. ශ්‍රී ලංකා කණ්ඩායම දැවැන්ත පීඩනයක | කෙළිමඬල
2018 සැප්තැම්බර් මස 18 වැනි අගහරුවාදා
ශ්‍රී ලංකා කණ්ඩායම දැවැන්ත පීඩනයක
2017-12-03 16:00:24 | .

ෆෙරෝස් ෂා කෝට්ලා ක්‍රීඩාංගණයේදී ඉන්දියාවට එරෙහිව පැවැත්වෙන දෙවැනි ටෙස්ට් ක්‍රිකට් තරගයේ දෙවැනි දිනය (3 වැනිදා) නිමාවන විට පළමු ඉනිම වෙනුවෙන් පන්දුවට පහරදෙමින් සිටි ශ්‍රී ලංකා කණ්ඩායම කඩුලු 3 ක් දැවී ලකුණු 131 ක් ලබා සිටියේය. ඒ අනුව ශ්‍රී ලංකා කණ්ඩායම කඩුලු 7 ක් අතැතිව ඉන්දීය කණ්ඩායමට වඩා තවත් ලකුණු 405 ක් පසුපසින් සිටියි.

තරගය නතර කරන විට පන්දුවට පහර දෙමින් සිටි ඇන්ජලෝ මැතිව්ස් හයේ පහර 2 ක් සහ හතරේ පහර 8 ක් සමග නොදැවී ලකුණු 57 ක්ද, නායක දිනේෂ් චන්දිමාල් හතරේ පහර 3 ක් සමග නොදැවී ලකුණු 25 ක්ද ලබා කඩුල්ලේ රැදී සිටියහ. දිනය නිමාවන විට ඔවුන් දෙදෙනා එක්ව ශ්‍රී ලංකා ඉනිමේ සිවුවැනි කඩුල්ල සඳහා ගොඩනගා තිබූ නොබිඳුණ සම්බන්ධතාව ලකුණු 56 කි.

අද දිනයේ අවසන් කඩුල්ල ලෙස ලකුණු 42 ක් ලබා සිටි ඩිල්රුවන් පෙරේරා පිටියෙන් ඉවත් කිරීමට රවින්ද්‍ර ජදේජා සමත් වූ අතර ජදේජාගේ පන්දුවක් හමුවේ කඩුල්ල මුවා කිරීමේ වරදට හසුව දැවීයන විට ඩිල්රුවන්ගේ ඉනිමට හතරේ පහර 7 ක් ඇතුළත් වි තිබිණ.

පන්දු රැකීමේදී හිස් ආවරණයේ පන්දුවක් වැදීම නිසා නිත්‍ය ආරම්භක පිතිකරු සධීර සමරවික්‍රම ශ්‍රී ලංකා ඉනිම ඇරඹීම සඳහා පිටියට නොපැමිණි අතර ඔහු වෙනුවට ඩිල්රුවන් පෙරේරා, දිමුත් කරුණාරත්න සමග එක්ව ශ්‍රී ලංකා ඉනිම ඇරඹීය.

ශ්‍රී ලංකා ඉනිමේ පළමු පන්දුවේදීම දිමුත් කරුණාරත්න ආපසු ක්‍රීඩාගාරය වෙත හරවා යැවීමට මොහොමඞ් ශාමි සමත් විම කැපි පෙනෙන සිදුවීමක් විය. ඉන් අනතුරුව පිටියට පිවිසි ධනංජය ද සිල්වාටද රැස්කරගත හැකි වූයේ එක් ලකුණක් පමණි. කඩුලු රකින ක්‍රීඩක රිධිමන් සාහා අතට උඩ පන්දුවක් දෙමින් දිමුත් දැවී ගියේය. ධනංජය දැවී ගියේ ඉෂාන්ත් ශර්මාගේ පන්දුවක් හමුවේ කඩුල්ල මුවා කිරීමේ වරදට හසුවෙමිනි.

දිවා ආහාරය සඳහා තරගය නතර කරන විට කඩුලු 5 ක් දැවී ලකුණු 500 ක් ලබා සිටි ඉන්දීය කණ්ඩායම ඉන් අනතුරුව මඳ වේලාවකට පසු සිය ඉනිම අත්හිටුවා ශ්‍රී ලංකා කණ්ඩායමට පන්දුවට පහරදීම සඳහා ආරාධනා කර සිටියේය.

පළමු දිනය වූ ඊයේ (2 වැනිදා) තරගය නතර කරන විට ලකුණු 371 ක් ලබා සිටි ඉන්දියාව අද දිනයේදී සිය පළමු ඉනිමට තවත් ලකුණු 165 ක් එක් කරගත් අතර දැඩි ලෙස පහර කෑමකට ලක්වූ ශ්‍රී ලංකා පන්දු යවන්නන්ට එහිදී දවාගත හැකි වූයේ කඩුලු 3 ක් පමණි. නායක විරාට් කෝලි (243) සහ රොහිත් ශර්මා (65) එක්ව පස්වැනි කඩුල්ල සඳහා ලකුණු 135 ක සම්බන්ධතාවක් ගොඩනගමින් ඉන්දීය කණ්ඩායමේ ලකුණු සංඛ්‍යාව 500 සීමාවෙන් ඔබ්බට රැගෙන ගියහ.

සිය ටෙස්ට් ක්‍රිකට් දිවියේ 6 වැනි ද්විත්ව ශතකය ලබාගත් විරාට් කෝලි, එය හතරේ පහර 25 කින් අලංකාර කළේය. පන්දු 238 කදී හතරේ පහර 20 ක් සමගින් ඔහු ද්විත්ව ශතකය සම්පූර්ණ කළ අතර දැවීයන විට ඔහුගේ ලකුණු රැස්කිරීමේ වේගය 84.66 ක් ලෙස සටහන් විය. මෙය කෝලි ඉනිමකදී රැස්කළ ඉහළම ලකුණු සංඛ්‍යාව මෙන්ම පිට පිටම ලබාගත් දෙවැනි ද්විත්ව ශතකයද විය. කෙසේ වුවත් ලක්ෂාන් සඳකැන්ගේ පන්දුවක් හමුවේ කඩුල්ල මුවාකිරීමේ වරදට හසුවෙමින් දැවීයාම නිමා කෝලිට ලකුණු 300 කඩයිම කරා යෑමට තිබූ අවස්ථාව අහිමි විය.

ලක්ෂාන් සඳකැන්ගේ පන්දුවක් හමුවේ කඩුලු රකින ක්‍රීඩක නිරෝෂන් දික්වැල්ල අතට උඩ පන්දුවක් දෙමින් රෝහිත් ශර්මා ලකුණු 65 කට දැවී යෑමත් සමග තරගය දිවා ආහාරය සඳහා නතර කිරීමට විනිසුරුවෝ පියවර ගත්හ. තමා දැවීගිය ක්‍රීඩකයකු ලෙස ප්‍රධාන විනිසුරු ලබාදුන් තීරණයට අභියෝග කළ ශර්මා එම තීරණය විනිසුරු තීරණ විමසීමේ ක්‍රමවේදයට යොමු කළේය. එහෙත් පන්දුව පිත්තේ අග කොටසේ වදින බව නිරීක්ෂණ කිරීමෙන් අනතුරුව තෙවැනි විනිසුරුද ප්‍රධාන විනිසුරුගේ තීරණය අනුමත කරමින් ඔහු දැවී ගිය ක්‍රීඩකයකු බව සනාථ කළේය.  

රවිචන්ද්‍රන් අෂ්වින්ට මෙම තරගායේදීද ලකුණු අතරට පැමිණීමට ඉඩක් නොලැබුණ අතර ලකුණු 4 ක් පමණක් ලබා සිටියදී ළහිරු ගමගේගේ පන්දුවක් හමුවේ ඩිල්රුවන් පෙරේරා අතට උඩ පන්දුවක් දෙමින් ඔහු ඉන්දීය ඉනිමේ 6 වැනි කඩුල්ල ලෙස දැවී ගියේය.

අද දිනයේ තරගය පැවැත්වෙන අතරතුරදී පිටිය හා අවට ප්‍රදේශයේ පැතිරගිය මීදුම සහිත දුමාරයක් නිසා ඒ වනවිට පිටියේ පන්දු රකිමින් සිටි ශ්‍රී ලංකා කණ්ඩායමේ ක්‍රීඩකයෝ දැඩි අපහසුතාවයට පත්වූහ. එම අවස්ථාවේදී මුඛ ආවරණ පැළඳ පන්දු රැකීමට ශ්‍රී ලංකා කණ්ඩායමට සිදුවිය.

එහිදී ශ්වසන අපහසුතා පිළිබඳව විනිසුරුවන්ට පැමිණිලි කිරීමටද ශ්‍රී ලංකා කණ්ඩායම කටයුතු කළ අතර ක්‍රීඩකයන් දෙදෙනෙකු එම අවස්ථාවේදී පිටියෙන් ඉවත්ව යනු දක්නට ලැබුණි. 

 

 

ශ්‍රී ලංකා - ඉන්දීය තෙවැනි ටෙස්ට් තරගයේ විශේෂ අවස්ථා...

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...
ආසියානු ශූරියෝ හෙට එති...
ජයවේවා... දැන් අපේ ක්‍රිකට් කණ්ඩායමටත් වෙන්නේ ඔබලාව ආදර්ශයට ගන්නයි. ඔබලා සියලු දෙනාට තවතවත් ධෛර්යය, ශක්තිය සහ ජයග්‍රහණ ලැබේවා......
මාව ගෙනාවට ට්‍රික්සි මිස්ට ප්‍රශ්න ඇති කළා ...
අවංකව ඉතා ආඞම්බර වෙම්. ඔබ සැම දෙනා දක්වු දස්කම් ඉතා ඉහලින්ම අගය කරමි. ඉදිරි අනාගතයේ ලෝක ශැරතාවය දිනා ඹබේ දස්කම් මුලුලොවටම පෙන්විමට හැකිවේවායි මුලු හද...