. පොලිසිය - සී.එච් කරට කර තරගයක | කෙළිමඬල
2018 සැප්තැම්බර් මස 21 වැනි සිකුරාදා
පොලිසිය - සී.එච් කරට කර තරගයක
2017-12-02 10:41:11 | මොහාන් ප්‍රනාන්දු

සී.එච්.ඇන්ඞ් එෆ්.සී. ක්‍රීඩා සමාජය සහ පොලිස් ක්‍රීඩා සමාජය අතර ඊයේ පැවැති තරගයේ ලකුණු සමවීමෙන් මෙවර අන්තර් සමාජ පළමුපෙළ ඩයලොග් ලීග් රග්බි තරගාවලියේ පළමු වතාවට ජයපරාජයෙන් තොරව තරගයක් නිමාවට පත්විය. මහ වැසි මැද පොලිස් පිටියේ පැවැති මේ තරගයේ අවසන් මොහොත දක්වා දෙපිලම කරට කර සටනක නිරත වූහ.

තරගයේ ජයග්‍රහණය වරින් වර දෙපැත්තටම දෝලනය විය. එහෙත් අවසන් මොහොතේ ලකුණු 21-18 කින් පෙරමුණ ගෙන තවත් ජයග්‍රහණයකට යමින් සිටි සී.එච්. ක්‍රීඩකයන්ගේ බලාපොරොත්තු සුන් කළ පොලිස් පිලේ සංදේශ් ජයවික්‍රම මීටර් 35 ක පමණ දුරකින් දඬුවම් පහරක් සාර්ථක කරගැනීම නිසා තරගය නිමාවූයේ දෙපිලම ලකුණු 21-21 බැගින් ලබා සිටියදීය.

පිට පිට දඬුවම් පහර දෙකක්ම සාර්ථක කරගත් සංදේශ් පොලිස් කණ්ඩායම ලකුණු 6-0 කින් පෙරමුණට දැමීමෙන් පසුව ඉරංග ආරියපාල තැබූ අගනා උත්සාහක දිනුමක් ගෝලයක් බවට පත් කළ සැමුවෙල් මධුවන්ත සී.එච්. පිලට ලකුණු 7-6 කින් පෙරමුණ ගෙන දුන්නේය. ඊට මොහොතකට පසුව නිරෝෂ් සිල්වා තැබූ විශිෂ්ට උත්සාහක දිනුමක් සංදේශ් විසින් ගෝලයක් බවට පත් කරනු ලැබීමෙන් ලකුණු 13-7 කින් පෙරමුණ ගැනිමට පොලිස් පිලට හැකිවිය.

පළමු භාගය නිමාවීමට පෙර ශ්‍රීනාත් විමලවීර තැබූ උත්සාහක දිනුමකින් සී.එච්.පිලේ ලකුණු සංඛ්‍යාව 12 දක්වා ඉහළ ගියේය. එහෙත් පළමු භාගය නිමාවනවිටත් ලකුණු 13-12 කින් ඉදිරියෙන් පසුවූයේ පොලිස් කණ්ඩායමයි.
දෙවැනි භාගයේ දී තරගයේ පාලනය සියතට ගත් සී.එච්.පිල සැමුවෙල් මධුවන්ත පිට පිට දඬුවම් පහර දෙකක් සාර්ථක කරගැනීමෙන් ලකුණු 18-13 කින් පෙරමුණ ගැනීමට සමත්විය. මොහොතකට පසුව හෂාන් ප්‍රනාන්දුගේ අනගි උත්සාහක දිනුමකින් ලකුණු සංඛ්‍යාව 18-18 දක්වා සමකරගැනීමට පොලිස් ක්‍රීඩකයෝ සමත්වූහ.

අනතුරුව සැමුවෙල් මධුවන්තගේ සාර්ථක දඬුවම් පහරකින් ලකුණු 21-18 කින් පෙරමුණගත් සී.එච්. පිල ජයග්‍රහණයෙන් තරගය නිමාකරගැනීමේ බලාපොරොත්තු ඉහළ දමාගත්තේය. එහෙත් ඊට ඉඩ නොදුන් පොලිස් ක්‍රීඩකයෝ අවසන් මොහොතේ සංදේශ්ගේ පිහිටෙන් තරගය ජයපරාජයෙන් තොරව කෙළවර කළහ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
පාකිස්තානයට කඩුලු 8 ක ජයක්...
2018-09-16 22:00:32
ආසියානු ක්‍රිකට් තරගාවලියේ දෙවැනි තරගය ලෙස පාකිස්තාන සහ හොංකොං කණ්ඩායම් අතර ඩුබායි ජාත්‍යන්තර ක්‍රිකට් ක්‍රීඩාංගණයේදී අද (...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...