. කොමිලා වික්ටෝරියන්ස් කඩුලු 4 කින් ජය ලබයි | කෙළිමඬල
2018 සැප්තැම්බර් මස 25 වැනි අගහරුවාදා
කොමිලා වික්ටෝරියන්ස් කඩුලු 4 කින් ජය ලබයි
2017-12-02 17:28:41 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ කොමිලා වික්ටෝරියන්ස් කණ්ඩායම සහ රාංපූර් රයිඩර්ස් කණ්ඩායම අතර ඩකාහිදී අද (2 වැනිදා) පැවැති තරගයෙන් කඩුලු 4 ක ජයක් අත්කර ගැනීමට කොමිලා වික්ටෝරියන්ස් කණ්ඩායම සමත් විය.

ජයග්‍රහණය සඳහා ලකුණු 98 ක ඉලක්කයක් හඹා ගිය කොමිලා පිතිකරුවෝ පන්දු 3 ක් ඉතිරිව තිබියදී කඩුලු 6 ක් පමණක් දැවී එම ඉලක්කය පසුකර ගියහ. පන්දු 18 කදී හතරේ පහර 2 ක් සමග නොදැවී ලකුණු 16 ක් රැස්කළ මාලන් සැමුවෙල්, අවසන් ඕවරයේ තෙවැනි පන්දුව හතරේ සීමාව කරා යවමින් කොමිලා කණ්ඩායම ජයග්‍රහණය කරා රැගෙන ගියේය.

ටමීම් ඉක්බාල් පන්දු 22 කදී හයේ පහරක් හතරේ පහර 3 ක් සමග ලකුණු 22 ක්ද, ෂොයිබ් මලික් පන්දු 24 කදී හයේ පහරක් සහ හතරේ පහර 2 ක් සමග ලකුණු 20 ක්ද රැස්කරමින් කොමිලා කණ්ඩායමේ ජයග්‍රහණයට මනා අඩිතාලමක් දැමූහ.

රාංපූර් රයිඩර්ස් කණ්ඩායම වෙනුවෙන් දක්ෂ පන්දු යැවීමක නිතර වූ නායක මෂ්රෆී මොටාසා ලකුණු 24 කට කඩුලු 3 ක් දවාගත්තද, ඔහුට සිය කණ්ඩායම පරාජයෙන් ගළවා ගැනීමට නොහැකි විය.

පළමුවෙන් පන්දුවට පහරදුන් රාංපූර් කණ්ඩායම ඕවර 17.1 ක් අවසානයේ ලකුණු 97 කට සීමා කිරීමට කොමිලා පන්දු යවන්නෝ සමත් වූ අතර එහිදී පිතිකරුවන් 7 දෙනෙක්ම ලකුණු 10 සීමාව පසුකර යෑමටත් පෙර දැවීයාම රාංපූර් කණ්ඩායමට විශාල පාඩුවක් විය.

ලකුණු 22 කට කඩුලු 4 ක් දවාගත් මෙහෙදි හසන් රාංපූර් රයිඩර්ස් කණ්ඩායම අඩු ලකුණු සංඛ්‍යාවකට සීමා කිරීම සඳහා පුරෝගාමී වූ අතර ඒ සඳහා ඔහුට අනගි සහායක් දුන් මොහොමඞ් ශයිෆුඩීන් ලකුණු 22 කට කඩුලු 3 ක් දවාගත්තේය.

රාංපූර් ඉනිමේ වැඩිම ලකුණු ලාභියා බවට පත් වූ බ්‍රෙන්ඩන් මැකලම් පන්දු 31 කදී ලකුණු 24 ක් රැස්කළේ හයේ පහරක් සහ හතරේ පහර 2 ක් සමගිනි. මොහොමඞ් මිතුන් පන්දු 14 කදී හතරේ පහර 3 ක් සමගින් ලකුණු 17 ක් රැස්කළේය.

මෙම තරගයේදී රාංපූර් රයිඩර්ස් කණ්ඩායමට තිසර පෙරේරා සහ ලසිත් මාලිංග වෙනුවට චාමර කපුගෙදර සහ ඉසුරු උදාන කැඳවා සිටියහ. එහෙත් ඔවුන් දෙදෙනාට මෙම තරගයේදී වැඩි යමක් කිරීමට නොහැකි වූ අතර කපුගෙදර ලකුණු 4 කටද, උදාන ලකුණු 9 කටද දැවී ගියහ. පන්දු යැවීමේදී ඕවර 3.3 යැවූ උදාන එහිදී ලකුණු 18 ක් ලබා දුන්නද එක් කඩුල්ලක් හෝ දවාගැනීමට අපොහොසත් විය.


රාංපූර් රයිඩර්ස් පිල - ඕවර 17.1 කදී සියලු දෙනා දැවී 97
(බ්‍රෙන්ඩන් මැකලම් 24, මොහොමඞ් මිතුන් 17, මෙහෙදි හසන් 22/4, මොහොමඞ් ශයිෆුඩීන් 22/2)

කොමිලා වික්ටෝරියන්ස් පිල - ඕවර 19.3 කදී කඩුලු 6 ක් දැවී 100  
(ටමීම් ඉක්බාල් 22, ඉම්රුල් කේයස් 14, ෂෙයිබ් මලික් 20, මාලන් සැමුවෙල්ස් නොදැවී 16, මෂ්රෆී මොටාසා 24/3, නස්මුල් ඉස්ලාම් 17/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...