. යොවුන් රග්බි පිලට ඛේදජනක පරාජයක් | කෙළිමඬල
2019 ජනවාරි මස 23 වැනි බදාදා
යොවුන් රග්බි පිලට ඛේදජනක පරාජයක්
2017-12-17 18:25:11 | .

අවුරුදු 19න් පහළ ආසියානු රග්බි තරගාවලියේ දෙවැනි අදියරේදී හොං කොං පිල හමුවේ ලකුණු 40-7 ක පරාජයක් අත්විඳගැනීමට ශ්‍රී ලංකා යොවුන් රග්බි පිලට සිදුවිය. මෙම තරගය ඊයේ (16 වැනිදා) හොං කොං හිදී පැවැත්විණ.

තරගයේ ආරම්භයේ සිටම ශ්‍රී ලංකා පිල දැඩි පීඩනයකට ඇද දැමූ හොංකොං යෞවනයෝ පළමු භාගය නිමාවනවිට ලකුණු 14-7 කින් පෙරමුණ ගැනීමට සමත්වූහ. හෙං කොං පිල සමස්ත තරගයේදී  ගෝල දිනුම් 5 ක් සහ උත්සාහක දිනුමක් තැබුවේය. ශ්‍රී ලංකා පිලට ලබාගත හැකිවූයේ ගෝලයක් පමණි.

චමෝද් ප්‍රනාන්දු තැබූ උත්සාහක දිනුමක් රැන්ඩි සිල්වා විසින් ගෝලයක් බවට ප්‍රවර්තනය කරනු ලැබුවේ තරගයේ පළමු භාගයේදීය.

මෙහි පළමු අදියරේ තරගය පසුගියදා කොළඹ තුරඟ තරග පිටියේ පැවැති අතර එහිදී ලකුණු 37-8 ක ජයක් වාර්තා කරනු ලැබුවේ ද හොංකොං පිල විසිනි. සමස්ත තරගයේදී ලකුණු 77-15 ක ජයක් වාර්තා කිරීමට හොං කොං පිල සමත් වූයේය.

ඒ අනුව අවුරුදු 19න් පහළ ආසියානු රග්බි තරගාවලියේ සමස්ත ශූරතාව දිනාගත් හොංකොං පිල ලබන වසරේ පැවැත්වෙන අවුරුදු 20න් පහළ ලෝක කුසලාන රග්බි තරගාවලියට ආසියාවෙන් සුදුසුකම් ලබන දෙවැනි රට බවට පත්විය. ඊට පෙර ජපානයද එම තරගාවලිය සඳහා සුදුසුකම් ලබ සිටියේය.


- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...