. කොමිලා වික්ටෝරියන්ස්ට ලකුණු 23 ක ජයක් | කෙළිමඬල
2018 දෙසැම්බර් මස 13 වැනි බ‍්‍රහස්පතින්දා
කොමිලා වික්ටෝරියන්ස්ට ලකුණු 23 ක ජයක්
2017-12-07 18:59:17 | .

බංග්ලාදේශයේ පැවැත්වෙන බී.පී.එල්. විස්සයි20 ක්‍රිකට් තරගාවලියේ කොමිලා වික්ටෝරියන්ස් කණ්ඩායම සහ ෂිලාත් සුපර්සික්සර්ස් කණ්ඩායම අතර ඩකාහිදී ඊයේ (6 වැනිදා) පැවැති තරගයෙන් ලකුණු 25 ක ජයක් අත්කර ගැනීමට කොමිලා වික්ටෝරියන්ස් කණ්ඩායම සමත් විය.

ජයග්‍රහණය සඳහා ලකුණු 171 ක ඉලක්කයක් හඹා ගිය ෂිලාත් පිතිකරුවන්ට ඕවර 20 අවසානයේ කඩුලු 7 ක් දැවී රැස්කරගත හැකි වූයේ ලකුණු 145 ක් පමණි. ෂිලාත් ඉනිමේ වැඩිම ලකුණු ලාභියා බවට පත්වූ සබීර් රෙහෙමාන් පන්දු 20 කදී හයේ පහරක් සහ හතරේ පහර 4 ක් සමගින් ලකුණු 31 ක් රැස්කළේය.

එහිදී දක්ෂ පන්දු යැවීමක නිරත වූ ග්‍රේම් ක්‍රීමර් ලකුණු 15 කට කඩුලු 3 දවාගනිමින් ෂිලාත් පිතිකරුවන්ට දැඩි පීඩනයක් එල්ල කළේය. ෂිලාත් කණ්ඩායමේ ජයග්‍රහණය වලක්වාලීම සඳහා ක්‍රීමර්ට අනගි සහායක් දුන් මෙහෙදි හසන් සහ හසන් අලී කඩුලු 2 බැගින් දවාගත්හ.

පළමුවෙන් පන්දුවට පහරදුන් කොමිලා වික්ටෝරියන්ස් කණ්ඩායමේ තෙවැනි කඩුල්ල වෙනුවෙන් පන්දු 61 කදී ලකුණු 83 ක සම්බන්ධතාවක් ගොඩනැගීමට මාලන් සැමුවෙල්ස් (55) සහ ෂොයිබ් මලික් (නොදැවී 28) සමත් වූහ. පන්දු 43 කදී වාර්තා වූ සැමුවෙල්ස්ගේ ඉනිමට හයේ පහර 2 ක් සහ හතරේ පහර 5 ක් ඇතුළත් වූ අතර පන්දු 18 කදී වාර්තා වූ මලික්ගේ ඉනිමට හයේ පහර 2 ක් සහ හතරේ පහරක් ඇතුළත් විය.

ආරම්භක පිතිකරු ලිටන් දාස් පන්දු 43 කදී හයේ පහරක් සහ හතරේ පහර 6 ක් සමග ලකුණු 65 ක් රැස්කරමින් කොමිලා කණ්ඩායමට වේගවත් ආරම්භයක් ලබාදුන්නේය.


කොමිලා වික්ටෝරියන්ස් පිල - ඕවර 20 කදී කඩුලු 4 ක් දැවී 170
(ලිටන් දාස් 65, මාලන් සැමුවෙල්ස් 55, ෂොයිබ් මලික් නොදැවී 28)

ෂිලාත් සුපර්සික්සර්ස් පිල - ඕවර 20 කදී කඩුලු 7 ක් දැවී 145  
(ඇන්ඩෘෘ ෆ්ලෙචර් 25, බාබර් අසාම් 20, සබීර් රෙහෙමාන් 31, ග්‍රේම් ක්‍රීමර් 15/3, මෙහෙදි මරූෆ් 31/2, හසන් අලි 35/2)

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...