. පාකිස්තානයට කඩුලු 3 ක ජයක් | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
පාකිස්තානයට කඩුලු 3 ක ජයක්
2017-11-13 16:38:04 | .

ශ්‍රී ලංකාව සහ පාකිස්තානය අතර මැලේසියාවේ ක්වාලාලාම්පූර් නුවරදී අද (13 වැනිදා) පැවැති වයස 19 න් පහළ ආසියානු කුසලාන ක්‍රිකට් තරගාවලියේ ‘බී’ කාණ්ඩයේ තරගයෙන් කඩුලු 3 ක ජයක් අත්කර ගැනීමට පාකිස්තාන කණ්ඩායම සමත් විය. ජයග්‍රහණය සඳහා ලකුණු 142 ක ඉලක්කයක් හඹාගිය පාකිස්තාන පිතිකරුවෝ ඕවර 32.1 ක් අවසානයේ කඩුලු 7 ක් දැවී එම ඉලක්කය පසුකර ගියහ. 

මුල් පෙළ පිතිකරුවන් අසාර්ථක වෙද්දී සාඞ් ඛාන් (22) සමග එක්ව 5 වැනි කඩුල්ල වෙනුවෙන් පන්දු 78 කදී ලකුණු 54 ක සම්බන්ධතාවක් ගොඩනැගූ රොහේල් නසීර් (48) පාකිස්තාන කණ්ඩායම ජයග්‍රහාහී මාවත වෙත යොමු කළේය. පන්දු 58 කදී වාර්තා වූ නසීර්ගේ ඉනිමට හයේ පහර 2 ක් සහ හතරේ පහර 4 ක් ඇතුළත් වූ අතර ප්‍රවීන් ජයවික්‍රමගේ පන්දුවක් කඩුල්ලේ වැදීම නිසා ඔහුට අර්ධ ශකතකය පෙනි පෙනී පිටියෙන් ඉවත් වීමට සිදුවිය. 

දක්ෂ පන්දු යැවීමක නිරත වූ වමතින් දඟ පන්දුයවන ක්‍රීඩක ප්‍රවීන් ජයවික්‍රම ලකුණු 28 කට කඩුලු 4 ක් දවාගැනීමට සමත් වුවද, ශ්‍රී ලංකා කණ්ඩායම පරාජයෙන් ගළවා ගැනීමට ඔහුට නොහැකි විය. 

කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකා කණ්ඩායමේ පිතිකරුවන් 6 දෙනෙක්ම ලකුණු 10 සීමාව ඉක්මවා යෑමට පෙර ආපසු ක්‍රීඩාගාරය වෙත හරවා යැවීමට පාකිස්තාන පන්දු යවන්නෝ සමත් වූහ. එහිදී මුනීර් රියාස් සහ මුහම්මද් මූසා කඩුලු 3 බැගින් දවාගනිමින් ශ්‍රී ලංකා ඉනිම සුනුවිසුණු කර දැමූ අතර ඔවුන්ට අනගි සහායක් දුන් ශාහීන් අෆ්රිඩි ලකුණු 19 කට කඩුලු 2 ක් දවාගත්තේය. 

ශ්‍රී ලංකා ඉනිමේ වැඩිම ලකුණු ලාභියා බවට පත් වූ අෂේන් බණ්ඩාර පන්දු 95 කදී හතරේ පහර 4 ක් සමගින් ලකුණු 49 ක් රැස්කළ අතර මුනීර් රියාස්ගේ පන්දුවක් කඩුල්ලේ වැදීම නිසා ඉතා අවාසනාවන්ත ලෙස අර්ධ ශතකයට ලකුණක් මෙපිටින් සිටියදී දැවී ගියේය. බණ්ඩාර හැරුණු කොට ලකුණු 15 සීමාව ඉක්මවා ගිය එක පිතිකරුවා වූ කෙවින් කොත්තිගොඩ හතරේ පහර 2 ක් සමගින් ලකුණු 20 ක් රැස්කළේ පන්දු 35 කට මුහුණ දෙමිනි. 

ශ්‍රී ලංකා යොවුන් පිල - ඕවර 49.4 කදී සියලු දෙනා දැවී 141 
(අෂේන් බණ්ඩාර 49, නුවනිඳු ප්‍රනාන්දු 14, කෙවින් කොත්තිගොඩ 20, මුහම්මද් මූසා 25/3, මුනීර් රියාස් 30/3, ශාහීන් අෆ්රිඩි 19/2)  

පාකිස්තාන යොවුන් පිල - ඕවර 32.1 කදී කඩුලු 7 ක් දැවී 142 
(මොහොමඞ් තාහා 31, රොහේල් නසීර් 48, සාඞ් ඛාන් 22, ප්‍රවීන් ජයවික්‍රම 28/4) 

(ඡායාරූප -  ආසියානු ක්‍රිකට් සභාවේ නිල වෙබ්අඩවිය අනුග්‍රහයෙනි)

 

-036 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...