. සති අන්තයේ තරග කල්දමයි | කෙළිමඬල
2018 නොවැම්බර් මස 20 වැනි අගහරුවාදා
සති අන්තයේ තරග කල්දමයි
2017-12-01 17:58:11 | නාමල් පතිරගේ

උද්ගතව තිබෙන අයහපත් කාලගුණික තත්ත්වය හේතුවෙන් සති අන්තයේ දී යොදාගෙන තිබූ තරගාවලි හා ක්‍රීඩා උත්සව ගණනාවක් අත්හිටුවීමට තරග සංවිධායකයෝ පියවර ගෙන තිබේ.

 

වොලිබෝල් තරග
■    ඇඹිලිපිටිය මහජන ක්‍රිඩාංගණයේදී හෙට සහ අනිද්දා (2 සහ 3) පැවැත්වීමට සූදානම් කර තිබූ ජනාධිපති රන් කුසලාන වොලිබෝල් තරගමාලාවේ ජාතික (අවසන්) තරග වටය කල්දැමීමට ශ්‍රී ලංකා වොලිබෝල් සම්මේලනය තීරණය කර තිබේ. එම තරග මලාවේ අවසන් වටය කණ්ඩායම් 100 ක් සහභාගීත්වයෙන් ලබන සති අන්තයේ දී (9 සහ 10) පැවැත්වීමට  දැන් තීරණය කර තිබේ.


පාපන්දු තරග :
■    ඩයලොග්- ශූරයන්ගේ පාපන්දු තරගාවලියේ හා ප්‍රධානම පළමු පෙළ පාපන්දු තරගාවලියේ සියලු තරග අත්හිටුවීමට ශ්‍රී ලංකා පාපන්දු සම්මේලනය අද (1) තීරණය කළේය. වර්ෂාව ඇදහැළීමෙන් ක්‍රීඩාංගන රැසක් ජලයෙන් යටවී තිබෙන බැවින් එම තීරණය ගෙන තිබේ. ඒ අනුව ශූරයන්ගේ තරගාවලියේ තරග පහක් හා ප්‍රධානම පාපන්දු තරගාවලියේ තරග පහක් දින නියමක් නොමැතිව අත්සිටුවීමට පියවර ගෙන තිබේ.

■    ශ්‍රී ලංකා ප්‍රවීනයන්ගේ පාපන්දු සංගමය සංවිධානය කරන සමස්ත ලංකා  වයස 40න් ඉහළ ප්‍රවිනයන්ගේ පාපන්දු තරගාවලියේ අර්ධ අවසන් පූර්ව තරග හතරක් කල් දමා තිබේ. බදුල්ලේ දී හා කෑගල්ලේ දී හෙට සහ අනිද්දා (2 සහ 3) පැවැත්වීමට නියමිතව  තිබූ එම තරග මේ මස 5, 7, 9 සහ10 යන දිනවල එම ස්ථානවලදීම පැවැත්වීමට තීරණය කළ බව ප්‍රවිනයන්ගේ පාපන්දු සංගමයේ සභාපති  තිලාන් පීරිස් මහතා පවසයි.


මාර්ග ධාවන තරග
■    ශ්‍රී ලංකා මලල ක්‍රීඩා සංගමයේ මෙහෙයවීමෙන් කොළඹ ජයික් හිල්ටන් ආයතනය ඉරිදා පෙරවරු 6.30 කොළඹ දී පැවැත්වීමට සුදානම් කර තිබූ මාර්ග ධාවන තරග මාලාව නැවත දැනුම්දෙන තුරු අත්හිටුවීමට සංවිධායකයන් පියවර ගෙන තිබේ.


පාපැදි තරග
■    සීදුව ලියනගේමුල්ලේ දී හෙට (2) පැවැත්වීමට නියමිතව තිබූ විවෘත (රේසින්) පාපැදි තරග මාලාව අත්හිටුවා තිබේ. එම තරගමාලාව මෙම 9 වැනිදා පැවැත්වීමට තරග සංවිධායකයෝ ඊයේ තීරණය කර තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...