. නාවික හමුදාවට පහසු ජයක් | කෙළිමඬල
2018 මැයි මස 21 වැනි සඳුදා
නාවික හමුදාවට පහසු ජයක්
2017-12-02 10:56:21 | මොහාන් ප්‍රනාන්දු

අයහපත් කාලගුණයත්, ශ්‍රී ලංකා ගුවන් හමුදා ක්‍රීඩකයන්ගේ අභියෝගයත් දෙකම අබිබවා ගිය නාවික හමුදා ක්‍රීඩකයෝ අන්තර් සමාජ පළමුපෙළ ඩයලොග් ලීග් රග්බි තරගාවලියේ පස්වැනි තරගයෙන් ලකුණු 10-0 ක සටන්කාමී ජයක් අත්කර ගැනීමට සමත්වූහ.

එක දිගට ඇද හැලෙන්නට වූ වර්ෂාව නිසා වැලිසර නැවියන්ගේ පිටියේ ඊයේ පැවැති මේ තරගය ආරම්භයේ සිටම දෙපිලටම අභියෝගාත්මක එකක් බවට පත්වීය. එහෙත් තරගයේ පළමුභාගය නිමාවනවිට ලකුණු 7-0 කින් පෙරමුණ ගත් නැවියෝ තරගයේ පාලනය අතට ගත්හ.

මෙවර තරගාවලියේ අඩු ලකුණු සංඛ්‍යාවකින් නිමාවට පත්වූ පළමු තරගය බවට පත් වූ මේ තරගයේ පළමු භාගයේ දුලාංජන විජේසිංහ තැබූ උත්සාහක දිනුම තිළිණ වීරසිංහ විසින් ගෝලයක් බවට පත් කරනු ලැබීමෙන් ලකුණු 7 ක් වාර්තා වූ අතර දෙවැනි භාගයේ දී වාර්තා වූයේ තිළිණ වීරසිංහ සාර්ථක කරගත් දඬුවම් පහර පමණි.

වර්ෂාව දෙපිලටම අභියෝගයක් වූ අතර තරගයේ ආරම්භයේ සිටම දෙපිලම පන්දුව බිමට අත්හැරීම් ගණනාවකටම මුහුණ දුන්නේය. මීට අමතරව ලැබූ දඬුවම් පහර රැසක් වර්ෂාව නිසාම දෙපිලේහිම ක්‍රීඩකයන්ගෙන් ඉලක්ක වැරැදී ගියේය. තෙත බරිත වූ ක්‍රීඩා පිටියේ එකිනෙකා හා පොර බඳිමින් ප්‍රතිවාදී සීමාව කරා දිව යාම සෑහෙන වෙහෙසක් දැරිය යුතු වූවාක් බවට පත්වී තිබිණි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
විරාට් කෝලිගේ සැඟවුණ මානුෂීය ගුණය ...
2018-05-14 19:28:51
ඉන්දීය ප්‍රීමියර් ලීග් තරගාවලිය එන්න එන්නම උණුසුම් වන බව සැබෑය. එහි පූර්ණ ගෞරවය හිමිවිය යුත්තේ ඉන්දීය රසිකයන් වෙතය. මෙවර තරගාවලියේදී ඉ...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පිතිකරුවෝ ගාල්ල පිලට ජය ගෙනෙති...
2018-05-14 20:52:30
අන්තර් පළාත් එක්දින ක්‍රිකට් තරගාවලියේ ගාල්ල කණ්ඩායම සහ දඹුල්ල කණ්ඩායම අතර පී.සරවණමුත්තු ක්‍රීඩාංගණයේදී පැවැති තරගය ඩක්වත් ලුවිස් ...
කෙවින්ගේ ශතකයෙන් අයර්ලන්තය ඉදිරියට...
2018-05-14 23:57:57
කෙවින් ඕ’බ්‍රයන්ගේ මංගල ටෙස්ට් ශතකය හමුවේ පාකිස්තානයට එරෙහිව ඩබ්ලින්හිදී පැවැත්වෙන ටෙස්ට් ක්‍රිකට් තරගයේ සිවුවැනි දිනය වූ අද...