. මාලන් - බෙයාර්ස්ටෝ නොසැලී සිටිති | කෙළිමඬල
2018 ඔක්තෝබර් මස 22 වැනි සඳුදා
මාලන් - බෙයාර්ස්ටෝ නොසැලී සිටිති
2017-12-14 19:08:28 | ...

ඕස්ට්‍රේලියානුවන්ගේ භයංකාර වේග පන්දු බලඇණිය හමුවේ නොසැලී සිය කඩුලු රැකගත් ඬේවිඞ් මාලන් සහ ජොනී බෙයාර්ස්ටෝ දෙදෙනාගේ ධෛර්යවත් පිතිහරඹය හේතුවෙන් හිස ඔසවාගත් එංගලන්තය තුන්වැනි අළු බඳුන ටෙස්ට් තරගයේ පළමු දිනය වූ අද (14 වැනිදා) ක්‍රීඩාව අවසන් වන විට කඩුලු 4 ක් දැවී ලකුණු 305 ක් ලබා සිටියේය. මෙම තරගය පර්ත්හි බටහිර ඕස්ට්‍රේලියානු ක්‍රිකට් සංගම් පිටියේදී පැවැත්වෙයි.

එංගලන්තය - පළමු ඉනිම
ඇලෙස්ටෙයාර් කුක් - ක.මු.කළා ප. ස්ටාර්ක්  7
මාක් ස්ටෝන්මන් -  ඇ. පෙන් ප.ස්ටාර්ක්  56
ජේම්ස් වින්ස් -  ඇ.පෙන් ප. හෙසල්වුඩ් 25
ජෝ රූට් -  ඇ. පෙනේ ප. කමින්ස් 20
ඩේවිඩ් මාලන් -  නොදැවී 110
ජොනී බෙයාස්ටෝ - නොදැවී 75
අතිරේක (බ-8,පා-2, ව-1, නි-1) 12
එකතුව ඕවර 89 කදී කඩුලු 4 ක් දැවී     305
කඩුලු වැටීම 
1-26(කුක්), 2-89 (වින්ස්),3-115 (රූට්),4-131(ස්ටෝන්මන්)
පන්දුවට පහරදීමට සිටින ක්‍රීඩකයෝ 
මූන් අලී,ක්‍රිස් වෝර්ක්ස්,ක්‍රෙග් ඕවර්ටන්, ස්ටුවට් බ්‍රෝඩ්,ජේම්ස් ඇන්ඩසන් 
පන්දු යැවීම
මිචෙල් ස්ටාර්ක්  19-3-79-2  
ජොස් හෙසල්වුඩ් 20-7-62-1  
පැට්‍ කමින්ස් 21-6-60-1  
නේතන් ලයන් 19-4-61-0  
මිචෙල් මාර්ෂ් 7-1-25-0  
ස්ටීවන් ස්මිත් 3-1-8-0  

කඩුලු රකින්නා වශයෙන් ක්‍රීඩා කරන නමුත් පිතිකරු ලයිස්තුවේ උසස් වීමක් ලද ජොනී බෙයාර්ස්ටෝ සමගින් එක්ව පස්වැනි කඩුල්ල වෙනුවෙන් ලකුණු 174 ක සම්බන්ධතාවක් ගොඩනැංවූ මාලන්, දශක ගණනාවක සිටම වේග පන්දු යවන්නන්ගේ පරාදීසයක් වූ පර්ත් තණතීරුවේදී ඕස්ට්‍රේලියානුවන්ගේ බලාපොරොත්තු සුන්කර දැමූහ. සිවුවැනි කඩුල්ල ලකුණු 131 දී බිඳ වැටුණ නමුත් එතැන් සිට එංගලන්ත ඉනිමට සවිමත් මුක්කුවක් ගැසූ මාලන් සහ බෙයාර්ස්ටෝ දෙදෙනා කාසියේ වාසිය දිනාගැනීමෙන් පසුව පළමුව පන්දුවට පහර දීමට සිය නායකයා ගත් තීරණය නිවැරදි බව තහවුරු කළහ.


එංගලන්ත පිලේ හිටපු නායක ඇලිස්ටෙයාර් කුක් මෙන්ම වත්මන් නායක ජෝ රූට්ද පිත්තෙන් අසාර්ථක වූ නමුත් කාසියේ වාසිය දිනාගත් එංගලන්ත පිල පළමුවෙන් පන්දුවට පහර දීමට තීරණය කළේය. දෙවැනි ටෙස්ට් තරගයේදී එංගලන්ත පිල ලත් පරාජයට වැඩිපුරම රොස් පරොස් ඇසූ රූට්ට එංගලන්ත ක්‍රීඩා ලෝලීන් චෝදනා කළේ ඇඞ්ලේඞ්හිදී කාසියේ වාසිය දිනාගැනීමෙන් පසුව පන්දු යැවීමට ගත් තීරණය වැරදි බව කියමිනි.


ඕස්ට්‍රේලියානු වේග පන්දු යවන්නෝ තේ පානයට පෙර ඉතාමත් සාර්ථක පන්දු යැවීමක නිරත වූහ. එහෙත් උඩපන්දු තුනක්ම ගිළිහීයාම නිසා ඔවුන්ගේ බලාපොරොත්තු සුන්විය. එයින් අවසන් උඩපන්දුව ලැබුණේ ඬේවිඞ් මාලන් ලකුණු 92 ක් ලබා සිටියදී යැවුණු දෙවැනි නව පන්දුවෙනි. ඒ වන විටත් මහත් අසහනයට පත්ව සිටි මිචෙල් ස්ටාක්ගේ පන්දුවක් හමුවේ ලැබුණු උඩපන්දුව රැකගැනීමට තුන්වැනි ස්ලිප් ක්‍රීඩකයා ඉදිරියෙන් පැන්න කැමරන් බැන්ක්‍රොෆ්ඞ් උඩ පන්දුව අතහැරියේය.


ලද අවස්ථාවෙන් අනගි ප්‍රයෝජන ගත් නවකයා ජොස් හේසල්වුඞ්ගේ පන්දුවක් හතරේ සීමාවට යවමින් සිය මංගල ටෙස්ට් ශතකය ලබාගත්තේය. මාලන්ගේ පන්දු 174 ඉනිමට හතරේ පහර 15 ක් සහ හයේ පහරක් ඇතුළත්ව තිබිණ.


පර්ත්හිදී පැවැති තුන්දින තරගයකදී ඕස්ට්‍රේලියානු ආරම්භක පිතිකරු කැමරන් බැන්ක්‍රොෆ්ට හිසෙන් ඇනීම නිසා අනවශ්‍ය අර්බුදයකට මුහුණ දුන් ජොනී බෙයාර්ස්ටෝ ඬේවිඞ් මාලන්ට අගනා සහයෝගයක් දෙමින් නොදැවී ලකුණු 75 ක් ලබාගත්තේය. මේ වන විටත් 2-0 ක් ලෙසින් අළු බඳුන තරගාවලියේ පසුපසින් සිටින ජෝ රූට්ගේ එංගලන්ත කණ්ඩායම තේ පානයෙන් පසුව සිය කඩුලු ආරක්‍ෂා කරගත්තේ ඕස්ට්‍රේලියානු පන්දු රකින්නන්ගේ දුර්වලතාවෙනි.


සිය 150 වැනි ටෙස්ට් තරගයට සහභාගි වන එංගලන්ත පිලේ හිටපු නායක ඇලිස්ටෙයාර් කුක්ගේ මුහුණ දුන්නේ පන්දු 16 කට පමණි. ස්ටාක්ගේ පන්දුවක් පා ආවරණයේ වැදීම නිසා කුක්ගේ ඉනිම ලකුණු 7 කට සීමා විය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...