. දෙවැනි දිනයටත් වැස්සෙන් බාධා | කෙළිමඬල
2018 අගෝස්තු මස 14 වැනි අගහරුවාදා
දෙවැනි දිනයටත් වැස්සෙන් බාධා
2017-11-17 17:00:09 | .

ශ්‍රී ලංකාව සහ ඉන්දියාව අතර කොල්කටා ඊඞ්න් ගාර්ඞ්න් ක්‍රීඩාංගණයේදී පැවැත්වෙන පළමු ටෙස්ට් තරගයේ දෙවැනි දිනය වූ අද (17 වැනිදා) වර්ෂාව හේතුවෙන් තරගය අතහැර දමන විට පළමු ඉනිම සදහා පන්දුවට පහරදෙමින් සිටින ඉන්දියාව ලකුණු 74 කට කඩුලු 5 ක් අහිමිකරගෙන සිටියේය.

එක් අන්තයක පිතිකරුවන් එක්නෙකා දැවීයන විටදී තම කඩුල්ල ආරක්‍ෂා කරගනිමින් එක් අන්තයක පන්දුවට පහරදෙමින් සිටින චෙතේෂ්වර් පුජාරා ලකුණු 47 ක් සහ රිද්දිමාන් සාහා ලකුණු 6 ක් ලබාගැනීමට සමත්වූ අතර හයවැනි කඩුල්ල සදහා ලකුණු 24 ක සම්බන්ධතාවයක්ද ගොඩනගමින් කඩා වැටුණු ඉන්දීය ඉනිම ගොඩනැගීමට ඔවුන් උත්සහ කරති.

දිවා ආහාරයට සුළු මොහොතකට පෙර වර්ෂාව ඇතිවීම නිසා කලින්ම දිවා ආහාරය ලබාගත්තද වරින් වර වර්ෂාව ඇතිවීම හේතුවෙන් තරගය අතහර දැමීමට විනිසුරුවරුන් තීරණය කළ අතර අද දින යැවීමට හැකිවූයේ ඕවර 21 ක් පමණි..

තරගයේ පළමු දිනයවූ ඊයේ (16 වැනිදා) තරගය වර්ෂාව හේතුවෙන් නතර කරනවිට ලකුණු 17 කට කඩුලු 3 ක් දැවී තිබූ අතර අද උදෑසන පන්දුව අතට ගත් දසුන් ශානක තවත් කඩුලු 2 ක් දවාගනිමින් ඉන්දිය කණ්ඩායම ආගාධයට ඇද දැමීමට සමත්විය.

ඊයේ දිනයේදී විශිෂ්ට පන්දු යැවිමක නිරතවූ සුරංග ලක්මාල්ගෙන් ලකුණක් ලබාගැනීමට ඉන්දීය පිතිකරුවන්ට පන්දු 47 ක් යන තෙක් බලාසිටිමට සිදුවිය. 47 වැනි පන්දුවේදී අජින්ක්‍යා රහනේගේ පිත්තේ දාරයේ වැදුණු පන්දුව හතරේ සිමාව කරා යෑමත් සමගින් සුරංග ලක්මාල්ගෙන් ලකුණු ලබාගැනීමට ඉන්දිය පිතිකරුවන්ට අවස්ථාව හිමිවිය. ඕවර 11 ක් යවමින් නිලකුණු ඕවර 9 ක් සමගින් ලකුණු 5 කට කඩුලු 3 ක් දවාගැනිමට සුරංග ලක්මාල් සමත් වූයේය.
 

 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...