. රදීෂ -රුමේෂ් ගුවන් හමුදාවට පළමු ජය ගෙනෙති | කෙළිමඬල
2018 පෙබරවාරි මස 20 වැනි අගහරුවාදා
රදීෂ -රුමේෂ් ගුවන් හමුදාවට පළමු ජය ගෙනෙති
2017-11-20 09:30:54 | මොහාන් ප්‍රනාන්දු

රදීෂ සෙනෙවිරත්නගේ සහ රුමේෂ් රාම්දාස්ගේ අනගි උත්සාහක දිනුම් හේතුවෙන් ලකුණු 15-7 ක් ලෙස පොලිස් පිල පරාජය කරමින් මෙවර අන්තර් සමාජ පළමුපෙළ ඩයලොග් ලීග් රග්බි තරගාවලියේ පළමු ජයග්‍රහණය වාර්තා කිරීමට ගුවන් හමුදා ක්‍රීඩකයෝ සමත් වූහ. 

රත්මලාන ගුවන් හමුදා පිටියේ ඊයේ පස්වරුවේ පැවැති මේ තරගයේ ආරම්භයේදීම රදීෂ තැබූ විශිෂ්ට උත්සාහක දිනුම ගෝලයක් බවට පත් කළ ගයන්ත ඉද්දමල්ගොඩ ගුවන් හමුදා පිලේ ලකුණු සංඛ්‍යාව 7-0 කින් ඉදිරියට ගෙන ගියේය. ඉන් පසුව පළමු භාගය නිමාවනතුරු දෙපිලටම ලකුණු රැස් කිරීමට නොහැකිවීම කැපී පෙනුණි.

එසේ වුවත් දෙවැනි භාගයේදී සිය ආක්‍රමණශීලී තරග රටාව ඉහළ දැමූ ගුවන් හමුදා පිල රුමේෂ් රාම්දාස්ගේ උත්සාහක දිනුමත් සමග ලකුණු 12 කින් ඉදිරියට යාමට සමත්විය. එය ගෝලයක් බවට ප්‍රවර්ථනය කිරීමේ අවස්ථාව ඉද්දමල්ගොඩගෙන් ගිලිහී ගියේය.

ඊට මොහොතකට පසුව කසුන් සුරංග පොලිස් පිලේ ලකුණු අහේනිය තුරන් කරමින් අගනා උත්සාහක දිනුමක් තැබීමට සමත්වූ අතර සංදේශ් ජයවික්‍රම එය ගෝලයක් බවට ප්‍රවර්ථනය කළේය.

තරගය නිමාවීමට පෙර ලද දඬුවම් පහර සාර්ථක කර ගත් චරිත් සෙනෙවිරත්න 15 -7 ක් ලෙස ගුවන් හමුදා කණ්ඩායම ඉදිරියට ගෙන යමින් ජයග්‍රහණය තහවුරු කළේය. 

 

තරගාවලියේ විශේෂ අවස්ථා ...

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...