. ලෝක ශූරතාවලියට යන ලූෂන්ට කායවර්ධන සම්මේලනයේ විරෝධය | කෙළිමඬල
2018 සැප්තැම්බර් මස 22 වැනි සෙනසුරාදා
ලෝක ශූරතාවලියට යන ලූෂන්ට කායවර්ධන සම්මේලනයේ විරෝධය
2017-12-07 19:22:10 | නාමල් පතිරගේ

ඇමරිකාවේ ටෙක්සාස් ප්‍රාන්තයේදී සෙනසුරාදා (9) පැවැත්වෙන ලෝක අයෝමය ශූරයා තේරීමේ තරගාවලියට ශ්‍රී ලංකා ක්‍රීඩක ලූෂන් ඇන්ටන් පුෂ්පරාජ් සහභාගිවීම නීති විරෝධී බව ශ්‍රී ලංකා කායවර්ධන හා ශාරීරික යෝග්‍යතා සම්මේලනය පවසයි. කොරියාවේදී පසුගිය අගෝස්තු මාසයේදී ලෝක කායවර්ධන හා ශාරීරික ක්‍රීඩා සම්මේලනය සංවිධානය කළ ලෝක අයෝමය ශූරයා තේරීමේ තරගාවලිය ජයග්‍රහණය කළ ශ්‍රී ලංකා ක්‍රීඩක ලූෂන් ඇන්ටන් පුෂ්පරාජ්ගේ එම ජයග්‍රහණයද ශ්‍රී ලංකාව පිළිගත් ජයග්‍රාහකයන් නොවන බව ශ්‍රී ලංකා කායවර්ධන හා ශාරීරික යෝග්‍යතා සම්මේලනය එම අවස්ථාවේදී ප්‍රකාශකර සිටියේය.

බොරැල්ල “ඔටර්ස්” ක්‍රීඩා සමාජ ශාලාවේදී පැවැති කායවර්ධන සම්මේලනයේ මාධ්‍ය හමුවකදී එහි සම්මේලනයේ ලේකම් නිහාල් වීරතුංග මහතා ප්‍රකාශ කළේ ලූෂන් ශ්‍රී ලංකාව නියෝජනය කිරීමේදී අනුගමනය කළ යුතු පිළිවෙත්වලින් බැහැරව කටයුතු කර තිබෙන බැවින් ඔහු රට නියෝජනය කරන ක්‍රීඩකයෙකු ලෙස ශ්‍රී ලංකා කායවර්ධන සම්මේලනයට නිල වශයෙන් පිළිගැනීමට හැකියාවක් නැති බවයි. එහෙත් ඔහු ශ්‍රී ලංකා කායවර්ධන සම්මේලනයේ පිළිවෙත්වලට එකඟ වන්නේ නම් මීට පෙර අවස්ථාවලදී මෙන්ම ඔහුට ක්‍රීඩකයෙකු ලෙස පිළිගැනීම ලබාදීමට කායවර්ධන සම්මේලනය සූදානම් බව ද මාධ්‍ය හමුවේදී වීරතුංග මහතා අවධාරණය කර සිටියේය.

මේ අතර ඇන්ටන් පුෂ්පරාජ්ගේ ජාත්‍යන්තර තරග සහභාගිත්වයට බාධා නොකළ යුතු බවට ක්‍රීඩා ඇමැති දයාසිරි ජයසේකර මහතා ශ්‍රී ලංකා කායවර්ධන සම්මේලනයේ ප්‍රධානීන්ට පවසා ඇතැයිද වාර්තා වේ. එසේ වුවත් ඇමැතිවරයාගේ එම ප්‍රකාශය ගැන එහි ප්‍රධානීන්ගේ අදහස වන්නේ එය වැරැදි පූර්වාදර්ශයක් සපයන ප්‍රකාශයක් බවයි.

ශ්‍රී ලංකා නාමය යොදා ගනිමින් නීති විරෝධි යයි හැඟෙන ජාත්‍යන්තර තරග නියෝජනයක් සිදුවන අවස්ථාවක් වෙතොත් එය වැළැක්වීම හෝ සුදුසු ක්‍රියාමාර්ග ගැනීම අදාළ ජාතික ක්‍රීඩා සංගමයේ වගකීමක් වන බැවින් ලූෂන් ඇන්ටන් පුෂ්පරාජ් කොරියානු තරගාවලියට සහභාගිවීම හා ඔහුගේ පදක්කම ශ්‍රී ලංකා කායවර්ධන සම්මේලනය තවදුරටත් ප්‍රතික්ෂේප කර සිටින බව ශ්‍රී ලංකා කායවර්ධන සම්මේලනය පවසයි.

මේ අතර නීති විරෝධීව ජාත්‍යන්තර තරගයකට සහභාගි වූ ලූෂන් ඇන්ටන් පුෂ්පරාජ් එම ජයග්‍රහණයෙන් පසුව ක්‍රීඩා ඇමැති දයාසිරි ජයසේකර මහතා මුණ ගැසීම ගැනද කායවර්ධන සම්මේලනය කණස්සල්ල පළකර සිටියේය. එහි ප්‍රධානීන් පෙරේදා (6) පැවැති මාධ්‍ය හමුවේදී ඒ පිළිබඳව අදහස් දක්වමින් ප්‍රකාශ කළේ සම්මේලනයේ ප්‍රධානීන්ට පසුගිය මාස දෙකක පමණ කාලයක් තිස්සේ ක්‍රීඩා ඇමැතිවරයා මුණ ගැසීමට දැරූ උත්සාහය අසාර්ථකවීම ගැන කණගාටුවන බවයි.

ඒ සම්බන්ධයෙන් ක්‍රීඩා අමාත්‍යංශයේදී පැවැති ජාතික ක්‍රීඩා සංගම් ප්‍රධානීන්ගේ හමුවකදී කායවර්ධන සම්මේලනයේ ලේකම් නිහාල් වීරතුංග මහතා ක්‍රීඩා ඇමැතිවරයාගේ අවධානය යොමුකර සිටි බව ද වාර්තා වේ.

ඉදිරියේදී තමන් හමුවීම සඳහා දිනයක් ලබා දෙන බව කායවර්ධන සම්මේලනයේ ලේකම්වරයාට ප්‍රකාශකර ඇති ක්‍රීඩා ඇමැතිවරයා සම්මේලනයේ සභාපතිවරයා හා ලේකම්වරයා අතර පසුගිය කාලයේ ඇතිවූ බව කියන මතභේද හේතුවෙන් සම්මේලනය අරාජික තත්ත්වයකට පත්වීම නිසා තමන් එහි ප්‍රධානීන් මුණ ගැසීමට උනන්දු නොවූ බවද පවසා තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
පාකිස්තානයට කඩුලු 8 ක ජයක්...
2018-09-16 22:00:32
ආසියානු ක්‍රිකට් තරගාවලියේ දෙවැනි තරගය ලෙස පාකිස්තාන සහ හොංකොං කණ්ඩායම් අතර ඩුබායි ජාත්‍යන්තර ක්‍රිකට් ක්‍රීඩාංගණයේදී අද (...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...