. ‘පූනේ සුපර්ක්‍රොස්’ තරගාවලියට තිදෙනෙක් යති | කෙළිමඬල
2019 මැයි මස 19 වැනි ඉරිදා
‘පූනේ සුපර්ක්‍රොස්’ තරගාවලියට තිදෙනෙක් යති
2017-11-16 18:28:30 | ශානුක අරවින්ද

ඉන්දියවේ පූනේ නගරයේදී හෙට (17 වැනිදා) අරම්භවන ‘පූනේ සුපර්ක්‍රොස්’ ජාත්‍යන්තර යතුරුපැදි තරගාවලිය සඳහා ශ්‍රී ලංකා ක්‍රීඩකයෝ තිදෙනෙක් සහභාගී වෙති. දින තුනක් පුරා පැවැත්වෙන මෙම තරගාවලිය අනිද්දා (19 වැනිදා) අවසන් වේ.

මේ වසරේ (2017) ජාතික යතුරුපැදි ශූරයා බවට පත්වූ ඉෂාන් දසනායක, හිටපු ජාතික යතුරුපැදි ශූරයකු වන ගයාන් සඳරුවන් සහ නැගී එන ලාබාල යතුරුපැදි ශූර ඩී.එම්.ඩී. කල්හාර මෙම තරගාවලියට සහභාගීවන ශ්‍රී ලංකා ක්‍රීඩකයෝ වෙති.

මෙම තරගාවලිය සඳහා පී.බී. රේසිං, ටීම් ග්‍රීෂ්ම්, ඉන්ක් රේසිං, ලිලේරියා මොටෝක්‍රොස්, පශන්කර් රේසිං, ස්ටැලියන් රයිඩර්ස්, භල්ලා රෝයල් යන කණ්ඩායම් 7 තරග වදින අතර ඉන්දීය යතුරුපැදිකරුවෝ 55 දෙනෙක් සහ විදෙස් යතුරුපැදිකරුවෝ 9 දෙනෙක් එම කණ්ඩායම් 7 ට ඇතුළක්ව සිටිති.

එහිදී ඉෂාන් දසනායක ‘පී.බී. රේසිං’ කණ්ඩායමට ක්‍රීඩා කරන අතර සරත් මෝහන්, කරන් කාර්ලි, වෙන්කටේෂ් ෂෙට්ටි, ප්‍රින්ස් මනින්දර්, වී.එස්. නරේෂ් සහ ඇන්තනී රේනාඞ් එම කණ්ඩායමට ඇතුළත්ව සිටින සෙසු ක්‍රීඩකයෝ වෙති.

ගයාන් සඳරුවන් සහ ඩී.එම්.ඩී. කල්හාර ‘ටීම් ග්‍රීෂ්ම්’ කණ්ඩායමට ඇතුළත්ව සිටින අතර විෂාල් සන්ග්‍රා, ජාවෙඞ් ශායිඛ්, ආර්.ඊ. රාජේන්ද්‍ර, සචින් ඝෝපාද් සහ කෙරීම් ෆිට්ස් යන ක්‍රීඩකයෝද එම කණ්ඩායමට ක්‍රීඩා කරති.

මෙම තරගාවලියේදී එස්. එක්ස්. කාණ්ඩය යටතේ විදෙස් තරගකරුවන් සඳහාද, එස්.එක්ස්. 1 කාණ්ඩය යටතේ ඉන්දීය වෘත්තීමය තරගකරුවන් සඳහාද තරග පැවැත්වෙන අතර එස්.එක්ස්. 2 කාණ්ඩය යටතේ ඉන්දීය ආධුනික තරගකරුවන් සඳහාද, එස්.එක්ස්. 3 කාණ්ඩය යටතේ ඉන්දීය ප්‍රවීණ තරගකරුවන් සඳහාද, එස්.එක්ස්. ජේ. කාණ්ඩය යටතේ කනිෂ්ඨ තරගකරුවන් සඳහාද තරග පැවැත්වේ.

ඉෂාන් දසනායක

ගයාන් සඳරුවන්

ඩී.එම්.ඩී. කල්හාර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...