. ජෝ රූට් එංගලන්තය දිනවීමේ සටනක | කෙළිමඬල
2018 අගෝස්තු මස 15 වැනි බදාදා
ජෝ රූට් එංගලන්තය දිනවීමේ සටනක
2017-12-05 22:27:14 | .

සංචාරක එංගලන්ත කණ්ඩායම සහ ඕස්ට්‍රේලියානු කණ්ඩායම අතර පැවැත්වෙන අළුබඳුන ටෙස්ට් ක්‍රිකට් තරගාවලියේ දෙවැනි තරගය සිවුවැනි දිනය (5 වැනිදා) සඳහා නතර කරන විට ජයග්‍රහණය සඳහා ලකුණු 354 ක ඉලක්කයක් හඹායමින් සිටි එංගලන්ත කණ්ඩායම සිය දෙවැනි ඉනිම වෙනුවෙන් කඩුලු 4 ක් දැවී ලකුණු 176 ක් ලබා සිටියේය.

ඒ අනුව එංගලන්ත කණ්ඩායම කඩුලු 6 ක් අතැතිව ඕස්ට්‍රේලියානු කණ්ඩායමට වඩා තවත් ලකුණු 178 ක් ඉදිරියෙන් සිටින අතර තරගය නතර කරන විට පන්දුවට පහරදෙමින් සිටි නායක ජෝ රූට් නොදැවී ලකුණු 67 ක්ද, ක්‍රිස් වෝක්ස් නොදැවී ලකුණු 5 ක්ද බැගින් ලබා කඩුල්ලේ රැදී සිටියහ.

ඕස්ට්‍රේලියාවට වඩා ලකුණු 353 ක් පසුපසින් සිටිමින් දෙවැනි ඉනිම ඇරඹූ එංගලන්ත කණ්ඩායමේ පළමු කඩුල්ල ලකුණු 51 ක් වන විට බිඳ වැටුණ අතර එහිදී ඇලිස්ටෙයාර් කුක් ලකුණු 16 කට දැවී ගියේ නේදන් ලයන්ගේ පන්දුවක් හමුවේ කඩුල්ල මුවා කිරීමේ වරදට හසුවෙමිනි.

ඉන් අනතුරුව මාර්ක් ස්ටෝන්මන් ලකුණු 36 කටද, ජේම්ස් වින්ස් ලකුණු 15 කටද පිටියෙන් ඉවත් කිරීමට සමත් වූ මිචෙල් ස්ටාර්ක් එංගලන්ත කණ්ඩායම අසීරු තත්ත්වයකට ඇද දැමුවේය.

එතැන් පටන් ජෝ රූට් සමග එක්වූ ඬේවින් මැලන් (29) සිවුවැනි කඩුල්ල වෙනුවෙන් ලකුණු 78 ක සම්බන්ධතාවක් ගොඩනැගූ අතර පැට් කමින්ස්ගේ පන්දුවක් කඩුල්ලේ වැදීමෙන් ඬේවිඞ් මැලන් දැවී යෑමත් සමග එම සම්බන්ධතාව නිමාවට පත් විය. රූට්ගේ 34 වැනි ටෙස්ට් අර්ධ ශතකය හතරේ පහර 9 කින් සමන්විත විය.

තෙවැනි දිනය වූ ඊයේ (3 වැනිදා) තරගය නතර කරන විට කඩුලු 4 ක් දැවී ලකුණු 53 ක් ලබා සිටි ඕස්ට්‍රේලියානු කණ්ඩායමට එංලගන්න පන්දු යවන්නන්ගේ දක්ෂ පන්දු යැවීම හමුවේ අද දිනයේදී සිය දෙවැනි ඉනිම සඳහා අලුතින් එක්කරගත හැකි වූයේ ලකුණු 85 ක් පමණි.

එහිදී දක්ෂ පන්දු යැවීමක නිරත වූ උප නායක ජේම්ස් ඇන්ඩසන් ලකුණු 43 කට කඩුලු 4 ක් දවාගනිමින් ඕස්ට්‍රේලියානු ඉනිම අඩපණ කළේය. ලකුණු 36 කට කඩුලු 4 ක් දවාගත් ක්‍රිස් වෝක්ස් ඕස්ටේ්‍රලියානු ඉනිම අඩු ලකුණු සංඛ්‍යාවකට සීමා කිරීම සඳහා ඇන්ඩසන්ට අනගි සහායක් දුන්නේය.

 

- 036

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...