. කොලින්ගෙන් අධිවේගී ශතකයක් | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
කොලින්ගෙන් අධිවේගී ශතකයක්
2017-12-02 13:01:01 | .

සිය හත්වැනි ටෙස්ට් තරගයට ක්‍රීඩා කරමින් සිටින නවසීලන්ත තුන් ඉරියව් ක්‍රීඩක කොලින් ඩි’ග්‍රැන්ඞ්හෝම් ටෙස්ට් ඉතිහාසයේ 9 වැනි වේගවත්ම ශතකයට ලබාගැනීමට සමත් විය. බටහිර ඉන්දීය කොදෙව් පිලට එරෙහිව වෙලින්ටන්හිදී පැවැත්වෙන පළමු ටෙස්ට් තරගයේ දෙවැනි දිනය වන අද (2 වැනිදා) ග්‍රැන්ඞ්හෝම් කළ ප්‍රවේගකාරී පිතිහරඹය නිසා තරගයේ දෙවැනි දිනය නිමා වන විට නවසීලන්ත පිල කඩුලු 9 ක් දැවී ලකුණු 447 ක් ලබා සිටියේය.

පළමු දිනයේදීම කොදෙව් පිල විනාශ කර දැමූ නීල් වැග්නර් ලකුණු 39 කට කඩුලු 7 ක් බිඳ හෙළමින් කොදෙව් මුල් ඉනිම ලකුනු 134 කට සීමා කළ හෙයින් නවසීලන්තය මේ වන විටත් ලකුණු 313 ක් ඉදිරියෙන් සිටී. ලකුණු 105 දී කොලින් දැවී යන විට ඔහුගේ ඉනිම හයේ පහර 3 කින් සහ හතරේ පහර 11 කින් සමන්විත විය.

දෙවැනි කඩුල්ල වෙනුවෙන් ලකුණු 127 ක සම්බන්ධතාවක් ගොඩනැංවූ රොස් ටේලර් (93) සහ හෙන්රි නිකොල්ස් (67) පසුපෙළ පිතිකරුවන්ට නිදහසේ ලකුණු  ලබාගැනීමේ වේදිකාව සකස් කර දුන්හ. එහි අනුයාත ප්‍රතිඵලය වූයේ කොලින් ඩි ග්‍රැන්ඞ්හෝම් සහ ටොම් බ්ලන්ඩෙල් එක්ව හත්වැනි කඩුල්ල වෙනුවෙන් ලකුණු 148 ක සම්බන්ධතාවක් ගොඩනැංවීමයි.

සිය මංගල ටෙස්ට් තරගයට ක්‍රීඩා කරමින් සිටින ටොම් බ්ලන්ඩෙල් නොදැවී ලකුණු 57 ක් ලබාගනිමින් තවමත් කඩුල්ලේ රැඳී සිටී.

මිගෙල් කමින්ස් විසින් එවන ලද පළමු පන්දුවට ප්‍රවේසමෙන් මුහුණ දුන් කොලින් ඔහුගේ ඊළඟ පන්දු දෙකම හතරේ සීමාවට යැවීය.

සිය 17 වැනි ටේස්ට් ශතකයට ආසන්න වෙමින් සිටි රොස් ටේලර් දවාගැනීමට රූපවාහිනී විනිසුරුවරයාගේ සහයෝගය ලබාගත් කොදෙව්වෝ ඔහුගේ පන්දු 160 ඉනිම අවසන් කළහ.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...