. ශ්‍රී ලංකා සභාපතිගේ පිලට කඩුලු 6 ක ජයක් | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
ශ්‍රී ලංකා සභාපතිගේ පිලට කඩුලු 6 ක ජයක්
2017-12-01 18:22:40 | .

ඉන්දියාවේදී පැවැත්වෙන ‘චැලෙන්ජර්’ කුසලාන වයස 19 න් පහළ ක්‍රිකට් තරගාවලියේ ඊයේ (30 වැනිදා) පැවැති තරගයකදී ඉන්දීය ‘බ්ලූ’ කණ්ඩායම කඩුලු 6 කින් පරාජය කිරීමට ශ්‍රී ලංකා ක්‍රිකට් සභාපතිවරයාගේ කණ්ඩායම සමත් විය. ජයග්‍රහණය සඳහා ලකුණු 204 ක ඉලක්කයක් හඹාගිය ශ්‍රී ලංකා ක්‍රිකට් සභාපතිවරයාගේ කණ්ඩායම පන්දු 34 ක් ඉතිරිව තිබියදී කඩුලු 4 ක් පමණක් දැවී එම ඉලක්කය කරා ළඟාවිය.

හත්වැනි කඩුල්ල වෙනුවෙන් පන්දු 195 කදී ලකුණු 156 ක අගනා සම්බන්ධතාවක් ගොඩනැගූ නුවනිඳු ප්‍රනාන්දු (91) සහ නිපුන් ධනංජය (නොදැවී 65) ශ්‍රී ලංකා කණ්ඩායම ජයග්‍රහණය කරා කැඳවාගෙන ගියහ. පන්දු 111 කට මුහුණදුන් නුවනිඳු, හයේ පහර 2 කින් සහ හතරේ පහර 11 කින් සිය ඉනිම සැරසූ අතර පන්දු 99 කදී වාර්තා වූ නිපුන් ධනංජයගේ ඉනිම හයේ පහරකින් සහ හතරේ පහර 5 කින් සමන්විත විය.

ශ්‍රී ලංකා කණ්ඩායමට වේගවත් ආරම්භයක් දුන් විශ්ව චතුරංග පන්දු 28 කදී ලකුණු 27 ක් රැස්කළේ හතරේ පහර 5 ක් සමගිනි.

පළමුවෙන් පන්දුවට පහරදුන් ඉන්දීය ‘බ්ලූ’ කණ්ඩායමේ වැඩිම ලකුණු ලාභියා බවට පත් වූ ඕම් බෝස්ලේ පන්දු 71 කදී හතරේ පහර 7 ක් සමගින් ලකුණු 49 ක් ලබා අර්ධ ශතකය පෙනි පෙනී සිටියදී ඉතා දුවද්දී දැවී යෑමකට හසුවිය.

ඉනිමේ 8 වැනි කඩුල්ල වෙනුවෙන් පන්දු 81 කදී ලකුණු 77 ක සම්බන්ධතාවක් ගොඩනැගූ එම්. එස්. භාණ්ඩගේ (30) සහ ශිවම් මාවි (44) ඉන්දීය කණ්ඩායමේ ලකුණු සංඛ්‍යාව ඉහළ දැමූහ. පන්දු 47 කදී වාර්තා වූ භාණ්ඩගේගේ ඉනිමට හයේ පහරක් සහ හතරේ පහර 2 ක් ඇතුළත් වූ අතර පන්දු 31 කදී වාර්තා වූ ශිවම්ගේ ඉනිමට හයේ පහර 2 ක් සහ හතරේ පහර 6 ක් ඇතුළත් විය.

එහිදී දක්ෂ පන්දු යැවීමක නිතර වූ හරීන් බුද්දිල සහ හේෂාන් හෙට්ටිආරච්චි කඩුලු 2 බැගින් දවාගත් අතර හරීන් බුද්දිල දුවද්දී දවාගැනීම් 3 කටද දායකත්වය සැපයීය.


ඉන්දීය ‘බ්ලූ’ කණ්ඩායම - ඕවර 46.3 කදී සියලු දෙනා දැවී 203   
(මනෝජ් කල්හාර් 33, ඕම් බෝස්ලේ 49, එන්. ඒ. රාත්වා 15, එම්. එස්. භාණ්ඩගේ 30, ශිවම් මාවි 44, හේෂාන් හෙට්ටිආරච්චි 26/2, හරීන් බුද්දිල 43/2)

ශ්‍රී ලංකා ක්‍රිකට් සභාපතිවරයාගේ කණ්ඩායම - ඕවර 44.2 කදී කඩුලු 4 ක් දැවී 204  
(විශ්ව චතුරංග 27, නිපුන් ධනංජය නොදැවී 65, නුවනිඳු ප්‍රනාන්දු 91, ශවම් මාවි 40/2)


- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...