. හොං කොං පිලට දැවැන්ත ජයක් | කෙළිමඬල
2018 අපේ‍්‍රල් මස 25 වැනි බදාදා
හොං කොං පිලට දැවැන්ත ජයක්
2017-12-10 18:29:16 | මොහාන් ප්‍රනාන්දු

අවුරුදු 19න් පහළ ආසියානු රග්බි තරගාවලියේ පළමු අදියරේ තරගයෙන් සත්කාරක ශ්‍රී ලංකා පිල පරදවා ලකුණු 37-8 ක දැවැන්ත ජයක් අත්කරගැනීමට සංචාරක හොංකොං පිල සමත් විය.

කොළඹ තුරඟ තරග පිටියේදී අද පැවැති මේ තරගයේ පළමු භාගය අවසන් වනවිට ලකුණු 22-3 කින් පෙරමුණ ගත් හොංකොං පිල උත්සාහක දිනුම් 7 ක් තැබීමට සමත්වූ අතර ඉන් එක් උත්සාහක දිනුමක් ගෝලයක් බවට පත් කරගත්තේය. ශ්‍රී ලංකා පිල රැස් කරනු ලැබුවේ උත්සාහක දිනුමක් සහ දඬුවම් පහරක් පමණි.

තරගයේ ආරම්භයේ සිටම දැඩි ආක්‍රමණශීලී තරග රටාවක නිරතවූ හොංකොං පිල පළමු භාගයේදී උත්සාහක දිනුම් 3 ක් තැබීමට සමත්වූ අතර එහිදී ශ්‍රී ලංකා පිල රැස් කළේ දඬුවම් පහරක් පමණි. දෙවැනි අදියරේ ශ්‍රී ලංකා පිල දැඩි පීඩනයට හසු කළ හොං කොං ක්‍රීඩකයෝ තවත් උත්සාහක දිනුම් 4 ක් තබද්දී ශ්‍රී ලංකා පිල තැබූවේ එක් උත්සාහක දිනුමක් පමණි.

ශ්‍රී ලංකා පිල වෙනුවෙන් වාර්තා වූ එකම උත්සාහක දිනුම තීක්ෂණ දිසානායක තැබූ අතර දඬුවම් පහර එල්ල කරනු ලැබුවේ චතුර සෙනෙවිරත්න විසිනි.

වසර 2018 අවුරුදු 20න් පහළ ලෝක කුසලාන රග්බි තරගාවලියට ආසියාවෙන් සුදුසුකම් ලබන දෙවැනි කණ්ඩායම තෝරාගන්නා මේ තරගාවලියේදී ශ්‍රී ලංකා පිල සහ හොංකොං පිල අතර දෙවැනි අදියරේ තරගය ලබන 17 වැනිදා හොංකොං හී පැවැත්වීමට නියමිතය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
කොල්කටා පිලට කඩුලු 7 ක ජයක්...
2018-04-18 20:08:08
අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...