. ටිම් පේන්ට අනපේක්‍ෂිත කැඳවීමක් | කෙළිමඬල
2018 සැප්තැම්බර් මස 21 වැනි සිකුරාදා
ටිම් පේන්ට අනපේක්‍ෂිත කැඳවීමක්
2017-11-17 13:33:11 | .

අළු බඳුන තරගාවලියේ කඩුල්ල පිටුපස කාර්යය බාරගැනීම සඳහා මහත් බලාපොරොත්තු තබාගෙන සිටි මැතිව් වේඞ් මෙන්ම පීටර් නෙවිල් දෙදෙනාගේම අපේක්‍ෂා සුන්කර දැමූ ඕස්ට්‍රේලියානු ක්‍රිකට් තේරීම් කමිටුව ඒ සඳහා ටිම් පේන් කැඳවූහ. ටිම් පේන් අවසන් වරට ඕස්ට්‍රේලියානු ටෙස්ට් කණ්ඩායමට එක්වූයේ වසර හතකට පෙර, එනම් 2010 ඔක්තෝබර් මාසයේදීය. 

අළු බඳුන තරගාවලියේ පළමු තරග දෙක සඳහා කණ්ඩායම නම් කිරීමේදී තවත් අනපේක්‍ෂිත තීරණයක් ගත් ඕස්ට්‍රේලියානු තේරීම් කමිටු නිලධාරීහු ආරම්භක පිතිකරු මැතිව් රැන්ෂෝද කණ්ඩායමෙන් ඉවත් කළහ. 

තවමත් 32 හැවිරිදි වියේ සිටින ටිම් පේන් මේ දක්වා ක්‍රීඩා කර ඇත්තේ ටෙස්ට් තරග 4 ක් පමණි. වඩාත්ම කැපී පෙනෙන කාරණාව වන්නේ ෂෙෆීල්ඞ් පළිහ තරගාවලියේදී ඔහුගේ ප්‍රාන්ත කණ්ඩායම වන තස්මේනියානු ප්‍රාන්ත පිල වෙනුවෙන් හෝ ටිම් පේන් කඩුලු රකින්නාගේ කාර්යය සඳහා තෝරා නොගැනීමයි. ඒ සඳහා තෝරානු ලැබ ඇති මැතිව් වේඞ් තස්මේනියානු පිල වෙනුවෙන් කඩුලු රැකීමේ යෙදෙයි. 

එසේ වුවත් එංගලන්ත පිලට එරෙහිව ඇඩිලේඞ්හි පැවැති පළමු පෙළ තරගයකදී ඕස්ට්‍රේලියානු ක්‍රිකට් ආයතන කණ්ඩායම වෙනුවෙන් කඩුලු රැකීමේ යෙදුණු ටිම් පේන් අර්ධ ශතකයක්ද ලබාගැනීමට සමත් වූයේය. 

“ටිම් අන්තර්ජාතික මට්ටමේ ක්‍රීඩකයෙන් වශයෙන් හඳුනාගත්තේ වසර ගණනාවකට කලින්. ඇරත් එයා හොඳ කඩුලු රකින්නෙක් වශයෙන් නමක් දිනාගෙන තියෙනවා....ඒ විතරක් නෙමේ....ඔහු ඕස්ට්‍රේලියාව නියෝජනය කළ සෑම අවස්ථාවකදීම අප වෙනුවෙන් විශේෂ යමක් කරලා තියෙනවා” යයි තේරීම් කමිටු සාමාජික ටේ‍රවර් හෝන්ස් මහතා පැවසීය. 

ටෙස්ට් තරග 10 කට ක්‍රීඩා කර ඇති මැතිව් රැන්ෂෝ වෙනුවට අළු බඳුන තරගාවලියේද ඬේවිඞ් වෝනර්ගේ සහායක පිතිකරුවා වීම සඳහා තවමත් ටෙස්ට් වරම් ලබා නැති කැමරන් බැන්ක්‍රොෆ්ට් කැඳවා තිබේ. බටහිර ඕස්ට්‍රේලියානු පිල නියෝජනය කරන බැන්ක්‍රොෆ්ට් මෙවර ෂෙෆීල්ඞ් කුෂලාන තරගාවලියේදී විශාල වශයෙන් ලකුණු ලබාගත් ක්‍රීඩකයෙකි. මේ සතියේදීම දකුණු ඕස්ට්‍රේලියානු කණ්ඩායමට එරෙහිව ලකුණු 228 ක් ලබාගත් බැන්ක්‍රොෆ්ට්, මීට දෙවසරකට පෙරත් ඕස්ට්‍රේලියානු පිලට එක්ව සිටි නමුත් ආරක්‍ෂක හේතු මත 2015 ඕස්ටේ්‍රලියානු පිලේ බංග්ලාදේශ සංචාරය අවලංගු කෙරිණ. 

ඕස්ට්‍රේලියානු පිලේ අංක 6 ස්ථානය අත්පත් කරගෙන සිටි ග්ලෙන් මැක්ස්වෙල් වෙනුවට ෂෝන් මාෂ් නැවතත් කැඳවා තිබේ. 


ඕස්ට්‍රේලියානු සංචිතය 
ස්ටීවන් ස්මිත් (නායක), ඬේවිඞ් වෝනර්, කැමරන් බැන්ක්‍රොෆ්ට්, ජැක්සන් බර්ඞ්, පැට් කමින්ස්, පීටර් හැන්ස්කොම්බ්, ජොස් හේසල්වුඞ්, උස්මන් කවාජා, නේතන් ලයන්, ෂෝන් මාෂ්, ටිම් පේන් (කඩුලු රකින්නා), චැඞ් සේයර්ස් සහ මිචෙල් ස්ටාක්

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
පාකිස්තානයට කඩුලු 8 ක ජයක්...
2018-09-16 22:00:32
ආසියානු ක්‍රිකට් තරගාවලියේ දෙවැනි තරගය ලෙස පාකිස්තාන සහ හොංකොං කණ්ඩායම් අතර ඩුබායි ජාත්‍යන්තර ක්‍රිකට් ක්‍රීඩාංගණයේදී අද (...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...