. ඔලිම්පික් මහගෙදරට ලිපියක් | කෙළිමඬල
2018 ජූලි මස 21 වැනි සෙනසුරාදා
ඔලිම්පික් මහගෙදරට ලිපියක්
2017-11-27 21:45:29 | නාමල් පතිරගේ

ජාතික ඔලිම්පික් කමිටුවේ නිලවරණය කඩිනමින් පැවැත්වීමට මැදිහත් වන ලෙස ඉල්ලා ශ්‍රී ලංකාවේ ජාතික ක්‍රීඩා සංගම් 14ක් අන්තර් ජාතික ඔලිම්පික් කමිටුවට ලිපියක් යොමු කර තිබේ. ඒ අතරවාරයේදී ජාතික ඔලිම්පික් කමිටුව ලබන දෙසැම්බර් 30 වැනිදා හෝ 31 වැනිදා විශේෂ මහා සභා රැස්වීමක් කැඳවීමට අවධානය යොමු කර තිබේ.

ශ්‍රී ලංකාවේ ඔලිම්පික් කමිටු ව්‍යවස්ථාව සංශෝධනය කිරීමේ යෝජනාවලිය සම්බන්ධයෙන් මෑතකදී අන්තර් ජාතික ඔලිම්පික් කමිටුව දුන් උපදෙස් සම්බන්ධයෙන් අවධානය යොමු කරමින් ජාතික ක්‍රීඩා සංගම් 14ක් එම ලිපිය අන්තර් ජාතික කමිටුවට යොමු කිරීමට පියවර ගෙන තිබේ.

ජාතික ක්‍රීඩා සංගම් සිය ලිපියෙන් අවධාරණය කර ඇත්තේ මෙවර ජාතික ක්‍රීඩා සංගම් හයකට ජාතික ඔලිම්පික් කමිටුවේ නව සාමාජිකත්වය ප්‍රදානය කිරීමට ගෙන තිබෙන තීරණය පිළිබඳව කරුණු පැහැදිලි කර ගැනීමත් අපේක්‍ෂා කරන බවයි.

ඒ  අතර ජාතික ඔලිම්පික් කමිටුව සඳහා යෝජිත ක්‍රීඩකයන්ගේ කමිටුව සඳහා ක්‍රීඩකයන් හෝ ක්‍රීඩිකාවන් දෙදෙනකු නිර්දේශ කිරීමේදී ඒ සඳහා ජාතික ක්‍රීඩා සංගම් වෙතින් නාමයෝජනා කැඳවීමක් කර එම නිර්දේශ කළ යුතු බවය.

ඔලිම්පික් කමිටුවේ විධායක සභාවේදී ඡන්ද බලය හිමිවන ක්‍රීඩකයන්ගේ කමිටුව සඳහා ජාත්‍යන්තර තරග නියෝජනයේ වසර හතරක අත්දැකීම් හෙබි ක්‍රීඩකයන් හෝ ක්‍රීඩිකාවන් ඒ සඳහා නිර්දේශ කළ යුතු බව අන්තර් ජාතික ඔලිම්පික් කමිටුව අවධාරණය කර තිබේ.

එම කමිටුව පත්කිරීමෙන් පසු විධායක සභා නියෝජනයේදී එක් ඡන්දයක් ප්‍රකාශ කිරීමේ අවස්ථාව කමිටුවට හිමි වේ.

එහි මහ සභා රැස්වීමක් පසුගිය නොවැම්බර් 9 වැනිදා පැවැති අතර එහිදී තීරණය වූ පරිදි කමිටුවේ විධායක සභා රැස්වීමක් කැඳවීමට යෝජනා විය. එසේ වුවත් අන්තර් ජාතික ඔලිම්පික් කමිටුව මගින් ලබාදුන් උපදෙස් අනුව ජාතික ඔලිම්පික් කමිටුවේ විධායක සභා රැස්වීමක් කැඳවීම අත්හිටුවනු ලැබීය.

මේ අතර ඔලිම්පික් කමිටුවේ නිලවරණය මෙහෙයවීමේ කමිටුවේ සංයුතිය වැඩි කරන ලෙස අන්තර් ජාතික ඔලිම්පික් කමිටුව දුන් උපදෙස් පරිදි ඒ සඳහා ක්‍රීඩා අමාත්‍යාංශයේ ලේකම් ජයන්ත  මහතා සහ ශ්‍රී ලංකා වොලිබෝල් සම්මේලනයේ උපසභාපති සුසිල් රණසිංහ යන මහත්වරු යෝජනාවේ තිබුණු බව ද වාර්තා වේ.

කෙසේ වුවත් ක්‍රීඩා අමාත්‍යාංශයේ ලේකම්වරයා ඒ සඳහා පත්කිරීම ප්‍රායෝගිකව ගැටලු පැන නැගෙන්නක් බැවින් ඒ පිළිබඳව අදහස පසුව වෙනස් කර ගත් බව ද වැඩිදුරටත් වාර්තා වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...
ගාල්ල ක්‍රිකට් ක්‍රීඩාංගණයට අසුබ දසාවක්...
2018-07-17 22:01:33
ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට සැලසුම් කර තිබු ශ්‍රී ලංකා  - එංගලන්ත ටෙස්ට් ක්‍රිකට් තරගය&nb...
ලෝක කුසලාන ප්‍රංශයට...
2018-07-15 22:16:21
ප්‍රංශය සහ ක්‍රොඒෂියාව අතර පැවැති පාපන්දු ලෝක කුසලාන අවසන් මහ තරගයෙන් ගෝල 4-2 කින් විශිෂ්ට ලෙස ජයගත් ප්‍රංශය දෙවැනි වරටත් ලෝක ...