහක දිනුමක් තැබීමට සමත්වූවත් මහනුවර පිලේ ජයග්‍රහණයට අභියෝග කිරීමට එය කොහෙත්ම ප්‍රමාණවත් වූයේ නැත. 

- 077

තරගාවලියේ විශේෂ අවස්ථා 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...
ආසියානු ශූරියෝ හෙට එති...
ජයවේවා... දැන් අපේ ක්‍රිකට් කණ්ඩායමටත් වෙන්නේ ඔබලාව ආදර්ශයට ගන්නයි. ඔබලා සියලු දෙනාට තවතවත් ධෛර්යය, ශක්තිය සහ ජයග්‍රහණ ලැබේවා......
මාව ගෙනාවට ට්‍රික්සි මිස්ට ප්‍රශ්න ඇති කළා ...
අවංකව ඉතා ආඞම්බර වෙම්. ඔබ සැම දෙනා දක්වු දස්කම් ඉතා ඉහලින්ම අගය කරමි. ඉදිරි අනාගතයේ ලෝක ශැරතාවය දිනා ඹබේ දස්කම් මුලුලොවටම පෙන්විමට හැකිවේවායි මුලු හද...