. ප්‍රධාන කාණ්ඩයේ අනුශූරතාව ඉෂාන්ට | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
ප්‍රධාන කාණ්ඩයේ අනුශූරතාව ඉෂාන්ට
2017-11-22 20:16:12 | ශානුක අරවින්ද

ඉන්දියවේ පූනේ නගරයේදී පැවැති ‘පූනේ සුපර්ක්‍රොස්’ ජාත්‍යන්තර යතුරුපැදි තරගාවලියේ ප්‍රධානම කාණ්ඩය වූ එස්. එක්ස්. කාණ්ඩයේ අනු ශූරතාව හිමිකර ගැනීමට ජාතික යතුරුපැදි ශූර ඉෂාන් දසනායක සමත් විය. 

පී.බී. රේසිං කණ්ඩායම නියෝජනය කරමින් තරගාවලියට සහභාගි වූ ඉෂාන් එහිදී රන් පදක්කමක්, රිදී පදක්කම් 4 ක් සහ ලෝකඩ පදක්කමක් දිනාගනිමින් එස්. එක්ස්. කාණ්ඩයේ අනු ශූරතාවට හිමිකම් කීවේය. 

තරගාවලිය පුරා ඔහු සමග කරට කර සටනක නිතර වූ අයි.එන්.කේ. රේසිං කණ්ඩායමේ හරිත් නෝවා (ඉන්දියාව) රන් පදක්කම් 5 ක් සහ ලෝකඩ පදක්කමක් සමගින් එම කාණ්ඩයේ ශූරතාව දිනා ගත්තේය. 

එස්. එක්ස්. කාණ්ඩයේ ශූරතාව දිනාගත් හරිත් නෝවා සහ අනු ශූරතාව හිමිකරගත් ඉෂාන් දසනායක අතර පරතරය ලකුණු 12 ක් ලෙස සටහන් වූ අතර තරගාවලියේ අවසානයේ නෝවා ලකුණු 115 ක්ද, ඉෂාන් ලකුණු 103 ක්ද ලබා සිටියහ. 

එම කාණ්ඩය යටතේ තරග වැදුණ මෙටර හිටපු ජාතික මොටොක්‍රොස් ශූරයකු වන ගයාන් සඳරුවන් සමස්ත ලකුණු සටහනේ සිව්වැනි ස්ථානයට පත් විය. ‘ටීම් ග්‍රීෂ්ම්’ කණ්ඩායම නියෝජනය කරමින් තරගාවලියට එක්වූ ඔහු තෙවැනි ස්ථාන 2 ක්, සිව්වැනි ස්ථානයක් සහ පස්වැනි ස්ථාන 3 ක් සමග ලකුණු 76 ක් ලබාගමින් ලෝකඩ පදක්කම් 2 කටද හිමිකම් කීවේය. 

එහිදී ලාබාල තරගකරුවන් සඳහා එස්. එක්ස්. ජේ. කාණ්ඩය යටතේ තරග පැවැති අතර ලකුණු 85 ක් ලබාගත් ශ්‍රී ලංකාවේ ඩී.එම්.ඩී. කල්හාර එම කාණ්ඩයේ තෙවැනි ස්ථානයට පත්විය. පළමු තරග 5 දී රිදී පදක්කම් 5 ක් දිනාගත් ඔහුට ධාවන පථය තුළදී අනතුරකට ලක්වීම නිසා අවසන් තරගය නිමා කිරීමට නොහැකි විය. කල්හාර ‘ටීම් ග්‍රීෂ්ම්’ කණ්ඩායම නියෝජනය කරමින් තරගාවලියට එක්ව සිටියේය. 

මෙම තරගාවලිය සඳහා ඉන්දීය යතුරුපැදිකරුවෝ 55 දෙනෙක් සහ විදෙස් යතුරුපැදිකරුවෝ 9 දෙනෙක් සහභාගි වූහ. එහිදී ඔවුන් පී.බී. රේසිං, ටීම් ග්‍රීෂ්ම්, අයි.එන්.කේ. රේසිං, ලිලේරියා මොටෝක්‍රොස්, පශන්කර් රේසිං, ස්ටැලියන් රයිඩර්ස්, භල්ලා රෝයල් යන කණ්ඩායම් 7 නියෝජනය කරමින් තරග වැදිණ. 

තරගාවලියේ කණ්ඩායම් ශූරතාව දිනාගැනීමට මුලු ලකුණු 438 ක් ලබාගත් ස්ටැලියන් රයිඩර්ස් කණ්ඩායම සමත් වූ අතර ලකුණු 424 ක් ලබාගත් ටීම් ග්‍රීෂ්ම් කණ්ඩායම එහි දෙවැනි ස්ථානයටද, ලකුණු 414 ක් ලබාගත් භල්ලා රෝයල් කණ්ඩායම එහි තෙවැනි ස්ථානයටද පත්වූහ.  

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...