. ඩකා ඩයිනමයිට්ස් ලකුණු 43 කින් ජය ගනියි | කෙළිමඬල
2018 දෙසැම්බර් මස 14 වැනි සිකුරාදා
ඩකා ඩයිනමයිට්ස් ලකුණු 43 කින් ජය ගනියි
2017-12-07 16:17:27 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ ඩකා ඩයිනමයිට්ස් කණ්ඩායම සහ රාංපූර් රයිඩර්ස් කණ්ඩායම අතර ඩකාහිදී ඊයේ (6 වැනිදා) පැවැති තරගයෙන් ලකුණු 43 ක ජයක් අත්කර ගැනීමට ඩකා ඩයිනමයිට්ස් කණ්ඩායම සමත් විය.

ජයග්‍රහණය සඳහා ලකුණු 138 ක ඉලක්කයක් හඹා ගිය රාංපූර් පිතිකරුවන්ට ඕවර 20 අවසානයේ කඩුලු 7 ක් දැවී රැස්කරගත හැකි වූයේ ලකුණු 94 ක් පමණි. එහිදී දක්ෂ පන්දු යැවීමක නිරත වූ නායක සකීබ් අල් හසන් සහ අබූ හයිදර් කඩුලු 2 බැගින් දවාගනිමින් රාංපූර් කණ්ඩායමට දැඩි පීඩනයක් එල්ල කළහ.

රාංපූර් ඉනිමේ වැඩිම ලකුණු ලාභියා බවට පත්වූ රවී බොපාරා පන්දු 30 කදී හයේ පහරක් සහ හතරේ පහරක් සමගින් නොදැවී ලකුණු 28 ක් රැස්කළේය. එහෙත් පිතිකරුවන් 5 දෙනෙක්ම ලකුණු 10 සීමාව ඉක්මවා යෑමට පෙර දැවීයෑම රාංපූර් කණ්ඩායමට විශාල පාඩුවක් විය.

පළමුවෙන් පන්දුවට පහරදුන් ඩකා ඩයිනමයිට්ස් කණ්ඩායම වෙනුවෙන් නායකත්වයේ ඉනිමක් ක්‍රීඩා කළ සකීබ් අල් හසන් පන්දු 33 කදී නොදැවී ලකුණු 47 ක් රැස්කළේ හයේ පහර 2 ක් සහ හතරේ පහර 2 ක් සමගිනි.

මෙහෙදි මරූෆ් (33) සමග හයවැනි කඩුල්ල වෙනුවෙන් එක්ව පන්දු 43 කදී ලකුණු 55 ක සම්බන්ධතාවක් ගොඩනැගීමටද සකීබ් අල් හසන් සමත් වූ අතර පන්දු 23 කදී වාර්තා වූ මරූෆ්ගේ ඉනිමට හයේ පහරක් සහ හතරේ පහර 3 ක් ඇතුළත් විය.

එහිදී රුබෙල් හුසේන් සහ ඉබාදත් හුසේන් කඩුලු 2 බැගින් දවාගනිමින් රාංපූර් කණ්ඩායම වෙනුවෙන් පන්දුවෙන් දස්කම් දැක්වූහ.


ඩකා ඩයිනමයිට්ස් පිල - ඕවර 20 කදී කඩුලු 7 ක් දැවී 137  
(එවින් ලුවිස් 14, මෙහෙදි මරූෆ් 33, සකීබ් අල් හසන් නොදැවි 47, රුබෙල් හුසේන් 32/2, ඉබාදත් හුසේන් 37/2)
 
රාංපූර් රයිඩරස් පිල - ඕවර 20 කදී කඩුලු 7 ක් දැවී 94
(ජොන්සන් චාල්ස් 26, රවී බොපාරා නොදැවී 28, අල් හසන් 13/2, අබූ හයිදර් 23/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...