. එල්ලේ නිලවරණය 30 වැනිදා | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
එල්ලේ නිලවරණය 30 වැනිදා
2017-11-24 13:59:37 | නාමල් පතිරගේ

ශ්‍රී ලංකා එල්ලේ සම්මේලනයේ නිලවරණය දෙසැම්බර් 30 වැනිදා පෙරවරු 10ට මීගමුව මහ නගර සභා ශාලාවේදී පැවැත්වේ. එහි පසුගිය (2015-17) ගිණුම් වාර්තා විගණනය ප්‍රමාදවීම නිසා මේ වසරේ මැයි 6 වැනිදාට යොදාගෙන තිබූ නිලවරණය අත්හිටුවීමට සිදුවිය.

වත්මන් සභාපති, හිටපු නියෝජ්‍ය ඇමැති සරත් කුමාර ගුණරත්න හා පළාත් සභා මන්ත්‍රී සහන් ප්‍රදීප් විතානගේ යන මහත්වරුන් මෙවර නිලවරණයේ දී සභාපති ධුරයට නාමයෝජනා භාරදී තිබේ. කෙසේ වුවත් එහි භාණ්ඩාගාරික හා උපභාණ්ඩාගාරික යන ධුර සඳහා කිසිවෙකුත් නාමයෝජනා ඉදිරිපත් කර නැති අතර ජ්‍යෙෂ්ඨ උපසභාපති තනතුර සඳහා චන්ද්‍රපාල දඹගොඩ මහතා පමණක් නාමයෝජනා ඉදිරිපත් කර තිබෙන බැවින් ඔහු ඒ සඳහා නිතරගයෙන් පත්වනු ඇත.

ප්‍රධාන ලේකම් ධුරයට හිටපු ලේකම්වරයකු මෙන්ම කලක් සම්මේලනයේ සභාපති ධුරය ද දැරූ සිරිල් පෙරේරා මහතා හා වජිර ඉන්දික මහතා නාමයෝජනා භාරදී තිබේ. උපසභාපති ධුර දෙකක් සඳහා නාමයෝජනා තුනක්ද උපලේකම් ධුර තුනක් (3) සඳහා නාමයෝජනා හයක්ද, සංවිධායක ධුර සඳහා නාමයෝජනා දෙකක්ද ලැබී තිබේ.

විධායක සභාවේ ධුර 11 ක් ඇත. ඉදිරිපත්ව තිබෙන නාමයෝජනා ගණන 13කි. මෙවර නිලවරණය සඳහා ක්‍රීඩා සමාජ 154 ක් සුදුසුකම් ලබා තිබෙන අතර නිලවරණයේ දී එක් ක්‍රීඩා සමාජයකට එක ‏ඡන්දයක් බැගින් හිමිව තිබේ. එල්ලේ නිලවරණයේදී සභිකයන් තේරීම රහස් ඡන්දයෙන් සිදු කෙරේ.

එල්ලේ සම්මේලනයේ වත්මන් විධායක සභික සිරිල් පෙරේරා මහතා “ලංකාදීප”ය කළ විමසුමකදී පැවැසුවේ වසර 10 කට පසුව එහි ගිණුම් වාර්තා සඳහා රජයේ විගණකාධිපති දෙපාර්තමේන්තුවෙන් අනුමැතිය හිමිව තිබෙන බවයි.

එම ගිණුම් වාර්තා සඳහා රජයේ විගණකාධිපතිවරයාම අනුමැතිය ලබාදී තිබෙන බවත් පැවැසූ සිරිල් පෙරේරා මහතා ක්‍රීඩා පනතේ නව රෙගුලාසි හමුවේ එල්ලේ සම්මේලනයේ භාණ්ඩාගාරික ධුරයට සුදුස්සෙකු පත්කර ගැනීමේ පවතින ප්‍රායෝගික දුෂ්කරතා ගැන සම්මේලනය ක්‍රීඩා ඇමැතිවරයා දැනුවත් කිරීමට පියවර ගන්නා බවද පැවැසීය.

එමගින් පවතින නීතිරීතිවලින් ලිහිල්ව ඒ සඳහා කෙනෙකු පත්කර ගැනීමට එල්ලේ සම්මේලනය අපේක්ෂා කරයි. වත්මන් සභාපති සරත් කුමාර ගුණරත්න මහතා පිටිපන ශ්‍රී රංග ක්‍රීඩා සමාජය නියෝජනය කරමින්ද සහන් ප්‍රදීප් මහතා කඩවත ශ්‍රී එක්සත් ක්‍රීඩා සමාජය නියෝජනය කරමින්ද සිය නාමයෝජනා භාරදී තිබේ. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...