. බොක්සිං තරගාවලියට ඉන්දියා යති | කෙළිමඬල
2017 දෙසැම්බර් මස 11 වැනි සඳුදා
බොක්සිං තරගාවලියට ඉන්දියා යති
2017-11-16 17:31:06 | ශානුක අරවින්ද

මේ මස 19 වැනිදා සිට 26 වැනිදා දක්වා ඉන්දියාවේ ගුවහටි නගරයේදී පැවැත්වෙන යොවුන් (බාලිකා) බොක්සිං ශූරතාවලියේදී ශ්‍රී ලංකාව නියෝජනය කිරීම සඳහා මධුමාලි ප්‍රියදර්ශනී සහ සෙව්වන්දි ප්‍රනාන්දු සුදුසුකම් ලබා සිටිති.  ආසියානු බොක්සිං සංගමය සංවිධානය කරන මෙම තරගාවලිය සඳහා ලොව වටා රටවල් 38 ක් නියෝජනය කරමින් ක්‍රීඩිකාවන් 200 ක් පමණ සහභාගි වන අතර එහිදී ඔවුන් පදක්කම් 40 ක් සඳහා තරග වදිති.
 
මෙම තරගාවලිය ලබන වසරේ (2018) ආජන්ටිනාවේදී පැවැත්වෙන යොවුන් ඔලිම්පික් තරගාවලිය සඳහා සුදුසුකම් ලබාගැනීමේ තරගාවලියක් ලෙසද හැදින්වේ.

පල්ලේබෝවල මහ විදුහලේ ශිෂ්‍යාවක් වන මදුමාලි ප්‍රියදර්ශනී කිලෝ ග්‍රෑම් 45-48 බර පංතිය යටතේද, කෑගලු මහ විදුහලේ ශිෂ්‍යාවක් වන සෙව්වන්දි ප්‍රනාන්දු කිලෝ ග්‍රෑම් 48-51 බර පංතිය යටතේද මෙම තරගාවලියට සහභාගි වෙති. මෙම ක්‍රීඩිකාවන් දෙදෙනාම තවමත් 17 වැනි වියේ පසුවෙති.

සෙව්වන්දි සහභාගිවන පළමු ජාත්‍යන්තර තරගාවලිය මෙය වන අතර මදුමාලි සහභාගිවන දෙවැනි ජාත්‍යන්තර තරගාවලිය මෙයයි. මේ වසරේ බහමාස්හිදී පැවැති යොවුන් පොදුරාජ්‍ය මණ්ඩලයීය බොක්සිං තරගාවලිය මදුමාලි සහභාගි වූ පළමු ජාත්‍යන්තර තරගාවලිය වූ අතර එහිදී නවසීලන්ත ක්‍රීඩිකාවක් හමුවේ පරාජයට පත්වීම නිසා ඇයට මූලික වටයෙන්ම ඉවත් වීමට සිදුවූවාය.

 

මධුමාලි ප්‍රියදර්ශනී

සෙව්වන්දි ප්‍රනාන්දු

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පිතිකරුවෝ ශ්‍රී ලංකාව බේරාගනිති...
2017-12-06 16:00:46
ඉන්දියාවට එරෙහිව දිල්ලිහි ෆෙරෝස්ශා කොට්ලා ක්‍රීඩාංගණයේදී පැවැති තෙවැනි ටෙස්ට් තරගය ජය පරාජයෙන් තොරව අවසන් කරගැනීමට ශ්‍රී ලංකාව අද ...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
චන්දිමාල්-මැතිව්ස්ගෙන් ශ්‍රී ලංකා ඉනිමට මුක්කුවක්...
2017-12-04 16:00:45
ඉන්දියාවට එරෙහිව ෆෙරෝස් ෂා කෝට්ලා ක්‍රීඩාංගණයේදී පැවැත්වෙන දෙවැනි ටෙස්ට් ක්‍රිකට් තරගය තෙවැනි දිනය (4 වැනිදා) සඳහා නතර කරන විට පළම...
චන්දිමාල් - මැතිව්ස් ඉහළ නගිති...
2017-12-07 17:31:49
අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව ටෙස්ට් පිතිකරුවන් අතර 9 වැනි ස්ථානය දක්වා ඉහළ නැගීමට ශ්‍රී ලංකා ටෙස්...