. ක්ලිෆඞ් කුසලාන බොක්සිං තරග ඇරඹේ | කෙළිමඬල
2018 නොවැම්බර් මස 21 වැනි බදාදා
ක්ලිෆඞ් කුසලාන බොක්සිං තරග ඇරඹේ
2017-12-05 15:04:40 | ශානුක අරවින්ද

ශ්‍රී ලංකා ආධුනික බොක්සිං සංගමය සංවිධානය කරන 91 වැනි ක්ලිෆඞ් කුසලාන බොක්සිං තරගාවලිය අද (5 වැනිදා) කොළඹ රාජකීය විදුහල් ගෘහස්ථ ක්‍රීඩාංගණයේදී ආරම්භ විය. තරගාවලිය දින 5 ක් පුරා පැවැත්වෙන අතර එහි අවසන් මහ තරග ලබන 9 වැනිදා පැවැත්වීමට නියමිතය. 

මින් පෙර පැවැති ආධුනික, අතරමැදි, ජාතික, ජාතික කනිෂ්ඨ සහ ස්ටබ්ස් පළිහ වැනි ජාතික මට්ටමේ බොක්සිං තරගාවලි වලදී ජයග්‍රහණ ලැබූ ක්‍රීඩක ක්‍රීඩිකාවන්ට පමණක් මෙම තරගාවලියට සහභාගි වෙති. ඒ අනුව මෙවර තරගාවලිය සඳහා තරග වදින ක්‍රීඩක ක්‍රීඩිකාවන් සංඛ්‍යාව 164 කි. 

පිරිමි සහ කාන්තා යන අංශ දෙකෙන්ම බර පංති 10 යටතේ පැවැත්වෙන මෙම තරගාවලියේ පිරිමි තරග විනාඩි 3 බැගින් වන වට 3 කින් සමන්විත වන අතර කාන්තා තරග විනාඩි 2 බැගින් වන වට 4 කින් සමන්විත වේ. 

තරගාවලියේ ජයග්‍රාහක ජයග්‍රාහිකාවන්ට පදක්කම් සහ සහතිකපත් පිරිණැමෙන අතර තරගාවලියේ දක්ෂතම ක්‍රීඩකයාට සහ ක්‍රීඩිකාවට විශේෂ කුසලාන සහ සහතිකපත් හිමිවේ. 

මෙම තරගාවලියේ සියලු තරග ජාත්‍යන්තර ආධුනික බොක්සිං සංගමය හඳුන්වාදුන් නව නීති රීති වලට අනුව පැවැත්වේ. තරගාවලියේ ත්‍යාග ප්‍රධානෝත්සවයේ ප්‍රධාන ආරාධිතයා ලෙස හිටපු නියෝජ්‍ය පොලිස්පති සුමිත් ලියනගේ මහතා සහභාගි වීමට නියමිතය. 

මෙතෙක් පැවැති තරගාවලි 91 න් 35 කම ශූරතාව දිනාගැනීමට ශ්‍රී ලංකා යුද හමුදාව සමත්ව ඇති අතර ඉකුත් වසරේ (2016) පැවැති තරගාවලියේ ශූරතාව දිනාගත් ස්ලිම්ලයින් ක්‍රීඩා සමාජය මේ වන විට පිට පිටම දින සිටින ශූරතා සංඛ්‍යාව 5 කි. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...
අනුන්ට කැපූ වළේ තමන් වැටීම...
2018-11-19 17:20:21
එංගලන්තයට එරෙහිව පැවැත්වෙන ටෙස්ට් තරගාවලිය දැනටමත් පරාජය වී තිබේ. තවත් තරගයක් ඉතිරිව තිබුණත් එංගලන්ත කණ්ඩායමක් ශ්‍රී ලංකාවේදී ටෙස්ට් ත...