. ජනාධිපති රන් කුසලාන අවසන් තරග 18 දා | කෙළිමඬල
2018 අගෝස්තු මස 16 වැනි බ‍්‍රහස්පතින්දා
ජනාධිපති රන් කුසලාන අවසන් තරග 18 දා
2017-12-11 16:57:02 | සුසිල් ප්‍රේමලාල්
ජනාධිපති රන් කුසලාන ‘ඩයලොග්’ වොලිබෝල් තරගාවලියේ අවසන් තරග මෙම දෙසැම්බර් 18 දා පෙ.ව 8.30 සිට කොළඹ සුගතදාස ගෘහස්ථ ක්‍රීඩාංගනයේදී පැවැත්වේ. වොලිබෝල් කණ්ඩායම් 4000 කට ආසන්න සංඛ්‍යාවකගේ සහභාගිත්වයෙන් මෙම තරගාවලියේ මූලික වටයේ තරග දිස්ත්‍රික් මට්ටමින් පැවති අතර විවෘත පිරිමි - කාන්තා සහ වයස අවු 22න් පහළ (ආධුනික) පිරිමි සහ කාන්තා වශයෙන් තරගාවලිය පැවැත්විණ.
 
ගතවූ සති අන්තයේ ඇඹිලිපිටිය මහවැලි ක්‍රීඩාංගනයේදී මෙම තරගාවලියේ ජාතික මට්ටමේ (දිස්ත්‍රික් මට්ටමින් සුදුසුකම් ලැබූ කණ්ඩායම් අතර) තරගාවලිය පැවති අතර ඒ සඳහා කණ්ඩායම් 100ක් සහභාගී වූහ.
 
විවෘත පිරිමි අවසන් තරගය සඳහා නාත්තණ්ඩිය යුනයිටඞ් ක්‍රීඩා සමාජ කණ්ඩායම සහ කටාන ඒකාබද්ධ ක්‍රීඩා සමාජ කණ්ඩායම සුදුසුකම් ලබාසිටී. එම කාන්තා අවසන් තරගය සඳහා සුදුසුකම් ලබා ඇත්තේ සියඹලාගොඩ කපිල ක්‍රීඩා සමාජ සහ කොස්වාඩිය විජය ක්‍රීඩා සමාජයයි.
 
මෙම තරගාවලියට සමගාමීව පැවති ආධුනික (වයස අවු 22න් පහළ) තරගාවලියේ පිරිමි අංශයෙන් හුංගම විජයබා ක්‍රීඩා සමාජය සහ හලාවත ඒකාබද්ධ ක්‍රීඩා සමාජය සුදුසුකම් ලැබූ අතර කාන්තා අවසන් තරගය සඳහා කුරුණෑගල කැෂුවලයින් ක්‍රීඩා සමාජයත් ගලිගමුව සිරි පැරකුම් ක්‍රීඩා සමාජයත් සුදුසුකම් ලබා සිටිති.
 
විවෘත පිරිමි සහ කාන්තා අංශයේ ජයග්‍රාහක කණ්ඩායම් සඳහා මුදලින් රු. 150,000 බැඟින් ද, අනුශූරයන්ට රු. 100,000 බැඟින්ද 3 වැනි ස්ථාන සඳහා රු. 50,000 බැඟින්ද පිරිනැමෙනු ඇත.
 
මුදලින් රු. 100,000 බැඟින් ආධුනික අංශයේ පිරිමි හා කාන්තා ජයග්‍රාහක කණ්ඩායම් දෙකට පිරිනැමෙන අතර අනුශූර කණ්ඩායම් දෙකට රු. 75,000 බැඟින් සහ තුන් වැනි ස්ථාන සඳහා රු.50,000 බැඟින්ද පිරිනැමීමට ශ්‍රී ලංකා වොලිබෝල් සම්මේලනය විධි විධාන යොදා ඇත.
 
තරගාවලියේ අවසන් තරග සහ ජය සංකේත ප්‍රදානය පෙ.ව මෙම 18 දා ප.ව 4.00ට ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වීමට නියමිතය.
 
අවසන් තරග සඳහා සුදුසුකම් ලැබූ කණ්ඩායම්
 
වයස අවු 22න් පහළ කාන්තා අවසන් තරගය
කුරුණෑගල කැෂුවලයින් ක්‍රී.ස සහ ගලිගමුව සිරි පැරකුම් ක්‍රී.ස අතර තරග පෙ.ව 8.30ට
 
වයස අවු 22න් පහළ පිරිමි අවසන් තරගය
හුංගම විජයබා ක්‍රී.ස සහ හලාවත ඒකාබද්ධ ක්‍රී.ස අතර තරගය පෙ.ව 10.30ට
 
විවෘත කාන්තා අවසන් තරගය
සියඹලාගොඩ කපිල ක්‍රී.ස සහ කොස්වාඩිය විජය ක්‍රී.ස අතර තරග ප.ව 1.00ට 
 
විවෘත පිරිමි අවසන් තරගය
නාත්තණ්ඩිය යුනයිටඞ් ක්‍රී.ස සහ කටාන ඒකාබද්ධ ක්‍රී.ස අතර තරගය ප.ව 3.00ට

22 න් පහළ පිරිමි විජයබා ක්‍රී. ස - හුංගම

22 න් පහළ පිරිමි හලාවත ඒකාබද්ධ ක්‍රී. ස - හලාවත

  22න් පහළ කාන්තා කැෂුවලයින් ක්‍රී.ස - කුරුණෑගල

 22න් පහළ කාන්තා සිරි පැරකුම් ක්‍රී.ස - ගලිගමුව

විවෘත පිරිමි  ඒකාබද්ධ ක්‍රී.ස - කටාන

විවෘත පිරිමි  යුනයිටඞ් ක්‍රී.ස - නාත්තණ්ඩිය

විවෘත කාන්තා කපිල ක්‍රී.ස  - සියඹලාගොඩ

විවෘත කාන්තා විජය ක්‍රී.ස - කොස්වාඩිය

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...