. සම්පූර්ණ සුද්දයක බලාපොරොත්තු | කෙළිමඬල
2018 සැප්තැම්බර් මස 21 වැනි සිකුරාදා
සම්පූර්ණ සුද්දයක බලාපොරොත්තු
2017-11-27 18:25:19 | .

අළු බඳුන තරගාවලියේ ‘සම්පූර්ණ සුද්දයක’ බලාපොරොත්තු රඳවාගැනීමේ මූලික අඩිතාලම දමාගත් ඕස්ට්‍රේලියානුවෝ බ්‍රිස්බේන්හිදී පැවැති පළමු වැනි ටෙස්ට් තරගයේදී කඩුලු 10 ක දැවැන්ත ජයක් ලබාගත්හ. ලකුණු 170 ක ඉලක්කයක් කරා ගිය ඕස්ට්‍රේලියානු කණ්ඩායම තරගයේ අවසන් දිනය වූ අද (27 වැනිදා) කිසිවකු නොදැවී සිය ඉලක්කය කරා අවතීර්ණ වූයේය.

ආරම්භක පිතිකරුවන් වූ ඩේවිඩ් වෝනර් (නොදැවී 87) සහ කැමරන් බැන්ක්‍රොෆ්ට් (නොදැවී 82) ඕස්ට්‍රේලියානු පිල ජයටැඹ කරා කැඳවාගෙන ගියහ.

මෙම පිතිකරුවෝ දෙදෙනා ඊයේ (26 වැනිදා) ක්‍රීඩාව අවසන් කළේ අද පෙරවරුවේදී ජයග්‍රහණය සඳහා ලකුණු 56 ක් පමණක් ඉතිරි කරගනිමිනි. එහෙත් ජයග්‍රහණයට ලකුණක් අවශ්‍යව තිබියදී පන්දුව හතරේ සීමාවට ගිය හෙයින් සම්බන්ධතාව ලකුණු 173 ක් විය.

ටෙස්ට් තරගයක් අවසන් කිරීම සඳහා ඕස්ට්‍රේලියානු ආරම්භක පිතිකරුවන් දෙදෙනකු විසින් තබන ලද දීර්ඝතම සම්බන්ධතාව ගොඩනැංවූ වෝනර් සහ බැන්ක්‍රොෆ්ට්, වසර 87 ක් පැරණි වාර්තාවක් තමන් සතුකරගත්හ. එහි පැරණි වාර්තාවට හිමිකම් කීවේ 1930 දී බටහිර ඉන්දීය කොදෙව් පිලට එරෙහිව ඇඩිලේඩ්හිදී ලකුණු 172 ක් රැස්කළ බිල් පොන්ස්ෆර්ඞ් සහ ආචි ජැක්සන් දෙදෙනාය.

මෙය කැමරන් බැන්ක්‍රොෆ්ගේ මංගල ටෙස්ට් තරගය වූවත් එහිදී ඔහුට ශතකයක් කරා යාමට තරම් දුර ඉලක්කයක් ඕස්ට්‍රේලියානුවන්ට නොලැබිණ.

ඕස්ට්‍රේලියානුවෝ වසර හතරකට ඉහතදී ඇලිස්ටෙයාර් කුක් නායකත්වය දැරූ එංගලන්ත කණ්ඩායම 5-0 කින් පරාජය කරමින් අළු බඳුන තරගාවලියේදී එංගලන්තයට සම්පූර්ණ සුද්දයක් දුන්හ. ගැබා ක්‍රීඩාංගණයේදී පැවැති අළු බඳුන තරග වලදී වසර 31 ක් පුරා ඕස්ට්‍රේලියාව අපරාජිත භාවය රැකගෙන සිටී. එංගලන්තය අවසන් වරට ගැබා ක්‍රීඩාංගණයේදී ටෙස්ට් තරගයක් ජයගත්තේ 1986 දී මයික් ගැටිංගේ නායකත්වයෙනි.

නොදැවී ලකුණු 143 ක් ලබාගනිමින් ඕස්ට්‍රේලියානු ජයග්‍රහණයට පදනම දැමූ ස්ටීවන් ස්මිත් තරගයේ වීරයා ලෙසින් නම් කෙරිණ. ස්මිත්ගේ මෙම ඉනිම නිසා ඕස්ට්‍රේලියාවට ලකුණු 26 ක මුල් ඉනිමේ වාසියක් ලැබුණු අතර එංගලන්ත දෙවැනි ඉනිමේදී ලකුණු 26 ක් ලබාගැනීමට පෙර කඩුලු දෙකක්ම බිඳ වැටිණ. එතැනින් පසුබෑමට ලක්වූ එංගලන්ත දෙවැනි ඉනිම ලකුණු 19 දී නිමා වූයේය.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
පාකිස්තානයට කඩුලු 8 ක ජයක්...
2018-09-16 22:00:32
ආසියානු ක්‍රිකට් තරගාවලියේ දෙවැනි තරගය ලෙස පාකිස්තාන සහ හොංකොං කණ්ඩායම් අතර ඩුබායි ජාත්‍යන්තර ක්‍රිකට් ක්‍රීඩාංගණයේදී අද (...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...