. කුල්නා ටයිටන්ස් පිලට ලකුණු 18 ක ජයක් | කෙළිමඬල
2018 දෙසැම්බර් මස 10 වැනි සඳුදා
කුල්නා ටයිටන්ස් පිලට ලකුණු 18 ක ජයක්
2017-11-13 15:30:41 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ චිතගොංග් වයිකින්ස් කණ්ඩායම සහ කුල්නා ටයිටන්ස් කණ්ඩායම අතර ඩකාහිදී ඊයේ (12 වැනිදා) පැවැති තරගයෙන් ලකුණු 18 ක ජයක් අත්කර ගැනීමට කුල්නා ටයිටන්ස් කණ්ඩායම සමත් විය. 

ජයග්‍රහණය සඳහා ලකුණු 171 ක ඉලක්කයක් හඹා ගිය චිතගොංග් වයිකින්ස් පිතිකරුවන්ට අබූ ජයේද් ප්‍රමුඛ කුල්නා පන්දු යවන්නන්ගේ දක්ෂ පන්දුයැවීම හමුවේ ඕවර 20 අවසානයේ කඩුලු 7 ක් දැවී රැස්කරගත හැකි වූයේ ලකුණු 152 ක් පමණි. 

එහිදී දක්ෂ පන්දු යැවීමක නිතර වූ අබූ ජයේද් ලකුණු 35 කට කඩුලු 4 ක් දවාගැනීමට සමත් වූ අතර චිතගොංග් කණ්ඩායමේ ජයග්‍රහණයේ මාවත අවහිර කිරීම සඳහා ඔහුට අනගි සහායක් දුන් ජොෆ්‍රා ආචර්, ශයිෆුල් ඉස්ලාම් සහ කාර්ලෝස් බ්‍රැත්වේට් කඩුල්ල බැගින් දවාගත්හ. 

චිතගොංග් ඉනිමේ වැඩිම වැඩිම ලකුණු ලාභියා බවට පත් වූ සිකන්දර් රාසා පන්දු 27 කදී හයේ පහරක් සහ හතරේ පහර 4 ක් සමගින් ලකුණු 37 ක් රැස්කළ අතර මිස්බා උල් හක් හයේ පහරක් සහ හතරේ පහරක් සමගින් ලකුණු 30 ක්ද, ලුයිස් රීස් හයේ පහරක් සහ හතරේ පහරක් සමගින් ලකුණු 22 ක්ද රැස්කළහ. පන්දු 5 කට මුහුණදුන් ඩිල්ෂාන් මුණවීරට හයේ පහරක් සහ හතරේ පහරක් සමගින් රැස්කරගත හැකිවූයේ ලකුණු 10 ක් පමණි. 

පළමුවෙන් පන්දුවට පහරදුන් චිතගොංග් වයිකින්ස් කණ්ඩායමේ 6 වැනි කඩුල්ල වෙනුවෙන් පන්දු 21 කදී ලකුණු 55 වේගවත් සම්බන්ධතාවක් ගොඩනැගීමට අරිෆුල් හක් (40) සහ කාර්ලෝස් බ්‍රැත්වේට් (30) සමත් වූහ. පන්දු 25 කදී වාර්තා වූ අරිෆුල් හක්ගේ ඉනිමට හයේ පහර 4 ක් සහ හතරේ පහරක් ඇතුලත් වූ අතර පන්දු 14 කදී වාර්තා වූ බ්‍රැත්වේට්ගේ ඉනිමට හයේ පහර 3 ක් සහ හතරේ පහර 2 ක් ඇතුළත් විය. 

චිතගොංග් කණ්ඩායම වෙනුවෙන් නායකත්වයේ ඉනිමක් ක්‍රීඩා කළ මහමදුල්ලා පන්දු 33 කදී ලකුණු 40 ක් රැස්කළේ හයේ පහර 2 ක් සහ හතරේ පහර 2 ක් සමගිනි. චිතගොංග් ඉනිම ගොඩනැගීම සඳහා ඔහුට අනගි සහායක් දුන් රිලී රූසොව් හයේ පහර 2 ක් සමගින් ලකුණු 25 ක් රැස්කළේය. 

ලකුණු 43 කට කඩුලු 3 ක් දවාගත් ටස්කින් අහමඞ් එහිදී කුල්නා ටයිටන්ස් කණ්ඩායම වෙනුවෙන් පන්දුවෙන් දස්කම් දැක්වූ අතර සුන්සමුල් ඉස්ලාම් ලකුණු 20 කට කඩුලු 2 ක් දවාගත්තේය. 

කුල්නා ටයිටන්ස් පිල - ඕවර 20 කදී කඩුලු 7 කට 170 
(රිලී රූසොව් 25, මහමදුල්ලා 40, අරිෆුල් හක් 40, කාර්ලෝස් බ්‍රැත්වේට්, ටස්කින් අහමඞ් 43/3, සුන්සමුල් ඉස්ලාම් 20/2) 

චිතගොංග් වයිකින්ස් පිල - ඕවර 20 කදී කඩුලු 7 කට 152  
(එනමුල් හක් 18, මිස්බා උල් හක් 30, සිකන්දර් රාසා 37, ලුයිස් රීස් 22, අබු ජයේද් 35/4) 

-036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
නවසීලන්තය කඩුලු 7 කට 229 යි...
2018-12-03 20:00:03
පාකිස්තානයට එරෙහිව ඩුබායිහි ශෙයික් සයිඞ් ක්‍රීඩාංගණයේදී පැවැත්වෙන තෙවැනි ටෙස්ට් තරගයේ පළමු දිනය වූ අද (3 වැනිදා) තරගය නතර කරන විට පන්ද...