. ඕස්ට්‍රේලියානුවෝ තරගයට කඩාවදිති | කෙළිමඬල
2018 මැයි මස 21 වැනි සඳුදා
ඕස්ට්‍රේලියානුවෝ තරගයට කඩාවදිති
2017-11-23 17:02:01 | .


සිය මංගල අළු බඳුන තරගයේදීම ලබාගත හැකිව තිබූ අගනා ශතකයක් අත පොවන මානයේ තිබියදී ජේම්ස් වින්ස් දුවද්දී දැවී ගියේ ඕස්ට්‍රේලියානු පිලට නැවතත් තරගයට කඩාවැදීමේ කපොල්ල විවර කරමිනි. නායක ජෝ රූට් (15) අඩු ලකුණු සංඛ්‍යාවකට දැවී ගිය නමුත් එංගලන්ත පිල ඉදිරියට ගෙනගිය ඬේවිඞ් මාලන් සහ මුයීන් අලී දෙදෙනා 2017-18 අළු බඳුන තරගාවලියේ පළමු තරගයේ පළමු දිනය වූ අද (23 වැනිදා) අවසන් වන විට එංගලන්ත ලකුණු පුවරුවේ 196 වැනි ලකුණ සටහන් කළහ. 

කෙසේ වෙතත් එය ඕස්ට්‍රේලියානුවන්   අමාරුවේ දැමීමට තරම් ප්‍රමාණවත් ලකුණු සංඛ්‍යාවක් නම් නොවේ. එංගලන්තය යන්තමින් හෝ හිස ඔසවමින් සිටියදී පන්දුව කඩුල්ලට දමාගැසූ නේතන් ලයන් විසින් ජේම්ස් වින්ස් දවාගනු ලැබීමත් සමගම ඕස්ටේ්‍රලියානුවෝ යළිත් තරගයට අවතීර්ණ වූහ. 

බ්‍රිස්බේන් නුවර, ගැබා ක්‍රීඩාංගණයේදී පැවැත්වෙන මෙම තරගයේදී එංගලන්තයට විශාලතම පාඩුව සිදුවූයේ කණ්ඩායමේ සිටින පළපුරුදුම පිතිකරුවා වන ඇලිස්ටෙයාර් කුක් (02) සහ නායක ජෝ රූට් (15) අඩු ලකුණු වලට දැවී යාමෙනි. තරගයේ තුන්වැනි ඕවරයේදීම ඇලිස්ටෙයාර් කුක්ගේ ඉනිම නිමා කිරීමට මිචෙල් ස්ටාක් සමත් වූයෙන් එංගලන්ත පිතිකරුවෝ පසුබා ගියහ. ලකුණු  රැස්කිරීම සිදුවයේ මන්දගාමී ආකාරයෙනි. දිවා ආහාරයට පෙර යැවුනු ඕවර 29 දී එංගලන්ත පිලට ලබාගත හැකිවූයේ ලකුණු 59 ක් පමණි. 

දිවා ආහාරයෙන් පසුව පිටියට පිවිසි ජේම්ස් වින්ස්ගේ උඩපන්දුවක් ටිම් පේන් අතින් ගිළිහී ගියේය. එතැන් සිට ඕස්ට්‍රේලියානු  පන්දු යවන්නන් හමුවේ අභීතව පිත්ත හැසිරවූ වින්ස්, ආරම්භක පිතිකරු මාක් ස්ටෝන්මන් සමග එක්ව තරගයේ වාසිය එංගලන්තය වෙතට අදින්නට විය. මාක් ස්ටෝන්මන් සහ වින්ස් අතර තුන්වැනි කඩුල්ල වෙනුවෙන් පැවැති සම්බන්ධතාව ලකුණු 125 කි.  වරෙක එංගලන්ත ලකුණු පුවරුව කඩුල්ලක් දැවී ලකුණු 127 ක් ලෙස කියැවුණ නමුත් ලකුණු 36 කට කඩුලු 3 ක් බිම දැමීමෙන් ඕස්ට්‍රේලියානුවෝ  යළිත් තරගයට අවතීර්ණ වූහ. 

බ්‍රිස්බේන්හි ගැබා ක්‍රීඩාංගණයේදී ඕස්ට්‍රේලියානුවන්  සතුව ඇත්තේ වාසිදායක වාර්තාවකි. ඕස්ට්‍රේලියානු  පිල 1988 න් මෙපිට එහිදී ටෙස්ට් තරගයක් පරාජය වී නැත. අනෙක් අතට එංගලන්තයද ගැබා පිටියේදී ටෙස්ට් තරගයක් ජයගෙන ඇත්තේ වසර 31 කට කලිනි. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
විරාට් කෝලිගේ සැඟවුණ මානුෂීය ගුණය ...
2018-05-14 19:28:51
ඉන්දීය ප්‍රීමියර් ලීග් තරගාවලිය එන්න එන්නම උණුසුම් වන බව සැබෑය. එහි පූර්ණ ගෞරවය හිමිවිය යුත්තේ ඉන්දීය රසිකයන් වෙතය. මෙවර තරගාවලියේදී ඉ...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පිතිකරුවෝ ගාල්ල පිලට ජය ගෙනෙති...
2018-05-14 20:52:30
අන්තර් පළාත් එක්දින ක්‍රිකට් තරගාවලියේ ගාල්ල කණ්ඩායම සහ දඹුල්ල කණ්ඩායම අතර පී.සරවණමුත්තු ක්‍රීඩාංගණයේදී පැවැති තරගය ඩක්වත් ලුවිස් ...
කෙවින්ගේ ශතකයෙන් අයර්ලන්තය ඉදිරියට...
2018-05-14 23:57:57
කෙවින් ඕ’බ්‍රයන්ගේ මංගල ටෙස්ට් ශතකය හමුවේ පාකිස්තානයට එරෙහිව ඩබ්ලින්හිදී පැවැත්වෙන ටෙස්ට් ක්‍රිකට් තරගයේ සිවුවැනි දිනය වූ අද...